أفضل قسم في كلية الصيدلة - جامعة المنصورة

[زهرة الياسمين]

اقتباسالمشاركة الأصلية كتبت بواسطة زهرة الياسمينلكى تكون المناقشة مثمرة
هل سيتم عرض نتائج الاستفتاء واراء الطلاب على الادارة أو الاقسام؟
هذا هو المقرر ، وهو هدف الموضوع والاستفتاء ابتداءً
في حين أن بعضهم قد اطلع بالفعل ...

لكن لازلنا في انتظار تفاعل أكثر

الحمد لله
مازال بجعبة كل منا الكثير ليقال سواء بالسلب او الايجاب
لتحقيق الفائدة المرجوّة أعتقد ان يتم مناقشة سلبيات وايجابيات كل قسم على حده فى موضوع مستقل

يتغير التقييم فى ذات القسم بتغير الفرق والمناهج
التحليلية مثلا رغم انها الافضل فى الاستفتاء
من اكثر المواد التى يكرهها طلبة الفرقة الاعدادية
لكن تغير الوضع في الفرقة الاولى والثانية
ويتغير بتغير القائمين على القسم

هناك بعض الاقسام كالصيدلانيات تحتاج مناقشة مستقلة ومطوّلة حول ايجابيات القسم وسلبياته
لذا أقترح ان يتم وضع موضوع لنقاش ما يعتلق بكل قسم على حده
ولتكن مدة النقاش اربعة ايام مثلا ثم يتم فتح النقاش حول قسم اخر في موضوع اخر
على ان تعرض المناقشات على رؤساء الاقسام بعد حين

[nody pharmacist]

من وجهة نظرى قسم التحليلية والصيدلانيات

[زهرة الياسمين]

Al Salamo Alikom
All students share in this election did very well
but I want to let all of you pay attention to something
you have to work hard and take the advantage from every department
really you will not imagine that
to my opinion you are very good students
sometimes I feel that you are better than the undergraduate students here
but the difference will appear after your graduation and their graduation
they have the ability to catch the information very well
why?
because all of them know the value of that information when he took it




all of us have a lot of demerits
so let's try to clean our minds before cleaning our places
let's try to see our value before cursing our circumstances

finally enjoy life, the life is good
dont be upset try to change your present
be yourself dont be another one
believe in what you chosen and in what you are doing
dont look back
use your positive energy to look forward

think about one thing
the science is not in place (like the faculty) , not in small papers (like your notes) .
the science in what you observe and what in your mind of knowledge that will come from reading

even the skill is based on your understanding to the theory

science is a great value if you dont have it so , forget all I wrote above

Thanks all *

متفقين مع حضرتك يادكتور
وجزاكم الله خيرا على التشجيع

هناك بعض السلبيات في بعض الاقسام تنفر الطلبة من المادة اصلا
الاستفتاء ماهو الا وسيلة لايصال وجهات نظر الطلبة لاعضاء هيئة التدريس
وطول ما الكلية بتسعى للاحسن احنا كطلبة بيكون عندنا الهمة والدافع اننا نكون احسن

فى الفترة التى تولى فيها الدكتور محمود بكر منصب العميد كنا كل يوم بنحس بتغيير
لما دكتور محمود يدخل فى اول يوم في السنة يقول لنا "انا عارف ان احسن مذكرات هى مذكرات الصيدلانيات
وكلكم بتشتكوا من مذكرات الميكرو"
كنا كلنا مبسوطين ومتفائلين
رأينا بيوصل للاقسام وللادارة ولو الوضع ما اتغيرش فى التو واللحظة لكن أكيد هيتغير

