ساحه حوار مع اعضاء هيئه التدريس

[د\بوسى ربيع]

طيب انا بجد محتاره الدكتور اللى معاه التدريب بتاعى نزلت امبارح سالت قالولى انه تقريبا مسافر ولسه مجاش طيب انا ابدا انزل الصيدليه ولا استنى لما اقابل الدكتور وهل لو نزلت الايام اللى نزلتها هتتتحسبلى ولا لا

[د\بوسى ربيع]

شكرا ليكى يا بوسى على موضوعك الرائع و الفكرة الجميلة ... و بشكر كل الناس اللى شاركت .. و شكر خاص لدكاترتنا ... ربنا يجازيكم كل خير ...

أنا من رأيى فى موضوع الصيدلية
محدش يكسل و يضيع وقت و ينزل على طول الصيدلية و تحاولوا دايما تشوفو الصيدلية النشيطة اللى شغلها مستمر على طول و الناس بيترددوا عليها كتير و كمان تروحوا فى الفترة اللى فيها روشتات كتير علشان تتعلموا أكتر و أكتر ...

و بالنسبة للمشرفين من الدكاترة ..
أول ما كل واحد يعرف مين الدكتور المشرف عليه ؛ بعض الدكاترة بيعملوا اجتماع
و بعض الدكاترة لأ .. المهم فى الأخر بيدوكوا اسم بحث تعملوه ...
فيه دكاترة ممكن يسألوا كل فترة فى الصيدلية عليكوا و فيه دكاترة مش بيسألوا خالص
و فى الآخر بتعملوا البحث بتسلموه فى حدود فترة معينة ...

ميرسى جدا يا ايمان على مشاركتك معانا

[Dr. Baher]

الي اخواني و اخواتي ..............

مهما كان التدريب .......... فهو لك حاول بناء نفسك لانك بلا علم ........... انسان فاضي معدم الثقة مفتقد القيمة ، فكيف ياتي العلم من القراءة و التدريب

التدريب ليس بحثا او ورقة تملئها .......... التدريب هو تفاعل مع الناس ، احساس بهم ، رؤية الالم و الصبر في عيون المرضي ، احساسك انك تخفف عنهم ........

حاول ان تكون شخصا مختلفا ، صيدلي رحيم بالمرضي ، خفف عنهم وخذعبرة ستجد بدون ان تشعر انك تجدد ايمانك في كل لحظة

لكي تكسب ثقة اناس ، امتلك المعلومة الصحيحة ، قابلهم بابتسامة ، املء عيونهم بالامل لعلك تبدد الالم ، صاحبهم ، و لو كنت تمتلك الصيدلية حاول ان تشاركه الموقف بالتسهيل عليه في المال

كن رحيما ........... و تذكر وقل ............ لعل الله يرحمني يوما

[Dr. Baher]

والله يادكتور حضرتك بجد من اكتر الدكاترة المحترمين فى الكلية واللى الطلبة المحترمين بتقدرهم بس يادكتور موضوع رؤية مالايرى دة لية تكملة ولا لا ؟؟؟ ياريت لو فية تكملة لانة روعة بجد وبالنسبة للتدريب فانا نزلت فعلا وحسيت انى ماليش لزمة فقعدت فى البيت تاااااااااااانى بس هضطر انزل عشان لو حد من الكاترة اتصل ويمكن اتعلم حاجة يمكن ؟؟؟ الله اعلم وبشكر حضرتك مرة تانية على التجاوب

هية مجموعة للقصص المصورة ............ و ستنزل باذن الله و لكن كمجرد ترفيه

[Alaa_Resala]

الموضوع رائع
ومشكورين جدا د/باهر ود/فتحي على تفاعلهم معانا

وبمناسبة التدريب الصيفي

احنا السنة اللى فاتت اتدربنا ونزلنا وقعدنا فى الصيدليات وعملنا الأبحاث...وخلص الصيف
وايه اللى حصل.؟ وايه الاستفادة؟؟

انا للأسف مستفدتش حاجة ..حتى أسماء الأدوية التجارية والعلمية محفظتهاش لأني مكنتش أخدت فارما وميديسنال

ياريت دكاترتنا الكبار ينصحونا ازاي نستفيد من التدريب مع الالتزام بيه
وايه أهمية البحث مع اننا بنروح فى الغالب وبنعمله ونطبعه ونسيبه عند الدكتور بلا نقاش ...

