بيت العيله ياترى حل ولا مشكله ؟؟؟؟؟؟

[do3a2_alganna]

الموضوع حلو اوى مشكورة طبعا يا دكتورة سمر عالموضوع دا اللى بجد هيا دى مشكلة العصر .......... الشقة انا ممكن اتكلم من خلال تجربة انا شفتها قدام عينى الجواز فى بيت العيلة فكرة غلط بكل المقاييس فى النهاية يا اما الجواز بيفشل يعنى ايه الجواز فشل ان يبقى فى كل يوم والتانى خناقة ومشكلة مش بين الزوجين ممكن مع الحمى او اخته وبعدين كدا بيأثر على العلاقة نفسها اللى بينهم لو كانو بيحبو بعض ممكن من كتر المشاكل الحب دا يضيع عادى يعنى مهو من اللى شايفينه وكمان ابوه هيتحكم فيه قدام مراته فهيبقى شكلها وحش قدام مراته. لو انا بطلة الموضوع انا استحالة اقعد فى بيت العيلة مش انانية منى والله بس حفاظا على حبنا دا انا هستنى وهو كمان يشد حيله شوية بس فى النهاية يبقى ليا بيتى محدش يتحكم فيا.

[summer breeze]

اهلا اهلا بThe princess الموضوع نور بدخولك ورايك بصراحه قنبله وتعتبري انتي الوحيده دلوقتي في اللي دخلت وقالت نعم صريحه للسكن في بيت العيله وياريت تسمحيلي اتناقش معاكي في ردك نقطه بنقطه

كل البنات بيقولوا ان السكن مع اهل الزوج بيجيب مشاكل و انهم هيتدخلوا فى حياتها و الى اخره من الاساب و انا برد عليهم و بقولهم دى وجهة نظر قاصرة جدا ... ليه ؟؟؟؟
لان لو اهل الزوج اصلا ناس مش طيبين او انهم بتوع مشاكل و غاويين يتدخلوا فى حياة ابنهم فلا السكن بعيد عنهم هيمنعهم و الاستقلال هو اللى هيحل المشكلة اعرف واحدة و الله ساكنة فى بلد و اهل جوزها فى بلد تانيه خالص و مع ذلك مش قادره تعيش بسبب تدخلهم فى حياتها ( ما هو الموبايل و النت قربوا كل المسافات ) و خلافاتها مع جوزها لا تتوقف ....

ده كلام سليم لانه فعلا حالات كتيره جدا بتحصل فيها مشاكل بسبب تدخل الاهل حتى لو الزوجين ساكنين بعيد بس في الحالات دي بيكون الزوجين هما المسؤولين عن اي اسرار تخرج بره بيت الزوجيه لان المفروض اي مشكله تحصل فيما بينهم يحلوها سوا من غير تدخل اما في حاله وجودهم مع العيله فبتهيالي ان منع العيله من التدخل في شؤون الزوجين هتبقى مستحيله لانهم حتى لو كانوا ناس كويسين جدا ومثاليين ومحاولوش يتدخلوا مثلا في حاله حصول مشكله بين الزوجين هتلاقي دايما نظره تساؤل بتطل من عنيهم ودي حاجه صعب جدا انك تقدري تهربي منها

زمان كان كل الناس بتتجوز و تعيش مع اهلها فى نفس الشقة مش نفس العمارة و كانوا بيستمروا مع بعض و حياتهم كانت ناجحة جدا

اكيد مش في كل الحالات كانوا ناجحين وسعدا والا كان استمر الوضع زي زمان اكيد كل حاجه ليها ايجابيات وسلبيات والناس دلوقتي نمط حياتها وتفكيرها مش زي زمان يعني زمان كان اغلب الستات قاعده في البيوت يعني الستات اللي في البيت بيقسما الشغل فيما بينهم اما دلوقتي افرضي واحده بتشتغل وعايشه مع اسره فيها اخ للزوج متجوز برضه بس زوجته مش بتشتغل هتلاقي خناقات الدنيا وهي فاكرانا شغالين عندها وهي متعملشي ليه زي ماحنا بنعمل وخدي من ده كتير

عارفه برضه ان ده دلوقتى صعب او مستحيل عارفين ليه ؟؟؟
علشان الناس بقت بتختار غلط كله بيركز على المظهر و يسيب الجوهر محدش عاد بيسال على اخلاق العيلة و اصلها و فصلها كان زمان كده انما دلوقتى التركيز على الشاب و البنت بس و محدش واخد باله ان الجواز معناه دخول عائلتين مع بعض كله بيهمل التوافق المادى و الاجتماعى و الاخلاقي مع ان هى دى الحاجات اللى بتخلق بعد كده كل المشاكل ....

