ملخصات لمراجعة عملي العقاقير كاملا ... Spots & Powder

[iam here]

شكرا للرد يا دكتور
بس يعنى الرسم هيكون علىkey element بس
هو البودر هيبقى فيه تسخين ولا هيبقى جاهز suspension

[وردة]

الدكتوره فى شرح السكشن الاخير قالت حاجات غريبه

لو حد كتب وراها يا ريت يكتبه على المنتدى ضرورى
و شكرا جدا على المجهود الرائع

منتظرين المزيد
الى الامام
و شكرا

[M.Hegazy]

الرسم هيكون Key Element بس .. مفيش T.S و لا أي حاجة تانية ..

عموما .. يوم كده أو اتنين و هعمل مراجعة على البودر هنا .. و إن شاء الله تلاقي إجابة لكل الأسئلة اللي عندك ..

بالنسبة بقى للإمتحان .. السنتين اللي فاتوا كانو جايبين العينة على صورة suspension و في سكشن المراجعة كانت برضه suspension .. فاحتمال كبير قوي تيجي كده .. بس الترم التاني البودر بيجي في كيس و إنت بتحط عليه ميه أو NaOH و بتشتغل .. عموما خلينا في الترم ده ..

لو جي البودر suspension كل اللي عليك تعمله تحط نقطة واحدة على الشريحة و توزعها بالراحة بالcover و بعدين تحط ال cover عليها و تشوفها تحت الميكروسكوب .. و إن شاء الله في المراجعة اللي هأعملها هنتكلم عن كل حاجة .. و هنعرف هنذاكر إيه و إزاي و هنرسم إيه و إزاي .. شوية كده بس على ما أظبط المراجعة عشان الموضوع بيطول قوي على الكمبيوتر و عايز تركيز شديد ..

يا رب أكون أفدتك يا دكتور .. و بالتوفيق

[aseel]

ممكن حد يقول توزيع درجات العملى

[Dr.Hager]

هو فعلا الدكتور قال فى السكشن المراجعة انها هاتيجى suspension جاهزة

[M.Hegazy]

تمام يبقى الشغل هيبقى بسيط قوي و سهل و سريع كمان .. بس لازم نركز كويس تحت الميكروسكوب و ندور بضمير شويتين ..

و ربنا يقدم اللي فيه الخير .. و ربنا يوفق الجميع

[ameer]

هو فعلا الدكتور قال فى السكشن المراجعة انها هاتيجى suspension جاهزة

انا سالت دكتوره اسماء في سكشن المراجعه وقالت ان الامتحان نفس النظام بتاع المراجعه يعني suspension

[dr.emy91]

طيب الحمد لله ده هيسهل كتير بس ازاي اتاكد من البودر اللي معايه عشان كل حاجة بتعتمد عليها هيه دي المشكلة؟

[M.Hegazy]

طيب الحمد لله ده هيسهل كتير بس ازاي اتاكد من البودر اللي معايه عشان كل حاجة بتعتمد عليها هيه دي المشكلة؟

المراجعة اللي عملتها دي إن شاء الله هتفيدك يا دكتورة .. ممكن تحمليها من هنا ..

Revision >>Part ( I ) ... Identification Under Microscope

لتحميل الملف بصيغة doc اضغط على أحد الروابط التالية :
( الصيغة دي بتشتغل على Microsoft أقل من 2007 و بتشتغل على 2007 فما فوق كمان )


MegaUpload

MultiUpload

MediaFire

لتحميل الملف بصيغة pdf اضغط على أحد الروابط التالية :


MegaUpload

MultiUpload

MediaFire


و اللي يقابله مشكلة من أي نوع إحنا موجودين كلنا هنا عشان نساعد بعض و نفيد بعض إن شاء الله .. أي استفسار و أي سؤال هنناقشه هنا بإذن الله و هنرد في أقرب فرصة و في أسرع وقت .. و لو حصل تأخير فأكيد هيكون عشان الشديد القوي ..

تمنياتي للجميع بالنجاح و التوفيق

انتظروا الجزء الثاني قريبا بعون الله

دمتم بخير

[eman ahmed]

اولا شكرا جزيلا يا دكتور ثانيا العينة السابعة هى الmentha . كمان الmentha ما اقدرش افرقها بال labiaceous trichome لانها موجودة بردك ف الrosemary فال trichome هى المميزة لل mentha لانها بتكون multicellular non glandular trichome ولكن خلاياها بتكون متقاربة جدا يا ريت حضرتك تنزل الشريحة دى ............وشكرا مقدما