موافق على الجدول المقترح؟؟

[تامى007]

انا معدش عندى كلام اقوله غير انى ادعى ربى انه يعدى السنة دى على خير ويفرج كربى ويعينى على ما بلانى به والله المستعان

[bedos]

ياجماعه الناس اللي وافقت دي عاوز سبب واحد انهم وافقوا لو سمحتوا هما فين اختفوا يعني

[L SMA7Y]

دلوقتي الناس اللي موافقه هما الناس اللي مش بيحضرو محاضرات اصلا وفي منهم اللي حظه معندوش سكاشن يوم السبت تقريبا
هل ده يرضي ادارة الكليه ؟؟!!

لا والله منا مبحضرش ولا عندي يوم السبت سكاشن ومع ذلك اعـــــــــــتـــــــــــرض

هما بيدبحولنا القطه يعني ولا ايه

ويا جماعه مفيش حريه رأي في المضوع دا

وياريت الاستفتاء يكون فيه اختيار واحد بس ,, لا اوافق :d

[dr.hamed]

اكبر جامعات العالم واكثرها شهرة واحتراما لايوجد بها دراسة ستة ايام اسبوعيا
اى جودة تلك التى يتحدثون عنها ..
كفانا اكاذيب ...الجودة ليست جودة اثاث ومرافق ومصاعد كهربية
يا سادة الجودة جودة العقول وليست جودة التجهيزات الزائفة
اهتموا باراء الطلاب واستمعوا اليها .. لكن ما يبدو ان الجدول يتم وضعه لتوفير الراحة لعضو هيئة التدريس على حساب الطالب . لايضعوا في اعتبارهم اى شئ.. ينسوا تماما معاناة بعض الطلبة في السفر والتنقل وينسوا تماما انهم بشر وليسوا ماكينات .. 3 سكاشن في يوم واحد
حسبي الله ونعم الوكيل
لا اوافق على الجدول

[Dr.Sanureta.S]

دلوقتى خلونا نجمع ملاحظاتنا عن الجدول

1- البدء من الساعة 8
2-السكاشن كتير وورا بعضها وكل اسبوع فيه سكاشن وكل يوم فى سكاشن وصعب حضور المحاضرات معاها لان دة فيه ارهاق شديد جدا طول اليوم
3-مفيش يوم اجازة
المطلوب
ان الجدول دة يتفرررررررررررمط

طيب يا جماعة بهدوء كدة
لو قولنا ان احنا هنبدا الساعة 8 وان دة مش مناسب للناس اللى بتسافر
ممكن الرد من ادارة الكلية يكون ان معظم الكليات التانية بيبدؤوا الساعة 8 وبرضو بيبقى فيها ناس بتسافر
واصلا كليتنا من سنتين بس كانت المحاضرات فيها بتبدا الساعة 8

ولو قولنا ان السكاشن كتير
هيقولوا ان السكاشن مدتها قلت عن الترم الاول

يبقى ايه الى فاضل
يوم الريست؟
انا مش هقول اشمعنا احنا الدفعة اللى معندهاش يوم ريست
لكن عايزين سبب مقنع لدة
----
بس مبدئيا يا جماعة خلونا نتفق على حاجة مهمة جدا
محدش يفضل نفسه على حد
بمعنى ان الجدول لازم يتعدل بطريقة تلائم الجميع وطريقة عادلة
مش يبقى كويس لناس وناس لا

وخلونا نفكر هنوصل صوتنا للادارة ازاى واعتراضنا على الجدول الرهيب دة
لان شكله كدة مش هيتعدل خالص دلوقتى لان الوقت خلاص ضيق
والاعلان اللى نازل مع الجدول بيقول اننا هنشتغل بيه لحين اشعار اخر!
يعنى انسوا
فلازم نتصرف لان بجد كدة احنا هنضيع لو موضوع المحاضرات دة اجبارى
ومحدش يسالنا بعد كدة المدرجات فاضية ليه
مااحنا مش نتبهدل فى السكاشن والجدول يشيلنا ويحطنا ويبقى مطلوب مننا نسكت و نلتزم فى المحاضرات
انا ممكن احضر بس بشرط
لو نمت محدش يكلمنى

