ساحة حوار اتحاد طلاب الكلية

[Mohamed Al Gohary]

اسمه ان ده كلام الدكتور حسن .. تفتكر ممكن يكون بيقول كلام كده وخلاص !!!

[DR DOOLA]

الفرقه الاولى محتاجه تبدل التحليليه مكان العضويه يعنى العضويه تبقى فى الاول و شكرا

[عبدالله عبدالرحمن]

ياجماعة انتوا سايبين
الجماعة الخريجين تعبانين ليه
طيب حد يرد عليهم

هنا

[Mohamed Al Gohary]

بص يا عبدالله ..

حفلات التخرج عامة من اختصاص قطاع شئون البيئة وخدمة المجتمع .. وديما اتحاد الطلاب بيبقى له دور رئيسي فيها زى اللى اتعملت لدفعة 2008 ..

والسنه دي بصراحه الوضع معجبنيش كمسئول فى اتحاد الطلاب واتكلمت اكتر من مره مع الدكتورة ماجدة الشربيني .. انا معاها ان الظروف السنه دي مختلفه وصعبه بس برضه المشكله انه لم يتم وضع الحفلة كبند اساسي فى خطة العمل يتم تنفيذه فى مدة زمنيه محددة .. لذلك كثرت التأجيلات ..

واخر حديث دار بيني وبين الدكتورة ماجدة بشان الموضوع ده قالت لى هتبقى في شهر خمسه .. قلت لها طيب ما كده البنات هتيجي شايله عيال على ايديها ده اذا جم .. لان مش منطقى ولا طبيعي ان فيه حفلة تخرج لدفعه بعد تخرجها بسنه كامله ..

السنه اللى قبل اللى فاتت الحفلة اتعملت فى شهر 9 قبل ما الدراسه تبدا اساسا .. والسنه اللى فاتت اتعملت فى 22-11 والناس كانت متضيقه عشان اتاخرت

كلام في سرك : احنا بنجهز الوقتي حفلة تخرج دفعة 2010

[Messi]

اتحاد الطلاب نسي يكتب (صيدله اون لاين) في الموضوع ده:


الأسر الطلابية فى كلية الصيدلة جامعة المنصوره 2009-2010

[الهدى]

سلام عليكم لو سمحتم يا دكاترة ممكن حد يفيدنى فى موضوع دورة icdl هى اسمها كده برضه ولا ايه انا سمعت ان كل واحد لازم ياخدها عشان ياخد شهادة التخرج هل ده صحيح ولا ايه ياريت حد يفيدنى

[مهداه]

سلام عليكم لو سمحتم يا دكاترة ممكن حد يفيدنى فى موضوع دورة icdl هى اسمها كده برضه ولا ايه انا سمعت ان كل واحد لازم ياخدها عشان ياخد شهادة التخرج هل ده صحيح ولا ايه ياريت حد يفيدنى

اه يا دكتوره
لازم تخديها
هى اصلا كانت كورس ذى اى ماده
تانيه
وكان بينم تدريسه ف الفرقه الاولى

[Mohamed Al Gohary]

دورة الـ ICDL اجباريه على دفعة أولى ودفعة اعدادي السنه دي .. ومش هيتخرجوا الا لما ياخدوها .. وبيتم توفيرها لهم في الكليه ..

باقي الدفعات مش فرض عليهم ..

[ameer]

وبيتم توفيرها لهم في الكليه ..

مفهمتش الجملة دي يعني قصد حضرتك اللي هي في مركز الحساب العلمي ولا فيه حاجة بنعملها في الكلية ؟

[Messi]

مفهمتش الجملة دي يعني قصد حضرتك اللي هي في مركز الحساب العلمي ولا فيه حاجة بنعملها في الكلية ؟

مش الكليه هتوفر لك الامتحان بتاعها بالتعاون مع مركز الاتصالات ده ب5جنيه لكل موديول؟؟؟؟؟؟
انت لو اخدتها بره حتي لو امتحانات بس.....لازم تدفع حوالي350الي500 جنيه...
-----
بالفيديو....دوره icdl