السلام عليكم
احب ابدأ كلامي بقولي ان مفيش داعي للرعب من سنة تالتة عشان الخوف هو العدو الاول ليكم فيها
هي سنة زي اي سنة لها صعوباتها بس صعوبة تالتة في ترتيب الوقت
تالتة لازم تتذاكر من اول يوم عشان الطريقة المثلى لمذاكرتها هي التكرار
طب الوقتي انا شايف في عيونكم سؤال .. نذاكر ازاي ؟؟
اقول لكم هنبدأ حاجة حاجة
البايو ... مادة لذيذة اوي الترم الاول سهل جدا انك تجيب فيه تقدير لو مش استهترت بس الترم التاني صعب شوية يعني يا تحافظ بيه على تقدير الترم الاول يا اما هياخد منك حتة صغيرة
الفارما ... دي اساس كليتنا و المادة دي بتحسسك انك دكتور بجد عشان تحبها خد عنها فكرة اولية بشكل عام عشان تفهم كل مادة بتعمل ايه عشان توصل للعلاج ... اما عن مذاكرتها فنذاكر اسماء الادوية و الـ mode of action و الاثار الجانبية و drug-drug interaction اما عن المقدمات فخد فكرة مش اكتر
الطبية ... دي شبه الفارما بالظبط بس بتفاصيل زيادة شوية بتفهمك سبب عمل كل مادة هي بتكمل الفارما و هي عبارة عن مادة اساسية و بيحصل فيها تعديل بسيط تبقى مادة تانية لها طريقة عمل شبيه يعني تركيز على علاج دون الاخر او حل مثلا لبعض الاثار الجانبية و ما الى ذلك
الصيدلانيات ... انصحكم بالاهتمام جدا بالعملي عشان وقت امتحانه ضيق فلازم تكون بقيت متمرس عشان تلحق تخلص اما النظري فأقل من كل سنة
الفايتو ... هي بس زي العقاقير بس بالمقلوب يعني تصنيفها بيكون عبارة عن المواد الفعالة و يقول لك موجودة في النبات الفلاني و بتستخدم في كذا بالاضافة الى الـ structure بتاع كل مادة يعني حاول تلاقي طريقة تحفظ بيها الاستراكشرات و مش بيدققو اوي فيها يعني و لا بيهتمو بالاسم العلمي للنباتات .... و حاول تبذل كل جهدك الترم الاول فيها عشان الترم التاني بتيجي بعض اسئلة من برة المنهج فالتعويض بيكون صعب
الـ assay ... دي فاكهة السنة يعني مادة صغيرة و جميلة و كتكوتة و كل حاجة بس لو استهترت بيها تزعل منها و سهل اول تتلم في اخر السنة
و بشكل عام العملي سهل و مفيش فيه مشاكل و العملي الوحيد اللي محتاج مذاكرة هو عملي الـ applied
اتمنى ان ربنا يكون وفقني في نقل الصورة بالشكل الصحيح
تحيتي لكم و دعواتي بالتوفيق ان شاء الله
.gif "Fop (27)")
