ساحة حوار صيادلة الفرقة الثالثة و الرابعة

[dr\dody]

عندي سؤال غريب واعتقد سخيف ليه النجوم دي جمب كلمة bolism
عاوزه اعرفها من زمان يا ريت حد يقولي

[Anas]

كلمة " m e t a " مينفعش تتكتب في المنتدى لانها تقريبا بتدخل في أكواد اختراق المنتديات أو حاجة زي كده

أنا كنت سألت في الموضوع ده من زماااااااان ... و دي الاجابة على قد ما أنا فاكر

[وردة العمر]

اولا بشكركم ع الموضوع ده وثانيا احب اشارك واسال سؤال

ياريت لو سمحتوا حد يشرح لنا

mechanism of action of sympathomimetics drugs on adrenirgic receptors

والله سبقتينى انا فعلا كنت لسا هدخل علشان عاوزة حد يفهمهولى بجد يريت حد يساعدنا

[pharmacistina]

قريب ان شاء الله ..

[Anas]

قريب ان شاء الله ..

في انتظار مساء الأربعاء

[Dr.3mora]

انا لسه شايف الساحه النهارده وبصراحه دى فكره جميله جداً وجزاكم الله خير

[pharmacistina]

mechanism of action of sympathomimetics drugs on adrenirgic receptors

يا رب أكون اللي هقوله دة هو اللي انتو عايزينه ..

الأدوية الـ Sympathomometic التي تؤثر على الجهاز العصبي السمبثاوي .. كيف تعمل ؟؟

الأول عايزين نتذكر كلمة مهمة كلنا عارفينها ..

سمبثاوي ( حرف السين ) = سريع

باراسمبثاوي ( حرف الباء ) = بطيء

أي دواء أو مادة داخلية و ليكن الـ Epinephrine هتأثر ع الجهاز العصبي السمبثاوي يبقى هتسرع كل حاجة , تسرع ضربات القلب و تسرع التنفس و ترفع الضغط و كدة ..

المهم ..

الادوية الـ Sympathomimetic لما تيجي تشتغل بتعمل ايه ؟؟

1- بعض الأدوية يرتبط بالـ receptors و يعطي مفعوله مباشرة و دي بنقول عليها Directly acting sympathomimetics

2- بعض الأدوية تؤدي الى زيادة افراز الـ Epinephrine و الـ Norepinephrine اللي هيأثروا على المستقبلات و يعملوا نتيجة برده في تسريع ضربات القلب مثلا أو قبض الأدوعية الدموية الطرفية .. و دي بنقول عليها Indirectly acting sympathomimetics

3- بعض الأدوية بتشتغل بالطريقين معا بنسميها Dual mechanism sympathomimetics

كلام سهل و بسيط ان شاء الله ..
-----
ملحوظة هاااااااااااااااااااااااااااامة :

الـ Autonoomic receptors سواء sympathetic أو parasympathetic ..

موجودة في أماكن محددة من الجسم ..

يعني القلب فيه B1 و الأوعية الدموية الطرفية فيها alpha 1 و كدة ..

أماكن الـ receptors و نتيجة التأثير عليها ... حـــــــــــــفــــــــــــــظ

تحفظوا الحاجات دي زي أسماءكم ..

مفيش صيدلي في الدنيا يصح أن يقال عليه صيدلي و يكون مش عارف أماكن الـ Autonomic receptors و وظائفها ..


نقول تاني ..


الحاجات دي حــــــــــــــــــفــــــــــــــظ عن ظهر قـــــــــــــــلــــــــــــب .. لأن دي حقائق علمية ثابتة العلماء وجدوا ان هذا النوع من المستقبلات موجود في الحتة الفلانية ..

أنا كنت عاملة ورقتين واحدة للسمبثاوي وواحدة للباراسمبثاوي و لازقاها ع الحيطة في أوضتي و مازالت موجودة حتى هذه اللحظة ببص فيها كل أما أنسى ..

يللا كل واحد يجمع أماكن هذه الـ receptor في ورقة و يصورها نسخة ع الحيطة و نسخة في كتاب أو مذكرة الفارما ..
-----

انا عندى حاجه بتلخبط فيها اوى برغم انى بحضر المحاضرات بس مش عارفه بتلخبط فيها لسه وهى
agonist and antagonist and bloking drugs ؟

ولا عايزين نتصور يعني ايه كلمة receptor ؟؟

عامل ازاي هل هو مربع في الجسم يجي الدواء يركب فيه زي ما هو موضح بالرسم في الكتب ؟؟

الـ Receptor مادة موجودة في جسم الكائن الحي , بتفرز في أماكن محددة لأداء وظيفة محددة ..

يعني Beta 2 receptors مادة تفرز من خلايا معينة في في الـ Bronchi .. سبحان الله

ييجي الدواء بتاعنا اللي هيأثر على الـ B2 receptors و ليكن Sulbutamol يتفاعل مع الـ receptors اللي هي مادة تفرز في الـ Bronichi و يكون النتيجة تغيرات بيوكيميائية متتالية ينتج عنها ارتخاع عضلات الـ Bronchi و اتساع ممر الهواء اللي بنقول عليه Bronchodilatation ..