برضه مع احترامي ليكي يادكتوره مينفعشي نعمم في ناس كتيره جدا بيبقوا كويسين واخلاقهم تمام لكن ربنا مبيوفقهومش في حياتهم الاسريه اه طبعا الواحد لازم يدقق في اختياره ويفكر الف مره لكن يادكتوره حضرتك ممكن ترتبطي بانسان كويس وعلى خلق وعيلته ناس طيبين بس مثلا اخته مش طايقاكي او مرات اخوه مش مستظرفاكي لو عشت مع عيلته حياتك ممكن تبقى جحيم وتخسري كتير مع انه كويس واهله كويسين وحتى لو كانت العيله كويسه وكلهم حابينك من الاول فايا كان لازم هتحصل خلافات ولو بسيطه والخلافات دي اكيد هتسيب اثر سواء فيكي او فيهم وبتهيالي انتي مش هتبقي مستريحه في وضع زي ده ولا اييييييه

و بشكر دكتورة سمر على الموضوع مرة تانيه ...
تحياتى ...

ده انا اللي بشكرك والله على مشاركتك وعلى ابدائك لرايك وسواء اختلفنا او اتفقنا فرايك من الاراء التي تستحق الاحترام خالص شكري وتقديري ولو عندك اي اضافه تحبي تقوليهالي انا وبقيه الاعضاء فنحن في الانتظار وسلااااااااامي ليكي

[summer breeze]

الموضوع حلو اوى مشكورة طبعا يا دكتورة سمر عالموضوع دا اللى بجد هيا دى مشكلة العصر .......... الشقة انا ممكن اتكلم من خلال تجربة انا شفتها قدام عينى الجواز فى بيت العيلة فكرة غلط بكل المقاييس فى النهاية يا اما الجواز بيفشل يعنى ايه الجواز فشل ان يبقى فى كل يوم والتانى خناقة ومشكلة مش بين الزوجين ممكن مع الحمى او اخته وبعدين كدا بيأثر على العلاقة نفسها اللى بينهم لو كانو بيحبو بعض ممكن من كتر المشاكل الحب دا يضيع عادى يعنى مهو من اللى شايفينه وكمان ابوه هيتحكم فيه قدام مراته فهيبقى شكلها وحش قدام مراته. لو انا بطلة الموضوع انا استحالة اقعد فى بيت العيلة مش انانية منى والله بس حفاظا على حبنا دا انا هستنى وهو كمان يشد حيله شوية بس فى النهاية يبقى ليا بيتى محدش يتحكم فيا.

يا اهلين وسهلين ومرحبتين بد/ دعاء الجنه الموضوع اتشرف بيكي وبمرورك وفعلا الكلام اللي حكيتي عنه سليم ونهايه منطقيه لحياه مليئه بالخلافات لان الزوج هيبقى ممزق بين زوجته وعيلته ومش هيقدر ابدا يوازن بينهم لان اكيد في اي خلاف في طرف غلطان وطرف مظلوم لو كانت الزوجه هي الغلطانه هيبقى صعب انه يقولها انتي غلطانه ويحرجها قدام عيلته ولو اهله هما الغلطانين هتبقى اصعب واصعب ازاي هيغلط عيلته قدام مراته يعني فعلا زي مابتقولي ايا كان مقدار الحب اللي بينهم فالاكيد انه هيضيع في وسط جو زي ده سعدت جدا بمرورك ويارب اشوف مشاركاتك في مواضيعي على طول

[doctordoaa]

الموضوع جميل جداا وفعلا دى مشكلة كبيرة بس أنا كبنت مش متقبلة الموضوع لأن السكن مع العائلة سواء عائلة البنت أو الولد هيكون فيها مشاكل كثير أهمها طبعا تدخا العائلة فى كل الأمور الخاصة بالعروسين وكأنه حق لهم و بالتالى ستتولد المشاكل وهندخل فى مواضيع إحنا مش قدها

[محمد السيد]

أولا شكرا علي الموضوع الجميل . ثانيا بالنسبه لبيت العيله أعتقد أنه حاليا لم يعد موجود الا في القليل من القري وأعتقد بناءا علي فهم الواقع أنه مليئ بالمشاكل أكثر من نفعه لحل مشكله الاسكان . وأعتقد أن الزوجان في بدايه الحياه يجب أن يكونا لهما حياتهما المستقله بعيده عن أراء الأهل للبعد عن المشاكل ...