انا معاكي يا دكتورة في كلامك بجد لازم نعمل حاجة لأن الجدول ده لايرضي أي شخص طبيعي
لوعايزين يضغطونا طوال 5 ايام انا مش معترضة بس مهم عندي اليوم الرست كده كده لما بننزل من البيت اليوم بضيييييع
وبعدين احنا هناخد ايه بس في السكاشن الكتييير دي هنروح برضو نقعد كده زي اخر سكشن فارما واساي رحنا ضيعنا وقت وخلاص وقعدنا ساعتين نتكلم مع صحابنا
ياريت برضو المواد الي ملهاش اهمية تبقى سكاشن كتير تبقى اسبوع واسبوع وأكيد الدكاترة عارفين أي المواد تستحق ان احنا ننزلها كل اسبوع مش كل المواد كده وانا عن نفسي عايزة سكشن الاساي ده بدل ماهو ساعة واحد يخلوه ساعتين و يبقى اسبوع واسبوع وده حل مقترح في ماده يعني ساعة واحده هنعمل فيها ايه ده لما بس الدكتور كان بيدخل بيدخل بعدها بنص ساعة وبالنسبة للكمياء الطبية ممكن تكون الدفعة كلها في يوم واحد زي الترم الاول يوم الأحد والحمدلله احنا هندخل على الصيف والنهار هيطول
وسكاشن الفارما للناس بتوع يوم السبت يفضل تكون يوم الخميس او الاربعاء مع الصيدلانيات
وبكده فضينا يوم السبت
اتمنى يكون اقتراحي كويس بس بجد نأمل في اليوم الرست ده

[hananah]

انا عندى سؤال
هو السكاشن كل اسبوع ده من شروط الجوده
ولا علشان الدراسه اتاجلت؟؟؟؟؟!!!!!!!!!
اما بالنسبه لاعتراضى على الجدول
اول حاجه مينفعش 8 صباحا دى اطلاقا
تانى حاجه حاسه ان الجدول ده جدول انتقامى
اوهو عقاب لينا على حاجه
انا بصراحه معدش عندى كلام اقوله غير
لالالالالالالالالالالالالالالااوافق

-----

لالالالالالالالالالالالالالالالالالالالااوافق

[Yearning]

بصراحة انا محاولتش اعرف انا جدولي هيبقى ايه بالظبط لأني مقتنعتش ان ده جدول بجد ده انتقام يعني ايه يبقى عندي اكتر من سكشن في اليوم ويا ريتهم ورا بعد لأ في ساعة ونص فاصل يعني الساعة ونص دول اعمل انا فيهم ايه محدش يقولي ازاكر فيهم او اكل فيهم لأن كده كده تركيزك هيروح من الشمس والزحمه والصداع ده غير انك هتبقى صاحي بدري وناقص نوم وده غير المشكله الكبرى ان مفيش رست يعني واحده زيي من دمياط مطلوب مني اني اسافر الخميس بالليل واجي الجمعه بالليل ومزاكرش حاجه طول الترم بقى ولا ايه ولو محضرتش يرجعوا ينقصونا في الدرجات اللي بنبقى في عرض ربع درجه تنجحنا الحل اللي ممكن اقبله انهم لو هيسيبوا الجدول كده يبقى يلغوا حكاية الغياب دي وكل واحد بقى يحضر اللي يقدر يستوعبه لأن طرزان بس هو اللي يقدر يتحمل الجدول ده لكن انا مقدرتش اتحمل القديم هتحمل انا ده ازااااااي

[dr moory]

اهم حاجة عندنا دلوقتى ان يكون فيه يوم ريست عشان نذاكر فيه
ونشوف طريقة نوصل بيها الاستفتاء للادارة
يا اما مش هيكون له قيمة
ولازم يشرحوا وجهة نظرهم زى ما احنا شرحنا وجهة نظرنا

[loyalty]

يا حماعه ناقص حاجه مهمه جداً بالنسبة لموضوع البيــــــــــــــات هيكون في المدرج برده وللا بارة في ساحه الكليه إحنا نـِـــــبات في المدرج أحسن علشان نلحق المحاضرات من بدري

[dr.sara22]

المفروض لو الموضوع مش متاح لأن الجدول يكون أحسن بحيث نقدر نحضر محاضرات

يبقى السكاشن تتجمع فى يومين وبس

عشان الناس تلاقى وقت تذاكر فيه و خصوصا ان الترم الأول ربنا يتولاه


ومش شرط عشان يبقى فى رست ان الدفعة كلها يبقى رستها فى يوم واحد

ممكن جروب أ يبقى رسته السبت

وجروب ب رسته الخميس


غير يصراحة مش منطقى

يعنى مثلا الفارما السكشن كان ساعتين ولسه ساعتين وكان أسبوع وأسبوع بقى كل أسبوع ياترى هناخد سكشن فى أسبوع ونعيده تانى فى الاسبوع اللى بعده آمال هيجيبوا منهج زيادة ؟؟؟

أعتقد ان المفروض يكون فى تفكير عقلانى مش عشان الجودة قالت سكاشن كل أسبوع يبقى كل أسبوع أعتقد الافضل الاعداد تقل ويبقى أسبوع وأسبوع حتى الطلبة تستفيد دا اذا كان فى حرص على مصلحة الطلبة موجود فى الاعتبار أصلا

ياريت ادارة الكلية تفكر بحيث انها تفيد الطلبة وتضع مصلحتهم فى الاعتبار