لما أدخل في الشفوي لدكتور حسن الصباغ ويدخل معانا ناس مش من المجموعة بواسطة
والدكتور يسألنا كلنا نفس عدد الاسئلة ونفس مستوى الاسئلة ونشوف الدرجات والدكتور بيكتبها
الي جاوب كويس درجاته كويسة والي جاوب وحش درجاته اقل حتى لو بواسطة
ساعتها الواحد بيحس انه بيحب الكلية فعلا
لكن للاسف بعض الاقسام وبعض الدكاترة بجد بيكرهونا في المواد

قسم الصيدلانيات السنة دى الدكتور طلب مننا اننا نكتب وجهات نظرنا حول القسم
وخصص محاضرة لمناقشة الاراء الى وصلته
برغم انى مش بحب القسم بالذات السنه دى لكن كده بنحس انه فى امل في التغيير
وان الافضل قادم
وده بيدينا حماس وقوة دفع لنخرج افضل ما لدينا

مرة تانية جزاكم الله خيرا على التشجيع وروح الامل والهمة المنبعثة من كلمات حضرتك

السلام عليكم و رحمة الله

بسم الله و الحمد لله والصلاة و السلام على رسول الله (صلى الله عليه و سلم)

سعدت كثيرا بهذا الاستفتاء و سعدت أكثر بتقدم قسمي الحبيب في النتيجة
و بالطبع ده بفضل الله سبحانه و تعالى قبل أي شيء ثم
بفضل مجهودات كل من يعمل بالقسم بداية من رئيس القسم و حتى أصغر عامل بالقسم
فاللهم لك الحمد حمدًا كثيرًا طيبًا مباركًا فيه

و أسأل الله أن يكون كل ما يقوم به القسم خالصا لوجهه و متقبلا عنده
كما أسأل الله أن يجازي كل مجتهد في القسم و في الكلية خير الجزاء
.......................

لكن والله بجد أتمنى أن يأتي اليوم اللي تكون فيه نتيجة هذا الاستفتاء هكذا

و يكون الطالب محتار يختار بين الأقسام

وقتها هنكون أحسن كلية في مصر ...و مفيش حاجة بعيدة عن ربنا
و نفسي يكون ده هو الشعور السائد عند كل الأقسام و يبقى كل قسم حريص أن الطلبة تحب الكلية و الدراسة بشكل عام
مفيش مانع من التنافس لكن بشكل ايجابي يخدم الكل وتبقى روح الفريق هي المسيطرة على الكلية و تكون كل الأقسام بتكمل بعض
ده هيخدم الكلية كلها
ياريت يكون المعنى الي عايز أوصله واضح
........................

أسأل الله أن يكون كل حرف يُكتب في المنتدى في ميزان حسنات كاتبه و أن يغفر لنا الله ذلاتنا أجمعين.
آمين

هذا ما نتمناه ونسعى له جميعا
جزاكم الله خيرا

[د/نداء]

السلام عليكم

بصراحة أنا شايفة أن قسم العضوية أحسن وأطيب دكاااترة فى الكلية
كتيييييييييير حبيتهم وأتمنى لو أتعامل معاهم تانى

وتقبلوا مروورى

[Amira]

قسم الصيدلانيات السنة دى الدكتور طلب مننا اننا نكتب وجهات نظرنا حول القسم
وخصص محاضرة لمناقشة الاراء الى وصلته
برغم انى مش بحب القسم بالذات السنه دى لكن كده بنحس انه فى امل في التغيير
وان الافضل قادم

دكتوره ثناء بردو عملت استبيان عن القسم

قسم الصيدلانيات دايما بيسعى انه يبقى الاحسن على مستوى الكليه يعنى السكاشن من اكتر السكاشن فى الالتزام بس للاسف اى حاجه بتتطور قدام المعامله السيئه يبقى كأن مفيش حاجه اتغيرت

المناهج والشرح بردو كويسين

المعامل كويسه جدااا بس مشكلتين هما الالتزام الزايد عن اللزوم و المعامله المعروفه من معيدين القسم ده وموضوع شدتهم فى اننا نكتب الشرح ويشوفوه اللى مش مفهوم سببها ! !

