تعتيم إعلامي من جديد

[Sara Elbakry]

اتصل رئيس الوزراء أحمد شفيق...
وأثنى على محمود سعد إنه أكرمه في شخصه..
لكن أحمد شفيق يقول إنه قبل موعد اللقاء اتصل هو عشان يلغيه لما يلحقه من مسؤليات وقد قاموا بتحديد موعد آخر...
بس أحمد شفيق أكد ع نقطتين..
الأولى إن هم اللي دعوه للقاء التلفزيوني..
التانية بقى وهيه المهمة..
إن النهاردة تم تعديل عقد محمود سعد الذي يتضمن بتقاضيه
9 مليون جنيه في السنة وتم تعديله إلى مليون ونص....
طبعا.. ده إهدار للمال العام...
الله أعلم بما في الصدور....لكن ...
الفلوس دي لاااااااااااازم ترجع للشعب...
ولاااازم الناس دي تتحاسب...

الكلام ده غير منطقى على فكرة مش معقول اى حد اعلامى يعنى يتصدر اوامر بتقليل اجرة فيقوم خبط لزق كده مقدم استقالته

يعنى ده مش السبب اللى خلى محمود سعد يقدم استقالته وده وجهة نظرى ... اى واحد مكانه كان هيقدم الحلقه وبعدين يشوف ايه الموضوع ويعرف ايه اللى حصل وقللة اجرة ليه والكلام ده فبييتهيألى انو لما قدم استقالته ماكنش ده السبب الرئيسى

انما بئه حكاية احمد شفيق دى يعنى الراجل سايب كل هموم البلد عشان يروح يكلم مكالمه تافهه زى دى وعشان ايه مش فاهمه

بيتهيالى هو لو كان كويس كان هيبقى عنده اولويات يعنى انما ده قطع برنامج ال 10 مساءا عشان يعد يرد ويقول كلام تافه ........ والله عال

[Moonlight]

السلام عليكم و رحمة الله و بركاته
حقيقي أنا مشفتش البرنامج بس أثق في النقل بتاع حنين جدا
بس في نقطة على اعتقادي عايزة أوضحها في مرتب محمود سعد
أنه بيجيب اعلانات للبرنامج ب 100 مليون يعني من شركات خاصة و ده مقابل نسبة ياخدها على ما أعتقد
فلو كده يبقى النسبة اللي بيخدها 09. و هي لا تمثل شئ
على فكرة النظام ده نظام النسبة منتشر في دول كتيرة بس هما بيحاولوا يشتغلوا على ثقافة الشعب

[حنين الأمس]

علي فكرة

بغض النظر نتفق أو نختلف في نقطة أجره كدا كبير ولا لأ

لكن الفلوس دي مش جاية من خزانة الدولة

هو كدا بيقبض من جيب الناس اللي بتعمل الإعلانات يعني مخدش مننا مليم

تمام يا دكتور...أنا كدة فهمت
ما هم بيحققوا دلوقتي عشان يشوفوا هل فعلا بيجيب للبرنامج كدة ولا لأة....
عشان يحسبوا النسبة ويتأكدوا إنه مش متاخد من أموال الدولة حاجة..
والله المستعان....

[تابعة محمد]

علي فكرة

بغض النظر نتفق أو نختلف في نقطة أجره كدا كبير ولا لأ

لكن الفلوس دي مش جاية من خزانة الدولة

هو كدا بيقبض من جيب الناس اللي بتعمل الإعلانات يعني مخدش مننا مليم

انا اتفق معاك بس الكلام ده لو فى شركة خاصة لكن
انا دلوقتى كحكومة عامل وزارة اعلام علشان تدير التلفزيون المصرى و تحقق منه ارباح ، و الارباح ترجع بعد كده و تدخل خزانة الدولة علشان نبدا نصرف بيها على الدولة فى منشات مختلفة . لاما منزعلش من الفنانين الى مرتبهم عالى جدا لانهم برضه بيجيبوا ايرادات بالملايين .
لكن لو مشنا على نفس المنهج يبقى لازم الوزرات المنتجة زى البنرول و الكهربا و الاستثمار و الاعلام ياخدوا اعلى مرتبات ام الوزرات المستهلكة زى التموين و الصحة و التعليم و غيرها المفروض مياخدوش ولا مليم و يكون مرتبهم قليل جدا ، لكن لو ده حصل هيكون فى فجوة و الناس هتعمل مشاكل .
و من هنا هيجى السؤال لو موظف فى الحكومة بياخد 9 مليون يبقى المفروض رئيسه ياخد كام ؟ ووزير الاعلام و رئيس الوزراء ياخدوا كام ؟ و الى ماسك الدولة و رئيسها ياخد كام ؟!!!!!!!!!!!!!!!!!!!!!
اظن ان المفروض نعيد النظر فى المرتبات مرة تانية لان مينفعش واحد بيشتغل فى مستشفى الجامعة ياخد 300 جنيهة ، وواحد تانى بيشتغل ساعتين و قاعد فيهم على الكرسى بياخد 1.5 مليون جنيه .
و هو صحيح 9 مليون تكفى لبناء كام مدرسة و علاج كام حالة مرضية
و السؤال هو كان فى اعلانات موجودة فى التليفزيون المصرى و تغطى هذه المصاريف
اظن مفيش تعليق

[بحلم ببكره]

يعني هو أنا لما آجي أعلق علي المرتبات أعلق علي المذيع اللي عقده كدا ومش من جيبنا (وعلي فكرة مش معني كدا إني موافق لكن مستغرب إني ماسك في النقطة دي)

ولا أعلق علي اللي بيقبض من خزانة الدولة مليون وأكتر؟؟؟