المشاركة الأصلية كتبت بواسطة محمد_على_سلام
رجعتلك تانى يا فوده بس الاسئلة من دماغى علشان تجاوب بقه
منور يا ابو علي
1-تتمنى تعمل ايه الترم الجاى؟
اجدعن واذاكر شوية واشوف مصلحتي بجد
2- ناوى تقعد جنبى تانى فى المحاضرات (فاكر ولا ناسى)؟؟؟
اه عادي على فكرة المشكلة كانت في الدكاترة هما اللي كان شرحهم ممل عشان كده كنت بتكلم معاك لكن لو الدكتور شرحه كويس كنا هنركز معاه
3-بتقضى يومك ازاى فى رمضان؟؟؟؟؟
بصوم بالنهار وبفطر بالليل
4- اكتر حد كرهته فى حياتك؟؟؟؟؟؟
حد قابلته يعني
مبكرهش حد بس في ناس مبستريحلهاش كده
5-بتحب مين اكتر اقارب والدك ولا والدتك؟؟؟؟؟؟؟؟وليه؟؟؟؟؟؟
قرايب والدي اقرب ليا عشان جنبي وفي نفس البلد
لكن قرايب والدتي مش جنبي ومبشفهمش كتير بس بحس انهم اطيب
6-تحب ان يكون لك تؤام ؟؟؟؟؟؟تفتكر العلاقة بينكم هتبقى ازاى؟
مش فارقة لان انا علاقتي باخواتي كاننا في سن واحد و مفيش فرق بينا مع انهم اكبر مني هما الاتنين
7- لو انت مش من الزرقا تحب تكون منين؟؟؟؟؟
مفكرتش بس اي حتة من دمياط عشان لما ادخل راس البر او اروح بحر دمياط الجديده ميخدوش مني فلوس
8-لو انت مش مصرى تحب تكون جنسيتك ايه؟؟؟؟
لا محبش اكون حاجة تانية غير مصري
9-كنت بتعمل ايه قبل ما تقرا الاسئلة؟؟؟؟
كنت بشوف المشاركات الجديده
10-اخر مرة نزلت المنصورة امتى؟؟؟؟؟؟؟
يوم الثلاثاء 25 - 7
11- نفسك تغير دفعتك؟؟؟
لا ده دفعة سكرة
12-اكتر رئيس حبيته فى الاربع رؤساء اللى فاتوا؟؟؟؟؟؟وليه؟؟؟
عبدالناصر
يعني عمل حاجات كويسة بس كان بيحمس الناس على الفاضي و ليه سيئات
بس هو يعتبر احسن الوحشين
13-قولى توجهاتك السياسية؟؟؟؟
مليش توجهات خاصة بحد معين
انا باخد الكويس من كل ناحية واطلع بشخصيتي المتميزة
14-مين مرشحك المفضل؟؟؟؟؟
لما يبقى باب الترشيح يتفتح واشوف المرشحين واسمعهم هبقى احكم
15- ايه رأيك فى المظاهرات عامة؟؟؟؟؟؟والاضرابات؟؟؟؟؟
كل واحد صاحب حق ماخدوش شايف انه من حقه يتظاهر ويعتصم ويضرب عن العمل بس المشكلة في التوقيت
لأن ده مش وقت الكلام ده
والحكومة الانتقالية دي مهما كانت مش قاعده على طول ووظيفتها تهيئة البلد بس للحكومة اللي جاية بعد كده و هي دي اللي مطلوب منها الشغل والتنفيذ ولو معملتش نبقى نتظاهر ونضرب بقى
بس برده فيه حاجات لازم تتعمل الوقتي ومينفعش تستنى لبعد كده
16- انت كنت مع اعتصام كلينيكال اول الترم اللى فات طب ليه؟؟؟؟؟؟؟
ههههههههههه
عشان عرفت حاجات مكنتش عارفها قبل كده و اتضح انها من حقي ومتاخده مني
كمان و ده الاهم لأن كان الاغلبية مجتمعه على القرار ده وانا مكنتش معارضهم
و بعدين هعد في البيت اعمل ايه
17-ناوى تطلع رخصة امتى؟؟؟؟؟؟
بعد رمضان ان شاء الله
18-لو نفسك تبقى زى واحد من الصحابة يبقى مين وليه الصحابى ده بالذات؟؟؟؟
اي واحد
يكفيني شرفًا ان اكون زي اي حد من صحابة رسول الله اللي قال عليهم لو أنفق أحدكم مثل أحد ذهبًا فلن يبلغ أحدكم نصيفه
19-كرهتنى ولا لسه؟؟؟؟
عيب عليك ده انت حبيبي
20-امتى ممكن تقطع علاقتك بواحد صاحبك؟؟؟؟
جاوبت قبل كده
لو كان ندل
21-عملت ايه فى دمياط الجديدة؟؟؟
ههههههههه
رحت بيتنا هناك ورحت لامجد وفطرت وروحت الزرقا تاني
22-اكتر نوع حلويات بتحبه؟؟؟؟؟
مشبك
23-اكتر مكان بنروحه مع اصحابك؟؟؟
ما انت بتبقى معايا
الكلية اكيد يعني اكتر مكان بنروحه
24-اخر نشرة سمعتها كانت امتى؟؟؟؟؟؟؟؟
نشرة اخبار امبارح بيتهيألي
كفاية عليك كده الوقتى ولو مجاوبتش
رد مع اقتباس
.gif "Fop (12)")
.gif "Fop (34)")