[summer breeze]

اهلا بدكتوره دعاء ود/ محمد والموضوع زاد نور على نور بدخولكم والى الان اغلب الاعضاء شايفين ان الموضوع له سيئات اكتر من حسناته بس اكيد الموضوع ليه جوانب تانيه هنحاول نكتشفها من خلال الردود والاراءبشكركم على المشاركه وابداء الراي ولسه منتظره اراء بقيه الاعضاء

[بنت مصر]

السلام عليكم بدايه الموضوع جميل ومحتاج نقاش
ايه المقصود ببيت العيله محدش يقول حجره فى بيت فيه عيله اب وأم واولادهم لان ده عمره ما بيحصل كان زمان حتى فى الريف مش بيحصل دلوقتى
بيت العيله ان الزوجه تعيش مع ام الزوج فى شقه واحده وده انا برفضه لان مهما كانت الام طيبه والزوجه طيبه هتحصل مشاكل وهيبقى فيها حساسيه لاننا فى البيت اساسا فى خلافات بين الام وبنتها ما بالك بحماتها اكيد الزوجه لو عايزه تعيش هتستحمل وده هييجى على حساب اعصابها وحياتها وفرحتها وفى الاخر هتنهار ومش هتستحمل ياما هتقف لحماتها وواحده بواحده وكده برده محدش هيستحمل وهينهار البيت
فى ناس بتعيش مع حماتها بس لفتره معينه لحد الحاله ماتتحسن وده ممكن بس ميطولش ودى تجارب فى حياتنا مش هنقدر ننكرها
انا بفضل تأجير شقه حتى لو اوضه ونعيش فيها لحد ما نقدر نجيب شىء احسن
وممكن يبقى بيت العيله شقه فى بيت كبير وده مشاكله اقل

[بنت مصر]

ونسيت اشكرك ياسموره على الموضوع
منتظرين ابدعاتك

[summer breeze]

وانا برضه بقول الموضوع منور كده ليه ؟؟؟؟؟؟ اتاري حبيبتي بنت مصر دخلت على الموضوع

فى شقه واحده وده انا برفضه لان مهما كانت الام طيبه والزوجه طيبه هتحصل مشاكل وهيبقى فيها حساسيه لاننا فى البيت اساسا فى خلافات بين الام وبنتها ما بالك بحماتها اكيد الزوجه لو عايزه تعيش هتستحمل وده هييجى على حساب اعصابها وحياتها وفرحتها وفى الاخر هتنهار ومش هتستحمل ياما هتقف لحماتها وواحده بواحده وكده برده محدش هيستحمل وهينهار البيت
فى ناس بتعيش مع حماتها بس لفتره معينه لحد الحاله ماتتحسن وده ممكن بس ميطولش ودى تجارب فى حياتنا مش هنقدر ننكرها
انا بفضل تأجير شقه حتى لو اوضه ونعيش فيها لحد ما نقدر نجيب شىء احسن

كلام سليم مقدرشي اقول حاجه عنه بس يا بنوته مصر في بنات بترفض تماما فكره انها تبدا حياتها بالسكن مع والده الزوج ليه ؟لان زي ماانتي عارفه ان صعب جدا ان اوضاع الزوج تتحسن بعد الزواج على طول لان الالتزامات كل مدى بتكتر وبتزيد عليه يعني الاول كان براسه دلوقتي اتجوز شويه بقى معاه طفلين يعني امكايه الادخار لشراء شقه دي بتهيالي هتيجي على المدى الطويل 15-20 سنه وبالتالي الزوجه هتعيش فمع حماتها المده دي فمن اولها كده بتقول لا وبتريح دماغها

ونسيت اشكرك ياسموره على الموضوع
منتظرين ابدعاتك

ربنا يخليكي ياجميل ده بس من ذوقك وانا اللي بشكرك على مشاركتك القيمه في الموضوع:fop (43):