وليه مبيبقاش في محاضرة او ندوة فى نهاية العام الدراسي عن التدريب الصيفي وفائدته والعائد منه؟

أرجو انك مكنش طولت..وجزاكم الله كل خير

[dr/mony]

فكرتك ممتازه يا دكتور pretty وطبعا شكرا لدكتور باهر ودكتور فتحى على مشاركتهم معانا واجاباتهم على استفساراتنا.

[~Am@ny~]

السلام عليكم ورحمه الله وبركاته
ياريت لو سمحت لو دكتور من اعضاء هيئه التدريس ينصحنا ويقولنا
هل ياترى الطالب الى لسه نازل يدرب ف صيدليه
المفروض انه يجيب كتاب معين ؟؟؟
كتاب او اطلس فيه الادويه ؟؟ وهل ده ضرورى ولا التعامل مع المجتمع والناس والتعلم الحى افضل
مع وافر شكرى لكم جميعا

[Eman * SAMPS]

الموضوع رائع

احنا السنة اللى فاتت اتدربنا ونزلنا وقعدنا فى الصيدليات وعملنا الأبحاث...وخلص الصيف
وايه اللى حصل.؟ وايه الاستفادة؟؟

انا للأسف مستفدتش حاجة ..حتى أسماء الأدوية التجارية والعلمية محفظتهاش لأني مكنتش أخدت فارما وميديسنال

ياريت دكاترتنا الكبار ينصحونا ازاي نستفيد من التدريب مع الالتزام بيه
وايه أهمية البحث مع اننا بنروح فى الغالب وبنعمله ونطبعه ونسيبه عند الدكتور بلا نقاش ...

وليه مبيبقاش في محاضرة او ندوة فى نهاية العام الدراسي عن التدريب الصيفي وفائدته والعائد منه؟

أرجو انك مكنش طولت..وجزاكم الله كل خير

أولا : مفيش حاجة يا ألاء أبدا بتعمليها جديدة فى حياتك و مش بتستفيدى منها ...

ثانيا : دورى إيه الأسباب اللى خلتك تحسى أنك مش استفدتى حاجة ؟؟؟
1- ممكن تكون الصيدلية فى مكان مش حلو و بالتالى شغلها قليل فبيبأى فيه وقت فاضى كتير عندك فبتملى ..
2- أو انتى كنتى بتروحى فى فترة شغلها قليل .. أحسن فترة عندك من الصبح ل 2 الظهر أو من 8 مساءا علشان وقت العيادات ..
3- أو الدكتور نفسه مش بيشجعك ولا بيقولك أى حاجة جديدة ..
4- أو انتى مش بيكون عند استعداد لتدريب الصيدلية و دة مستبعد ..

ثالثا : موضوع إنك مش استفدتى علشان مش كنتى واخدة فارما و ميديسنال فدة كلام مش صح .. ليييييه ؟؟
أنا بالنسبة ليا أحلى فترة اتدربت فيها بجد كانت فى أجازة أولى .. حتى مش كنت أخدت ميكرو .. علشان أهم حاجة أنك تركزى مع الدكتور هو بيوصف ايه .. إيه الأدوية البديلة .. الأسماء التجارية و استخدامتها ..

و كل ما تكون فترة تدريبك أطول و عدد الساعات أكتر و استعدادك عالى
كل ما هتستفيدى أكتر ..

رابعا : موضوع الأبحاث :
فكرة روتينية ليس ليها أى لزمة .. لكن لو البحث اتقيم و اتعمل له presentation و أسئلة شفوى ... هتبأى نقطة إيجابية جدا فى صف بحث الصيف ..

خامسا : لازم أى خطوة جديدة بنعملها أثناء دراستنا ناخد محاضرة عليها علشان نفهم أبعاد الحاجة اللى بنعملها .. و فكرة المحاضرة أو الندوة فكرة بسيطة جدا حتى ممكن أى أسرة من الأسر تقوم بتنظيمها و بالإشراف عليها ...

[Alaa_Resala]

وشكرا يا ايمان على ردك

بس

أولا : مفيش حاجة يا ألاء أبدا بتعمليها جديدة فى حياتك و مش بتستفيدى منها ...

