أفضل قسم في كلية الصيدلة - جامعة المنصورة

[Nada Radwan]

وليه مانحاولش نصلح واحنا بندور على الاعتماد في نفس الوقت

مفيش اى مانع يادكتور..
المشكله ان شغلنا الشاغل دلوقتى بقي الاعتماد وخلاص
منغير مافكرنا نغير اى حاجه فى الكليه قبل ماهيئة الاعتماد تيجى أصلاً

[dr.morad]

طبعا قسم الكيمياء التحليليه افضل قسم من حيث كل حاجه
شرح كويس جدا ومصدر المذاكره متوافر احترام من المعيدين
للطلبه حاجه جميله فعلا وبعده قسم العضويه بالتحديد الدكتوره فاطمه
ومعدين كويسين جدا جدا زى الدكتوره رانيا بالتحديد ربنا يكرمها يارب والدكتور
محمد عبد الوهاب...........

[Ramy Saad]

مفيش اى مانع يادكتور..
المشكله ان شغلنا الشاغل دلوقتى بقي الاعتماد وخلاص
منغير مافكرنا نغير اى حاجه فى الكليه قبل ماهيئة الاعتماد تيجى أصلاً

أنا شايف إن لما يكون شغلنا الشاغل هو الاعتماد ده حاجة كويسة
لأننا هنسعى دائما للأفضل من أجل الحصول على الاعتماد
- وجهة نظري -

[summer breeze]

السلام عليكم ورحمه الله وبركاته

طبعا فكره جميله جدا فكره استفتاء على احسن قسم دي والاحلى والاحلى انها تتعرض على كل الاقسام بتهيالي دا بمثابه تقييم فعلي من الطلبه لاداء كل قسم ومن وجهه نظري انها احسن من الاستبيان اللي بيتعمل كل ترم دا

اما عن رايي المتواضع فطبعا طبعا زي ماقلت وهقول طول عمري وبعد خمس سنين دراسه ان قسم التحليليه هو احلى واحب قسم الى قلبي
ودا مش معناه اني بحب التحليليه اكتر ماده او اني بجيب فيها اعلى درجه لكن بجد سياسه قسم التحليليه هي اللي بتخليك غصب عنك تحب القسم وتحترم كل اللي فيه من اصغر عامل لرئيس القسم احلى مايميز قسم التحليليه من وجهه نظري هو الاخلااااااااااااص فعلا ماشاء الله الدكاتره والمعيدين بيحسسك ان امنيته انك تطلع من المحاضره فاهم
ومش ممكن ابدا انسى دكتور محمد العوضي لما دخلنا في الشرح ويقولنا ركزوا معايا نفهم الاول وبعدين همليكم وبعدها يملينا المعلومه بالعربي علشان نبقى فاهمين لما نذاكر بعد كدا بجد اسلوب ياريت كل المعيدين يتبعوه
كمان التكامل بين اعضاء القسم نفسه يعني بحس ان المعيدين كلهم حاطين خطه للشرح كلهم ماشيين عليها يعني مره في شرح الدكتور وضحلنا نقطه برسمه ناس كتير مفهموهاش لما سالنا كل واحد في سكشنه المعيده كانت على درايه تامه بالشرح وبالرسمه وفهمتهالنا عادي جدا كانها هي اللي كانت عاطيالنا الشرح اضف الى ذلك ان الدكاتره مش بيلجؤوا ابدا الى اسلوب التعقيد من الامتحان او استخدامه ككارت ضغط زي ما اقسام تانيه على راسها قسم الصيدلانيات بيعملوا كدا بالعكس منتهى التيسير والامتحان بتجيب فيه يمكن اكتر مانستاهل فبجد بجد ياريت كل الاقسام تبقى زي قسم التحليليه
للامانه قسم الكيمياء الطبيه وقسم الكيمياء العضويه برضه من الاقسام الكويسه جدا في الكليه بس يمكن لان المواد دي طبيعتها مش محببه ليا فمش بمدحها بنفس الدرجه لكن دا ابدا مينقصشي من قدرهم كلهم دكاترتنا وعلى راسنا
اقسام محتاجه وقفه بقى زي قسم العقاقير القسم كل دكاترته ماشاء الله مميزين جدا وعلى مستوى عالي بس مشكلته في حاجتين المذكرات مش كل السنين الكتب كانت كويسه مفيش فهرس المعلومات مش مرتبه زي الداتا شو وكمان المعمل طويل جدا بشكل ازيد من اللازم ودا اللي بيصيب الطلبه بملل شديد وتلاقي نص المعمل بيلعب والنص التاني نايم اضف الى ذلك طبعامشكله الميكروسكوبات اللي مفيش حد في صيدله مش بيشتكي منها وعلى الرغم من وجود ميكروسكوبات جديده دلوقتي الا اننا برضه بنشتغل على الميكروسكوبات القديمه والجديد مش بينزل غير في الامتحان وللديمونستريشن فقط !!!!!!!!
قسم الصيدلانيات دكاتره مستويات قمه ماشاء الله بس التعامل مش ولا بد خالص انا والله بحس ان الدكتور لما يتعين في قسم الصيدلانيات بياخد تعليمات انه يبقى صعب ويزغق وميسمعش الطالب برضه للامانه السنه دي والسنه اللي فاتت حاسه ان تعامل المعيدين اتحسن كتير بس بجد سنه اولى وتانيه اتعقدنا فيهم بكل ماتعنيه كلمه التعقيد من معنى

