بس يا د/عبد الله الخيار التاني لا اهتم![]()
نعم سأشارك
لا؛لست مهتما
نعم ولكن أريد ان أعرف المزيد من التفاصيل.
بس يا د/عبد الله الخيار التاني لا اهتم![]()
إن شاء الله د/محمد طلعت هيقوم بالواجب![]()
بجد احييكم على علو الهمه والحماس فى رفع مستوى الصيدلى
انا مش هتكلم كتير لأنكم ذكرتو اسباب المشكله
وهى ان المناهج قديمه جدا من ايام ما الكليه اتفتحت
المشكله ان المناهج مش بيحصل ليها update
ثانيا مواده اعدادى الفيزيا والحيوان ملهمش ايه لازمه بل عملولى احباط شديد من أول دخولى الكليه
ثالثا ان الفارما عصب مهنتا بندرسها مكدسه فى سنتين وده طبعا فىق طاقه العقل البشرى
رابعا فى كتير حشو ملوش اى لازمه فى مواد كتير
خامسا ليه كورس اكلينكل مش بيطبق على العادى ده هيفيدنا كتير
واخيرا العلم بحره واسع يجب الا تتوقف الدراسه بعد التخرج
لان العلم كل دقيقه بيتطور
فينكم يا دكاترة![]()
ان شاء الله فى نهاية الأسبوع
اعمل تقرير عن النقاط اللى هعرضها
على ادارة الكلية
وربنا يقدم اللى فيه الخير
بس التصويت العدد قليل جدا!!
ليه كورس كلينيكال مش بيطبق على العاديين ..
ببساطة لأنه معمول فى جامعة المنصورة بنظام الساعات المعتمدة ..
يعنى الساعة بفلوس ..
و كل سميستر متحددله عدد ساعات .. و كل منهج متحددله عدد ساعات ..
و عشان بيدفع 60 ألف جنيه فى دراسة عمرها 5 سنين ..
أظن إن أغلب الناس مش هيقدر يستفيد بيها كتير فى الغالب لتكدس المواد و السكاشن و غيره ..
بدل ما حد يدفعهم فى 5 سنين .. و بعد ما يتخرج يلاقى نفسه مش استفاد حاجة .. أو ناسى
و نرجع نقول " بلد شهادات " ..
الـ 60 ألف أنا رأيى إنهم يدفعوا فى ماستر أحسن ..
ماستر الفارم دى فى جامعة عين شمس بـ 60 ألف ..
أنا شايف إنه أفضل بكتير ..
و فى الآخر يبقى معاك ماجستير .. مش مجرد بكالوريوس ..
و إن شاء الله أول ما يتاح ليا الفرصة هعمله ..
بس هنسأل نفسنا سؤال .. هل لو درسنا كلينيكال .. زينا زى طنطا و عين شمس ..
هل هنقدر نلم المواد دى مع موادنا الحالية ؟؟
و لا برده كالعادة .. هنذاكر عشان الامتحان ؟؟؟؟ و نرجع نشتكى من المقررات و تقلها ؟؟
عندكو حق بجد اما نزلت الصيدلية حسيت باحباط جامد اللى واقف معايا فاهم احسن منى طيب لازمة الكلية ايه مش عارفة فى قصور جامد فى الموادلانهم بيضغطوا المناهج فى سنة او اتنين وسنة زى اعدادى مثلا فى مواد ملهاش لازمة خالص
بسم الله ماشاء الله موضوع رائع يادكاتره
وكان لازم يتفتح من زمان
انا عن نفسي عندي احباط من اعدادي صيدله مع اني داخله الكليه عن حب
وكل ماسال حد يقولو ان شاء الله ف تالته هتفهمي كل حاجه
والحمد لله انا ف تالته اهو وبزاكر وبجيب تقدير بس معرفش اي حاجه ف الحياه العمليه
وفعلا تالته فيها مواد جميله تحسسني اني ف صيدله فعلا
بس للاسف طريقه تدريسها غلط جدا وبحس كاني ف كليه نظري
ملهاش دعوه باي حاجه ولا اعرف ازاي اتعامل مع مريض
ولا اعرف اوصف علاج
وانا بتدرب ف الصيدليه من سنه اولي اللي اعرفه ف الاجازه ادخل الكليه انساه
فياريت فعلا لو حضراتكو تشوفو حل للموضوع ده
لانكم اكتر ناس حسيتو بالكلام ده بعد التخرج