غير كده فهو قسم اشبه بالتحليليه "مع الفارق فى المعامله واللى بتأثر جامد جدااا مع الطلبه"

يعنى قسم كويس من غير معامله كويسه يبقى المحصله صــــــفر

فين باقى الناس ياجماعه .... 551 بس اللى شاركوا فى الاستفتاء ! ! !

النتايج دى اكيد بتوصل للاقسام والاداره يمكن مش بيشاركوا فى الموضوع لكن اكيد بيتابعوا النتايج والكلام بتاعنا

[Nada Radwan]

المعامل كويسه جدااا بس مشكلتين هما الالتزام الزايد عن اللزوم و المعامله المعروفه من معيدين القسم ده وموضوع شدتهم فى اننا نكتب الشرح ويشوفوه اللى مش مفهوم سببها ! !

فعلاً يادكتورة..قسم الصيدلانيات ممكن يكون من افضل الاقسام لالى شفتها لغاية دلوقتى ف الكليه
بس المعامله بتاعة المعيدين بجد اكتر من سيئه..وخاصة فى امتحانات العملى..مبيبقاش فى أى مراعاة للحاله النفسيه اللى بيبقي الواحد فيها اصلاً
من ناحية تانيه..
الجزء النظرى متميز نوعاً ما..
د.ثناء ود.أسامه شرح رائع طبعا..
د.حسن الصباغ كره الدفعه ومافيها وده أثر على طريقة تعامله معانا ورفع شعار"السيئه تعم"
د.الشابورى طبعا مقدرش اتكلم على الشرح..بس للاسف مفيش كتاب..المرجع الوحيد
MARTIN..وماأدراك ماMARTIN


قسم الكيمياء الحيويه..اتعاملت معاه تيرم واحد وبجد كان اسوأ قسم شفته..
سواء من ناحية الأدوات اللى اغلبها مكنش سليم او الhand out
بالاضافه انه كان فى المبنى القديم..وطبعاً لا داعى لوصف سكاشن المبنى القديم
الجزء النظرى..د.ممدوح اللى ادانا
الورق مكنش كويس بصراحه..


قسم التحليليه..
قسمى المفضل طبعا..واللى كان ليا الشرف انى اديله صوتى
السكشن بيبقي من احسن السكاشن طول الاسبوع
وشرح د.فوزيه ود.منال اكتر من رائع طبعاً
وإن كان الhand outبيتأخر شويه
بس اسلوبه كويس..بالذات جزء د.منال

قسم العقاقير..
من ناحية الجزء النظرى
د.صالح بيتبع اسلوب الe-learning
بمعنى ان مفيش ورق..مفيش باوربوينت..وأكيد مفيش كتاب
المحاضره بتتصور فيديو وتنزل ف يومها على موقع الجامعه
كلام جميل..بس مستحيل
انا مع التكنولوجيا على عينى وراسى..
بس فى ناس مش متوفر ليهم نت طول الاسبوع
ولو حتى توفر..
الموقع بيدخل بالآى دى وتاريخ الميلاد
انا بحاول أدخل من اول التيرم ومش راضي!!
يبقي طالما التكنولوجيا مش متوفره الشكل الصحيح
يبقي نهتم بالطرق التقليديه افضل..وللا ايه!!؟؟
بالنسبه للعملى..
أتكلم وللا بلاش؟؟؟؟
أنا بقول اتكلم..
اتكلم عن الميكروسكوبات طبعاً..
1-العدد غير كافي على الاطلاق(مع ان عددنا80فى السكشن)
2-لاتصلح للاستعمال بشكل او بآخر
3-انا شايفه ان الكليه ماشاء الله جايبه ميكروسكوب الكترونى..بس مبينزلش غير ف الامتحان
انا مش فاهمه وجهة النظر ايه لغاية دلوقتى..او مش مقتنعه بيها

