ههههههههههههه
لا حلوة يا شيكو يومياتك
فكرتيني بالذي مضي وماصدقت انه انقضي
بس انا كنت بحب التحليلية و الالوان و كان نفسي في الكواليتي كونترول بس الواقع المرير فوقني
و بقيت موظفة حكومية و الكلية مالهاش اي اهمية
تسلم ايديكي يا جميلة ومتابعة طبعا شاعرتنا المتألقه
متالقة طبعا كالعادة ياشيكو ياحبيبة قلبى
وصف دقيق وممتع بترسم بسمة جميلة عند قراءتها
جميلة جدا ياشيكو طبعا متابعة معاكى ياقمراية اليوميا تالجميلة دى وكل الدكاترة الى بيشاركو
وفقكى الله الى مايحبة ويرضاه والى مزيد من التفوق ان شاء الله
بسم الله ماشاء الله عليكم يابنانيت
شيكو وايمان ومورى انتوا بجد شخصيات جميلة جدااااااا
ويومياتكم جميلة اوى اوى
وعجبتنى كلها
ربنا يوفقنا كلنا ونخرج من جو الامتحانات اللى عمالة ترف على ادمغتنا دى
مبسوطة بيومياتكم دى ومنتظرة جديدكم يااولاد
تقبلوا مرورى فى يومياتكم الجميلة والمتواضعة دى
فكرة لذيذة جداا يا شيكو
ولو ع اليوميات سكشن السبوزيتورى ملياااااان يوميات
بس الروقان وكمان لسه شايفة الموضوع
ان شاء الله أوافيكم بالمفيد بعد العملى
حتى تبقى تجميعة ع بعضها مركزة
المشاركة الأصلية كتبت بواسطة yojeena
ههههههههههههه
لا حلوة يا شيكو يومياتك
فكرتيني بالذي مضي وماصدقت انه انقضي
بس انا كنت بحب التحليلية و الالوان و كان نفسي في الكواليتي كونترول بس الواقع المرير فوقني
و بقيت موظفة حكومية و الكلية مالهاش اي اهمية
تسلم ايديكي يا جميلة ومتابعة طبعا شاعرتنا المتألقه
ربنا يخليكى يا يوجى ياقمر
بجد نورتينى من جديييييييد
انا كمان بحب التحليليه عشان الالوان من اكتر الحاجات اللى بحبها فى كليتنا دى الالوان فى اى معمل بقى
الحمد لله انها عجبتك ويارب دايما متابعانى وواخده بالك منى
ربنا يخليكى يا واشقه
ربنا يعلم انا ارتحتلك اد ايه وبحب وشك جداااااااااا مريح اوى
وانتى زى العسل وكلامك كمان طبيعى جدا وتلقائى ورقييييييق
ربنا يخليكى واديما الاقيكى معايا يارب
تسلمى يا لافلى نورتى بجد وفعلا الامتحانات كابسه على نفسنا كابسه وحشه وعشان كده الواحد لما بيحاول يفكر يكتب حاجه ويبقى عنده امتحان تانى يوم
يلاقى نفسه احبط ومش قادر يكتب
دا بالنسبه لى عل الاقل
ربنا يقدرنى واكتب جديد عشان اقدر استمر وارسم بسمه يارب على طول
فكرة لذيذة جداا يا شيكو
ولو ع اليوميات سكشن السبوزيتورى ملياااااان يوميات
بس الروقان وكمان لسه شايفة الموضوع
ان شاء الله أوافيكم بالمفيد بعد العملى
حتى تبقى تجميعة ع بعضها مركزة
انتى هتقوليلى يا سارة على الsuppo
دا مهزله طب هاستنى اكيد منك يوميه ميمه ميه غرقانه بالمقادير اللبوسيه
وماله المركز من الضحك مطلوووووووووووووووووووووب فى الفترة دى نضحك ولو على نفسنا بدل مانعيط
ان شاء الله وبالتوفيق فى العملى ربنا معاكم
نورتينى والحمد لله ان الموضوع كله عجبك بكل مشاركاته
اليوميه الرابعه
اربعاء 7/12/2011
من اجمل ايام السنه دى
طول عمره كان بيبقى يوم خفيف
بسيط ومش تقيل
لكن دا بالذات طعمه بجد مالوش مثيل