قسم الفارما برضه الدكاتره قمم واعلام ماشاء الله لكن في معيده تحديدا في القسم بجد تعاملها وحش جدا وبتهيالي كل اللي درس معاها بيشتكي منها المعيدين التانيين تعاملهم كويس معانا بس المطلوب شويه صبر علينا لان معمل زي الفارما كله فيران وضفادع والناس مش متعوده ع الحاجات دي فيصبروا علينا شويه بس وبرضه للامانه الاغلبيه من الدكاتره صبورين جدا وبيفضلوا ورا اللي مش بيعرف يمسك لحد لما يعلموه بس احنا امنيتنا ان كل القسم يبقى كدا
قسم الميكرو اكبر عيوبه مذكراته التي لاتمت بصله للمقررات اللي بناخدها وبالتالي مفيش سورس كويس للمذاكره كمان العملي بتاعه من العمليات اللي ناس كتير بتشتكي منها يمكن احنا محتاجين نتدرب اكتر ازاي نعمل التجارب دي اكتر من النص ترم اللي احنا بنتعلم في الكورس دا كمان مهمه جدا الانيميشن والفيديوهات والصور في قسم زي الميكرو ودا فعلا دكاتره كتير زي دكتور رمضان ودكتور سيد ودكتور وائل بيعملوه بس احنا عاوزين برضه كل القسم كدا

بيتهيالي كدا اتكلمت على كل الاقسام ويارب فعلا تكون اراءنا دي بذره لاحداث تغيير للاحسن في كليتنا

والله من وراء القصد

[زهرة الياسمين]

السلام عليكم ورحمه الله وبركاته

طبعا فكره جميله جدا فكره استفتاء على احسن قسم دي والاحلى والاحلى انها تتعرض على كل الاقسام بتهيالي دا بمثابه تقييم فعلي من الطلبه لاداء كل قسم ومن وجهه نظري انها احسن من الاستبيان اللي بيتعمل كل ترم دا