أنا صراحه معدش ليا نفس اتعب واعمل اسلايد..
لانى بقيت عارفه انى يااما مش هلاقي ميكروسكوب
يااما هلاقي واحد زى قلته..
فبقيت باخدها من قاصرها واشوف الspots واروح!
تعامل المعيدين كويس
وعلى رأس القائمه طعا د.أحمد عاشور اللى بيبذل معانا بصراحه مجهود غير عادى


اقسام: الفارما..والطبيه..والميكرو لم اسعد بالتعامل معهم لسه



أكيد الكلام ده منطلق من حبي للكليه دى بجد..بس فى حاجات كتير لازم تتغير قبل ماندور على الاعتماد

[Rooose]

طبعا قسم التحليلية أحسن في الكلية...
ماشاء الله الدكاترة كويسين جدا في المعاملة والشرح
و بيسيبوا hand out نزاكر منه
وكمان أحسن قسم في تنظيم الامتحانات وبالذات امتحانات العملي بتبقي منظمة جدا وكمان بتبقي نفس التجارب اللي نازلة للدفعة كلها يعني التقييم فيه عدل عشان محدش يتظلم ويبقي حد نازله تجربة سهلة والتاني صعبة وأهي درجات بتضيع ..
حتي في شفوي العملي كل الدكاترة بيبقوا كويسين جدا وبيسيبوا لينا فترة طويلة وبيبقي فيه أكتر من فرصة للمزاكرة

طبعا يليه قسم العضوية طبعا دكتورة فاطمة دي اللي اتعلمت منها العضوية بجد ربنا يكرمها ودكتور محمد عبد الوهاب ...

[hananah]

افضل قسم التحليليه واسوا قسم الصيدلانيات

[محمد وجدي]

الطبيه

واسمحولي ابدي راي في هذا الأمر
وشكرا

[Ramy Saad]

ماشى يا مولانا
ابقى اكمل بعدين

مستنيين فضيلتك لما ترجع بالسلامة

السلام عليكم صحيح انا لسه معرفتش طبيعة الاقسام كلها لكن اعتقد ان قسم الفارما المفروض انه يبقي من احسن الاقسام . انا بحب صيدله جدا

وأنا كمان

الحمد لله
مازال بجعبة كل منا الكثير ليقال سواء بالسلب او الايجاب
لتحقيق الفائدة المرجوّة أعتقد ان يتم مناقشة سلبيات وايجابيات كل قسم على حده فى موضوع مستقل

يتغير التقييم فى ذات القسم بتغير الفرق والمناهج
التحليلية مثلا رغم انها الافضل فى الاستفتاء
من اكثر المواد التى يكرهها طلبة الفرقة الاعدادية
لكن تغير الوضع في الفرقة الاولى والثانية
ويتغير بتغير القائمين على القسم

هناك بعض الاقسام كالصيدلانيات تحتاج مناقشة مستقلة ومطوّلة حول ايجابيات القسم وسلبياته
لذا أقترح ان يتم وضع موضوع لنقاش ما يعتلق بكل قسم على حده
ولتكن مدة النقاش اربعة ايام مثلا ثم يتم فتح النقاش حول قسم اخر في موضوع اخر
على ان تعرض المناقشات على رؤساء الاقسام بعد حين

اقتراح في محله جدا
إن شاء الله من الممكن تنفيذه الاستفتاء القادم لضيق الوقت الفترة الحالية

أكيد الكلام ده منطلق من حبي للكليه دى بجد..بس فى حاجات كتير لازم تتغير قبل ماندور على الاعتماد

وليه مانحاولش نصلح واحنا بندور على الاعتماد في نفس الوقت

الطبيه

واسمحولي ابدي راي في هذا الأمر
وشكرا

you are welcome Dr. Wagdy







شكرا لكل الأعضاء اللي شاركوا بإبداء رأيهم

ولازلنا نأمل في استمرار التواصل ...