نزلت مع نيروز وسيكو
وكلنا مرتاحين
باليوم فى اوله لسه
ومزاجنا حلو ومروقين
رغم ان سيكو عندها سكشن واحده
واكدت علينا ننزل مبدرين
تقوم الهانم تنزل اخر واحده على الساعه 1 الا ربع
طب دا كلام يا عبد المعين ؟
ركبنا تاكسى واثناء الطريق
كلام كتير وسباق
كل واحده عاوزة تلحق تقول حاجات كتير
والضحك داخل فى بعضه ودا شىء جميل
عل الراديو جت اغنيه غريبه
المفروض انها اجنبى بس نغماتها خلتنى حاسه انى عاوزة اطير
او ارقص على الجليد
معرفتش اسمع منها
غير جمله واحده يتيمه
ترجمتها بالعربى بتاعى انا
فبقت
اغنيه ماريا اكلت بلييييله
وصلنا الكليه
1وشويه
سيكو بتجرى جرى مع نيروز عل الكليه
وانا كالعاده خطوتى بالنسبه لهم بطيئه نسبيه
لظروف طوليه وليست عرضيه
ودخلت توزع مع زمايلها الادوار
عشان الحلوة كان عندها سيميناااااااار
اما نيروز خدت جنب فى الاسكوير
وزنقت واحده صاحبتنا معاها عشان تقول ادامها وكانها شكسبييييير
مهزوزة وقلقانه وعلى وشك الانفجار
اصل الامورة برده كان عندها سيمينار
انا الوحيدة اللى كانت ميه ميه
خلصت الاسبوع اللى فات منه وادينى النهاردة مقضياها تمشيه
لغايه ما ييجى معادى حسب المواعيد الرسميه
وخدت السكشن ونزلت اجرى على نيروز
كان نفسى الحق ابص عليها شويه
واصورها صوت وصورة واعملها نشرة رسميه
اصلها فى الجد بتبقى فعلا وكانها متحدثه دبلوماسيه
مقنعه سلسه مخلصه فى عملها اكتر من اخلاص الفول للطعميه
بس ياخسارة كانت خلصت
المهم انها تكون خلصت العمليه بنجاح
واشوفها خارجه من بره السكشن وهى فى حاله انشكاح
واخيرا اللحظه التاريخيه
اللى طول الاسبوع ليها مستنيه
هييييييييييييييييييه
هنرووووووح المسرحيييييييه
هنروح المسرحييييييييه
كنت مبسوطه جدا
بقالى سنتين وشويه مخطتش بره الكليه ناحيه طب والكليات الاخرى الشماليه والغربيه
فرصه جميله
ولقيت ناس كتير موجودة من بدرى فى الكليه
وكاننا رايحين حفله جماعيه
او فرح كلنا فيه معزومين
وليه بجد متشوقين
جرينا كلنا ومعانا فتوش
وانا بقولهم خفوا شويه يا تلحقوا مكان يا متلحقوش
دخلت لقيت البنشات لسه متملوش
واخترنا مكان مناسب وزاويه مناسبه
ولما الناس بدات تقعد ادامنا
قلت يارب اللى ادامى يكون قصير وشعره مش كنفوش
عشان اعرف من وراه اشووووووووف
وبدات التحضيرات
والميكروفانات شغاله
وخلف بيظبط الاضاءة ببساله
فجاه دخلت لجنه التحكيم رجل كبير وشعره ابيض
ووراه واحده شيك وجامده ناااار
سالتهم مين دى
سمعت اشاعات بيقولوا دى الممثله انتصار
وفجاة لقيت منظر جناااااااااااان
كل البنشات عل اليمين وعل الشماااااااااال
قاموا زى الاطفال واتلموا على الغلبانه انتصار
يبصوا ويضحكوا
ماحنا برده معذورين فى كليتنا دكاترة بس مش ممثلين
والكاميرات شغاله
والطليه لسه مذهولين
اخيرا بدات المسرحيه
ومن هنا بدات الحاله العاطفيه
مع كل مشهد وكل شخص بيتكلم
قلت يااااااااااااه دا فلان ودا علان
شفت زمايلى بقيمه عظيمه
اكتر من قيمه اننا فى كليه علميه كبيرة
حسيتهم محطوطين
بيعملوا حاجه حبينها باحساس وبرغبه حقيقييين و