اما عن رايي المتواضع فطبعا طبعا زي ماقلت وهقول طول عمري وبعد خمس سنين دراسه ان قسم التحليليه هو احلى واحب قسم الى قلبي
ودا مش معناه اني بحب التحليليه اكتر ماده او اني بجيب فيها اعلى درجه لكن بجد سياسه قسم التحليليه هي اللي بتخليك غصب عنك تحب القسم وتحترم كل اللي فيه من اصغر عامل لرئيس القسم احلى مايميز قسم التحليليه من وجهه نظري هو الاخلااااااااااااص فعلا ماشاء الله الدكاتره والمعيدين بيحسسك ان امنيته انك تطلع من المحاضره فاهم
ومش ممكن ابدا انسى دكتور محمد العوضي لما دخلنا في الشرح ويقولنا ركزوا معايا نفهم الاول وبعدين همليكم وبعدها يملينا المعلومه بالعربي علشان نبقى فاهمين لما نذاكر بعد كدا بجد اسلوب ياريت كل المعيدين يتبعوه
كمان التكامل بين اعضاء القسم نفسه يعني بحس ان المعيدين كلهم حاطين خطه للشرح كلهم ماشيين عليها يعني مره في شرح الدكتور وضحلنا نقطه برسمه ناس كتير مفهموهاش لما سالنا كل واحد في سكشنه المعيده كانت على درايه تامه بالشرح وبالرسمه وفهمتهالنا عادي جدا كانها هي اللي كانت عاطيالنا الشرح اضف الى ذلك ان الدكاتره مش بيلجؤوا ابدا الى اسلوب التعقيد من الامتحان او استخدامه ككارت ضغط زي ما اقسام تانيه على راسها قسم الصيدلانيات بيعملوا كدا بالعكس منتهى التيسير والامتحان بتجيب فيه يمكن اكتر مانستاهل فبجد بجد ياريت كل الاقسام تبقى زي قسم التحليليه
للامانه قسم الكيمياء الطبيه وقسم الكيمياء العضويه برضه من الاقسام الكويسه جدا في الكليه بس يمكن لان المواد دي طبيعتها مش محببه ليا فمش بمدحها بنفس الدرجه لكن دا ابدا مينقصشي من قدرهم كلهم دكاترتنا وعلى راسنا
اقسام محتاجه وقفه بقى زي قسم العقاقير القسم كل دكاترته ماشاء الله مميزين جدا وعلى مستوى عالي بس مشكلته في حاجتين المذكرات مش كل السنين الكتب كانت كويسه مفيش فهرس المعلومات مش مرتبه زي الداتا شو وكمان المعمل طويل جدا بشكل ازيد من اللازم ودا اللي بيصيب الطلبه بملل شديد وتلاقي نص المعمل بيلعب والنص التاني نايم اضف الى ذلك طبعامشكله الميكروسكوبات اللي مفيش حد في صيدله مش بيشتكي منها وعلى الرغم من وجود ميكروسكوبات جديده دلوقتي الا اننا برضه بنشتغل على الميكروسكوبات القديمه والجديد مش بينزل غير في الامتحان وللديمونستريشن فقط !!!!!!!!
قسم الصيدلانيات دكاتره مستويات قمه ماشاء الله بس التعامل مش ولا بد خالص انا والله بحس ان الدكتور لما يتعين في قسم الصيدلانيات بياخد تعليمات انه يبقى صعب ويزغق وميسمعش الطالب برضه للامانه السنه دي والسنه اللي فاتت حاسه ان تعامل المعيدين اتحسن كتير بس بجد سنه اولى وتانيه اتعقدنا فيهم بكل ماتعنيه كلمه التعقيد من معنى

قسم الفارما برضه الدكاتره قمم واعلام ماشاء الله لكن في معيده تحديدا في القسم بجد تعاملها وحش جدا وبتهيالي كل اللي درس معاها بيشتكي منها المعيدين التانيين تعاملهم كويس معانا بس المطلوب شويه صبر علينا لان معمل زي الفارما كله فيران وضفادع والناس مش متعوده ع الحاجات دي فيصبروا علينا شويه بس وبرضه للامانه الاغلبيه من الدكاتره صبورين جدا وبيفضلوا ورا اللي مش بيعرف يمسك لحد لما يعلموه بس احنا امنيتنا ان كل القسم يبقى كدا
قسم الميكرو اكبر عيوبه مذكراته التي لاتمت بصله للمقررات اللي بناخدها وبالتالي مفيش سورس كويس للمذاكره كمان العملي بتاعه من العمليات اللي ناس كتير بتشتكي منها يمكن احنا محتاجين نتدرب اكتر ازاي نعمل التجارب دي اكتر من النص ترم اللي احنا بنتعلم في الكورس دا كمان مهمه جدا الانيميشن والفيديوهات والصور في قسم زي الميكرو ودا فعلا دكاتره كتير زي دكتور رمضان ودكتور سيد ودكتور وائل بيعملوه بس احنا عاوزين برضه كل القسم كدا

بيتهيالي كدا اتكلمت على كل الاقسام ويارب فعلا تكون اراءنا دي بذره لاحداث تغيير للاحسن في كليتنا