ده أكيد طبعا..بس الاستفادة اللى استفدتها لما نزلت واتدربت لم تكن كما توقعت يعني كان المفروض اني استفيد من حفظ بعض أسماء أدوية...من مواقف بتحصل قدامي واشوف الدكتور بيتصرف ازاي وبيقول ايه

وده محصلش كتير للأسف

- أو الدكتور نفسه مش بيشجعك ولا بيقولك أى حاجة جديدة ..

بالعكس ده كان متعاون جدا معايا وكان يعرفني كل الأدوية اللى ليها نفس المادة الفعالة وكان بيحاول يخليني اتجرأ واقرا روشتات واصرفها ..بس الواحد برده بيبقى خايف يطلع دوا غلط ولا حاجة

علشان أهم حاجة أنك تركزى مع الدكتور هو بيوصف ايه .. إيه الأدوية البديلة .. الأسماء التجارية و استخدامتها ..

ماهو كل ده طار بعد ما بدأت السنة الدراسية الجديدة

رابعا : موضوع الأبحاث :
فكرة روتينية ليس ليها أى لزمة .. لكن لو البحث اتقيم و اتعمل له presentation و أسئلة شفوى ... هتبأى نقطة إيجابية جدا فى صف بحث الصيف ..

اعتقد ان فى دكاترة فى الكلية بيطبقوا أسلوب بحثي سليم وكان فسنا نتعلم منهم حتى لو مكنش تدريبنا معاهم زي د/عطا الله ود/عبد الله الموافي

خامسا : لازم أى خطوة جديدة بنعملها أثناء دراستنا ناخد محاضرة عليها علشان نفهم أبعاد الحاجة اللى بنعملها .. و فكرة المحاضرة أو الندوة فكرة بسيطة جدا حتى ممكن أى أسرة من الأسر تقوم بتنظيمها و بالإشراف عليها ...

ربنا يسهل احنا فكرنا فى موضوع الندوة دي من سنتين تقريبا بس منفزناهاش لظروف ما
ربنا يكرم وننفذها السنة الجاية - معادش غيرها بقى -

[Dr. Baher]

الي اخواني و اخوتي

هناك قائمة بالكتب الي لازم تقراها لو عايز تبقي ممتلك اساسيات المعلومات و الكتب دي للي خلص خالص
يعني دي تبقي في مكتبتك و مطلع عليها عي طول

1- super guide دة كتاب شامل للادوية اللي في السوق مع بعض اعراض الامراض و كيفية علاجها و الجرعة و كيف يؤخذ الدواء (كتاب بيشتري)
2 - pharmacology و يا سلام لو كان clinical ودة لمعرفة فعل الدواء و علاقته بالاوية الخري (يدرس في تالتة)
3- Microbiology و دة لمعرفة انواع الميكروبات و كيفية علاجها (يدرس في تانية)
4- puplic health و دة لمعرفة الامراض الشائعة و كيفية علاجها (يدرس في رابعة)
5- biochmistry و دة لكي يكون عندك فكرة عن كيمياء الجسم و تقدر تترجم التحاليل و تعرف الامراض عن القصور في اي تحليل لانك عضو في الفريق الطبي (يدرس في تالتة)
6- biopharmaceutics للتعرف علي حركية الدواء داخل الجسم و دة انت بتتفوق فيه علي اي حد ، ما حدش يعرف دة الا انت (يدرس في تالتة)
7- stability of drug لكي تعرف لو فيه دواء بايز و له لا (يدرس في الصيدلانيات)
8 phytotherapy للتعرف علي النباتات ذو الفاعلية الطبية (في المكتبة و انت اخذت فكرة في العقاقير)
9- narcotics لازم تكون عارف كل انواع المخدرات (كتاب د حسن الراضي) و فاعليتها (يدرس في تانية)

دة اللي علي بالي الوقتي ........... فان كان فيه ذيادة ارجو التذكرة

انما للي لسه في الكلية فكل الي عليهم يعيشو حياة الصيدلية و يتعرفوا علي المعلومة بما يتناسب مع مستواهم الحالي لان الناس اللي في تانية لسه ما اخدوش اي حاجة من دي و الناس اللي في تالتة بقي عندهم فكرة كبيرة فكل تبع مستواه

و يا سلام لو تعبت و دورت و قريت مش عشان تدريب لا لنفسك اولا لان القراءة هي ميزان العلم

الكتب اللي فوق لازم تبقي معاك و من اساسيات مكتبتك و متنساش انت متفوق علي الغير ......... لان انت الوحيد الذي له الحق في ابداء الراي في الدواء