مع كل تصفيق
كل واحد منهم بيؤدى دوره ببراعه اكتر
لانى تخيلت ساعتها اد ايه كل واحد منهم حاسس انه اكبر واكبر
ابتسمت ابتسامه رضا كبيييييييييييرة
هايل جميل ماشاء الله عليكم
هم دول الكلمات اللى على لسانى
ولاول مرة احس ان دى الجامعه
يمكن مبشاركش لكن سعيدة باللى بتشوفه عينيا
لاول مرة من اربع سنين فى الكليه
عرض خاص بطلبه صيدله مش جايين ضيوووووووووف
احنا جايين نشجع زمايلنا بكل حماس ومحبه انسانيه
لما خلصت صقفنا كتير لكل فرد ترك بصمته
مهما كانت عدد كلماته كتيرة او قليله
او سواء طويله ولا قصيرة جملته
قعدت فوق البنش وقعدت ابص حواليا
فى كل ركن سعادة واضحه وعلنيه
سعادة الممثلين بانتهاء العمل الشاق وثمرة اعجاب من الحاضرين
سعادة الحاضرين بزمايلهم وصور بتتاخد فى كل ركن مع الممثلين
وصور الولاد بياخدوها مع بعضهم
وكلهم على بعضهم متكربسين
وكوميديا جميله شغاله فى المكان
بجد المنظر بالنسبه كان اكتر من جنااااااااان
منظر جميل مشوفتوش بقالى فترة يكفى
انه ملوش علاقه باى دراسه علميه
دا بره الكليه وعشان كده كان فى راحه طبيعيه
فرصه كنا محتاجينها نضحك ونهيص شويه
دلوقتى بندم انى مخدتش فيديوهات لكل الزحمه اللى كانت موجوده
مش لازم اصور اصجابى بس
انا عاوزة اصور كل الموجودين
وفعلا خدت صورة
لمجموعه معرفش منهم ولا واحد غير شكل ويمكن اسم او اسمين
لكن الصورة كان فيها حاجه جميله
وفيها ناس سعيدة بتستغل اللحظه الفريده لان بعد شويه كلنا مروحين
هنام ونصبح تانى يوم نفكر الاسبوع الجاى عندنا كام امتحان ومعاه كام شيت ؟
والجدول والوقت والمذاكرة والدكتور والمدرج والمحاضرة وكل داااااااااا هيصحى من جدييييييييييييد
بجد من قلبى كنت فرحانه وخرجت من المدرج
وبقولهم بالتوفيق ياجااااااااامدين
ارفعوا راس كليتنا
هنمشى فى كل حته ونقول
احنا اللى عندنا مش صيادله وبس
دول كمان فنانين ومغنيين وكاتبين ومؤلفين ومخرجييييييين
وشكرا
عارفة ياشيكو بالرغم من ان اليومية ديه مفيهاش هزار كتير بس حساكى حساها اوى وفخورة بمبدعين كليتنا اوى
بجد احساسك فيها عالى وجميل ياشيكو
مستنية يومية جديدة ومتتاخريش عليا
التعديل الأخير تم بواسطة DR.BIBO ; 09-12-2011 الساعة 10:46 AM سبب آخر: عجبتنى لظروف طولية وليست عرضية :D
جامدة اوى يا شيكو
وفعلا اليوم كان حلو اوى ما شاء الله.gif "Fop (18)")
يارب دايما
ربنا يخليكى يا واشقه
ربنا يعلم انا ارتحتلك اد ايه وبحب وشك جداااااااااا مريح اوى
وانتى زى العسل وكلامك كمان طبيعى جدا وتلقائى ورقييييييق
ربنا يخليكى واديما الاقيكى معايا يارب
اية دة كل دة ياشيكو
ربنا يكرمك يارب ياحبيبة قلبى والله انا الى بحبك فى الله
ربنا يكرمك يارب ياقلبى
وطبعا اليومية الجديدة دى تحفة دايما عسولة كداهون ياقمر
وطبعا هفضل معاكى ياقلبى وهفضل متابعة معاكى بمشيئة الله
وفقكى الله الى مايحبة ويرضاه
بجد تحفه يا شيكو
وخلتيني اندم اني محضرتش المسرحيه(لظرفي الامتحانيه
ضوابط المشاركة
رد مع اقتباس
.gif "Fop (29)")