والله من وراء القصد

أؤيدك تماما يا دكتورة
البيو كمان
كدكاترة ومعيدين كويسين جدا
-----

اقتباسالمشاركة الأصلية كتبت بواسطة زهرة الياسمينالحمد لله
مازال بجعبة كل منا الكثير ليقال سواء بالسلب او الايجاب
لتحقيق الفائدة المرجوّة أعتقد ان يتم مناقشة سلبيات وايجابيات كل قسم على حده فى موضوع مستقل

يتغير التقييم فى ذات القسم بتغير الفرق والمناهج
التحليلية مثلا رغم انها الافضل فى الاستفتاء
من اكثر المواد التى يكرهها طلبة الفرقة الاعدادية
لكن تغير الوضع في الفرقة الاولى والثانية
ويتغير بتغير القائمين على القسم

هناك بعض الاقسام كالصيدلانيات تحتاج مناقشة مستقلة ومطوّلة حول ايجابيات القسم وسلبياته
لذا أقترح ان يتم وضع موضوع لنقاش ما يعتلق بكل قسم على حده
ولتكن مدة النقاش اربعة ايام مثلا ثم يتم فتح النقاش حول قسم اخر في موضوع اخر
على ان تعرض المناقشات على رؤساء الاقسام بعد حين
اقتراح في محله جدا
إن شاء الله من الممكن تنفيذه الاستفتاء القادم لضيق الوقت الفترة الحالية

جُزيتم خيــرا
وليكن ذلك فى العطلة الصيفية بعيدا عن ضغط الدراسة والامتحانات

[Rooose]

افضل قسم التحليليه واسوا قسم الصيدلانيات

[Amira]

اقسام محتاجه وقفه بقى زي قسم العقاقير القسم كل دكاترته ماشاء الله مميزين جدا وعلى مستوى عالي بس مشكلته في حاجتين المذكرات مش كل السنين الكتب كانت كويسه مفيش فهرس المعلومات مش مرتبه زي الداتا شو وكمان المعمل طويل جدا بشكل ازيد من اللازم ودا اللي بيصيب الطلبه بملل شديد
وتلاقي نص المعمل بيلعب والنص التاني نايم
مظبوووووط فعلا مكنتش واخده بالى م الموضوع ده

بس سكشن العقاقير طويل جداااااا ومحدش بيشتغل خاااالص او قليل اللى بيشتغلوا عن نفسى كنت بشتغل واللى حواليا بيقولوا طلعى الحاجه وفرجينا عليها ! ! !


اضف الى ذلك طبعامشكله الميكروسكوبات اللي مفيش حد في صيدله مش بيشتكي منها وعلى الرغم من وجود ميكروسكوبات جديده دلوقتي الا اننا برضه بنشتغل على الميكروسكوبات القديمه والجديد مش بينزل غير في الامتحان وللديمونستريشن فقط !!!!!!!!

الصراحه هم عندهم حق مايخلوناش نشتغل بيها

مش كل الطلبه ملتزمين ومنظمين بالعكس فى ناس بتستعبط

زى مثلا المدرج ندخل نلاقى الناس مشخبطه على البنش وراميه ورق فى الارض تخيلى لو شغلونا بالميكروسكوب ده ! الميكروسكوب مش رخيص انهم يقولوا مش مهم نغيره وبردو لو طالب بوظه صعب يجيب تمنه

لو نزلوا الميكروسكوب ده للطلبه يبقى هينزل معاه قوانين ولازم تتنفذ من كله ومفيش قانون فى اى حته الناس كلها بتلتزم بيه لازم ناس تشذ عن القاعده وماتلتزمش بيها وكأنها بقت ميزه ان الوحد يبقى ضــد القانون او ضد القواعد

قسم الصيدلانيات دكاتره مستويات قمه ماشاء الله بس التعامل مش ولا بد خالص انا والله بحس ان الدكتور لما يتعين في قسم الصيدلانيات بياخد تعليمات انه يبقى صعب ويزغق وميسمعش الطالب برضه للامانه السنه دي والسنه اللي فاتت حاسه ان تعامل المعيدين اتحسن كتير بس بجد سنه اولى وتانيه اتعقدنا فيهم بكل ماتعنيه كلمه التعقيد من معنى

