سؤال يا جماعة .. هو انتم بتصنفو الإخوان؟ حلو ووحش .. وممكن حد يجاوبني بشجاعة لو سمحتم ياللي بتقولوا الإخوان وحشين؟ انت كشخص لو صادق وشجاع تقدر تقول أنا حلو أو وحش؟
أولا يا جماعة أنا مش إخوان .. ومش دفاعا عنهم .. أنا بعمل ده دفاعا عن فكرة مهمة وأصيلة .. ان مفيش حد أبيض وحد اسود .. كلنا في المنطقة الرمادية .. كلنا بنغلط .. الإخوان دول عبارة عن مجموعة من الناس .. والحاجات الكويسة في الإخوان هي مجموع الحاجات الكويسة في كل عضو في الجماعة .. وكذلك السلبيات ..
أي حد ينكر الحاجات الكويسة أو حتي يركز علي السلبيات بس يبقي مش بس ما يعرفش حاجة عن الإخوان .. ده يبقي ما يعرفش يعني ايه " بشر "
ولازم التقييم يبقي كدة يا جماعة ..
أنا هعمل اقتراح .. أي حد عايز يتناقش في حاجة تخص الإخوان مثلا يتكلم بمنهجية ويجيب وقائع واحداث موثقة ويقولنا هو قرأ ايه عنهم ويعرف إيه من كتبهم وازاي شايف واقعهم من خلال مقارنته بالرؤية اللي بيعتمدوا عليها
ممكن نبطل كلام مرسل .. انتم بتنتقدوهم عشان بتحبوا مصر وخايفين عليها؟ أحب أبشركم ان الإخوان هيبقي ليهم دور مهم .. وطالما بتحبوا مصر هاتوا الكتب واقرأوا في تاريخ الجماعة من مصادر مختلفة ومنهجهم النظري والعملي .. عشان تفهموا مين " الحصان الأسود " في الساحة السياسية في المرحلة الجاية
أي كلام من غير قراءة وفهم للإخوان ومنهجهم والعالم المحيط بيهم يبقي " هراء "
ومحدش يقول تجربتي الشخصية مع الإخوان لأن اللي يعرف يعني ايه إخوان مش هيقول الكلمة دي .. وكلمة تجربة شخصية دي مش معناها تعامل مع شاب أو اتنين او حتي خمسين من الإخوان
المشكلة اني زعلان ان الصيادلة " اللي بيدرسوا كيمياء " بيكونوا مفاهيم هلامية وغير محدد ومن غير دراسة وافية لموضوع زي ده
رد مع اقتباس
المشاركة الأصلية كتبت بواسطة M.Hegazy