سؤالك بقى ..

Agonist = مادة تتحد مع المستقبلات receptors و تعطي تأثير فارماكولوجي و ليكن الـ Epinephrine ييجي على المستقبلات Alpha 1 و يتحد بيها و يؤدي الى انقباض الأوعية الدموية الطرفية و تكون النتيجة الكلية ارتفاع ضغط الدم ..


Antagonist = Anti - agonist = دي مادة غلسة , بتعاكس الـ Agonist , تيجي تتحد بالـ recepptor و ما تخليش الـ agonist يشوف شغله ..

الـ Antagonist مادة يتحتل الـ receptor و تمنعه من التفاعل مع الـ Agonist

مثلا عندك دواء اسمه الـ prazocin دة عبارة عن Alpha 1 antagonist .. ييجي يرتبط بالمستقبلات alpha 1 و يقعد فيها كدة و يتبت و لا يسمح للـ Epinephrine انه يستحث Alpha 1 receptors و بالتالي ينزل ضغط الدم عما لو كان الـ Epineph أثر على الـ Alpha 1 ..



خدوا بالكم .. الـ Antagonist في حد ذاته مادة لا تعطي مفعول فارماكولوجي و لكنها تمنع مادة أخرى من العمل ..


كلمة Antagonist = كلمة Blocker

يعني محدش يسأل و يقول ما الفرق بين Alpha 1 blocker و Alpha 1 antagonist

هما الاتنين مترادفات لحاجة واحدة ..

أعتذر عن انقطاعي عن الساحة لفترة كبيرة , و بانتظار أسئلتكم .. وفقكم الله

سبحانك اللهم و بحمد أشهد ألا اله الا أنت أستغفرك و أتوب اليك ..

اللهم اجعل هذا العمل خالصا لوجهك و انفعنا بما علمتنا .. آمييين ..

[moon magic]

ميرسى كتير يادكتورة على شرحك الوافى

بجد وضح لى حاجات كتير مش كنت فهماها

جزاكى الله خيرا وجعله الله فى ميزان حسناتك اللهم امين

[عبدالله عبدالرحمن]

هل هناك فرق بين
دواء
parasympatholytic
&
sympathomimetic

[pharmacistina]

هل هناك فرق بين
دواء
parasympatholytic
&
sympathomimetic

كالعادة سؤال رائع من دكتور عبد الله ..

الحقيقة أنا كنت عارفة الاجابة و متوقعاها , لكن دورت عليها برده للتأكد ..

بص يا دكتور الـدواء الـ parasympatholytic = parasympathetic antagonist يعني دواء يمنع تأثير حاجة زي الأستيل كولين مثلا ..

أما الـ sympathomimetic دواء يستحث الـ sympathetic receptors يعني sympathetic agonist ..

طبعا الدوائين مختلفين لكن .... لكن .. نتيجتهم الفارماكولوجية متماثلة .. دي اجابة سؤال ..

نعطي مثال شائع و في غاية الأهمية :

عين الانسان ..

اللي بيتحكم في ضيق أو اتساع حدقة العين Eye pupil هو نوعين من العضلات الملساء :

Radial dilator pupillae muscles

و

Circular constrictor pupillae muscles

بص كدة ع الصورة دي أحسن مفيش وقت أرفعها ..

http://openlearn.open.ac.uk/file.php...182_5_005i.jpg

الـ Radial muscles فيها Alpha 1 receptors ( مستقبلات سمبثاوية )

أما الـ Circular muscles فيها M3 receptors ( مستقبلات باراسمبثاوية )

بص في الصورة و تخيل , لو حصل انقباض للـ radial muscles و ليكن بالـ Epinephrine هيحصل اتساع في حدقة العين Active mydriasis

طيب لو حصل انقباض في الـ circular muscles و ليكن بالـ Pilocarpine بيحصل ضيق في حدقة العين miosis

طيب لو جت مادة زي الأتروبين muscarinic antagonist و قعدت في الـ M3 قفلتها و منعت الأستيل كولين انه يستحثها .. ايه اللي يحصل ؟؟

تكون النتيجة اتساع حدقة العين نتيجة منع انقباض الـ circular muscles بالـ agonist .. وهذا يسمى Passive mydriasis

عندك الـ Atropine is parasympatholytic = parasympathetic antagonist

و الـ Epinephrine is sympathomimetic

كلاهما يؤدي الى نفس النتيجة و هي اتساع حدقة العين لكن شوف الفرق بين الـ active mydriasis و الـ passive mydriasis و اختلاف الــ mechanism of action


دة من ع الويكيبديا :

Parasympatholytic" and sympathomimetic are similar, but not identical. For example, both cause mydriasis, but parasympatholytics reduce accommodation (cycloplegia) while sympathomimetics do not.

similar يعني بيقول متشابهة في الأكشن بتاعها و ليست متماثلة ..


http://en.wikipedia.org/wiki/Parasympatholytic


يا رب يكون الكلام مفهوم و كويس ..