No comment

قسم الفارما برضه الدكاتره قمم واعلام ماشاء الله لكن في معيده تحديدا في القسم بجد تعاملها وحش جدا وبتهيالي كل اللي درس معاها بيشتكي منها المعيدين التانيين تعاملهم كويس معانا بس المطلوب شويه صبر علينا لان معمل زي الفارما كله فيران وضفادع والناس مش متعوده ع الحاجات دي فيصبروا علينا شويه بس وبرضه للامانه الاغلبيه من الدكاتره صبورين جدا وبيفضلوا ورا اللي مش بيعرف يمسك لحد لما يعلموه بس احنا امنيتنا ان كل القسم يبقى كدا

لسه ماتعاملتش معاهم اوى

بس كان فى معيده بتدينا فى اعدادى "جزء الفارما" كانت بتزعق لكل الناس وكل الناس اشتكوا منها

قسم الميكرو اكبر عيوبه مذكراته التي لاتمت بصله للمقررات اللي بناخدها وبالتالي مفيش سورس كويس للمذاكره كمان العملي بتاعه من العمليات اللي ناس كتير بتشتكي منها يمكن احنا محتاجين نتدرب اكتر ازاي نعمل التجارب دي اكتر من النص ترم اللي احنا بنتعلم في الكورس دا كمان مهمه جدا الانيميشن والفيديوهات والصور في قسم زي الميكرو ودا فعلا دكاتره كتير زي دكتور رمضان ودكتور سيد ودكتور وائل بيعملوه بس احنا عاوزين برضه كل القسم كدا

كلامك عن الكتاب مظبووووووط جدااااااااا

وفى حركه كمان تنرفز اتعملت فينا

المعيده دخلتلنا فى اول شرح وقالت يا جماعه ودوا الادوات بسررررررعه عشان تتعقم وتشتغلوا بيها

الناس راحت جابت الادوات ولفت عليها ووديناها "والراجل يقولى ناقص كيس قطن" ورجعت تانى جبتهوله

المهم نكتشف بعد كده ان الادوات بتتسلم فى المعمل وان احنا عطينا الادوات لهم تطــــــــــوع بالاجبار

بجد الحركه دى استفزتنى جدااااااا..... فى ستين داهيه تمن الادوات بس اديهالهم بمزاجى مش بالطريقه دى ووالله كنت ناويه اشتكى واجيبهم تانى حتى لو هرميهم بس محدش يضحك عليا

بس الاخر قولت ليه المشاكل اذا كنت لما اشتكيت من اهمال سكشن العضويه الناس دعت عليا لو اشتكيت من قسم بقى ايه اللى هيحصل ! ! !

وناس مجابتش الادوات دى طبعا

بيتهيالي كدا اتكلمت على كل الاقسام ويارب فعلا تكون اراءنا دي بذره لاحداث تغيير للاحسن في كليتنا

والله من وراء القصد

نفسى اصحى فى يوم الاقى باقى الاقسام جالها عدوى من قسم التحليليه فى نظامه والتزامه واخلاق الدكاتره وعلمهم واحترامهم لكل الناس من اكبر دكتور لاصغر عامل فى الكليه

[موظفه طموحه]

شكـــــــــــــــــــــرا

[موظفه طموحه]

بسم الله الرحمن الرحيم
بهذه المناسبه وحصول قسم الكيمياء التحليلية على اعلى نسبه فى الاستفتاء اتقدم الى الاستاذ الدكتور / فتح الله بلال رئيس القسم بجزيل الشكر والتقدير والاحترام لما بذله من جهد حتى يصل القسم الى هذه المرتبه المرضية جدا والحمد لله وكذلك السادة الاساتذه والمعيدين بالقسم فهم جميعا يتميزون بالاخلاق العاليه والاتقان والجوده فى كل شىءبارك الله فيهم جميعا وجعله فى ميزان حسناتهم واخيرا اهنىء نفسى لانه يشرفنى انى من ابناء قسم التحليلية وان يجعل الله كل جهد بزلته فى ميزان حسناتى ويقدرنى ويقدر كل انسان على العطاء الهادف البناء

[محمد غريب]

الفارما بس المعيدين مش قوي