وفقكم الله .. والدنا العزيز د / عطا الله

[shimoaa]

تروح وترجع بالف سلامه د/ عطا الله
بجد يا بخت الطلبه اللي في السعوديه اللي هيستفيدوا من علم واخلاق واراء حضرتك وافكارك المتطورة دايما
رغم انه صعب علينا سفر حضرتك
بس هتفضل علي طول مثل اعلي لينا
بالتوفيق ان شاء الله

[عائشة]

دكتور عطاالله انا طالبة فى الفرقة الاولى
يمكن مش وافقنى الحظ انا ودفعتى اننا نحتك بحضرتك مدة كبيرة اثناء المحاضرات نظرا لصغر المنهج الخاص بحضرتك
بس وافقنى الحظ لما اسئلت عند حضرتك شفوى وبصراحة لما جيت اسال اللى اكبر منى عن نظام اسئلة حضرتك
كان الجواب ان حضرتك تحب تناقش بفهم مش بحفظ
ومخبيش على حضرتك خفت وقتها وقلت خلاص الشفوى ضاع
بس لما دخلت عند حضرتك بجد من اول سؤال اطمنت جدا
واطمنت اكتر لما حضرتك سئلتنى فى سؤال فى العملى وقلت لحضرتك دة فى العملى م ف النظرى
متهيألى اى دكتور مكان حضرتك كان عدى كلمتى ان دة عملى ودة نظرى ونقصنى ف الدرجات من غير مايقولى وخلاص
بس حضرتك طمنتنى اوى لما فهمتنى ان انا مش ينفع اقول لاى دكتور دة عملى ودة نظرى والا هينقصنى
مش بس كدة دة حضرتك من غير مااطلب قلت لية هعديهالك المرة دى
وكان نفسى اوى استفيد من الشخصية العلمية الجميلة المحترمة دى
ولكن ليس كل مايتمناة المرء يدركة

ربنا يوفق حضرتك ويرجعك لكل ابنائك فى الكلية بالسلامة ان شاء الله
اسفة ع الاطالة

[white light]

تروح وترحع بالسلامه يا دكتور

وتبقى تدعلينا ادام الكعبه يا دكتور

[sarah-89]

تروح وترجعلنا بالسلامة يا دكتور "ربنا يوفق حضرتك".

[Amal]

نستودعكم الله الذى لا تضييع ودائعه
وجزاكم الله عنا خير الجزاء

[eman mohamed]

بنا يوفق حضرتك للي بتتمناه و ان شاء الله تحقق أعلي نجاحات و ترجعلنا بالسلامة انا قابلت حضرتك مرات قليلة لإن كورس animal drug بتاعنا كان صغير بس حضرتك عندك علم كبير و تحاول تقدمه للي قدامك قدر الامكان.....شكرا جزيلا بالنيابة عن كل دفعة أولى

[Dr. Atallah F. Ahmed]

جازاكم الله خيرا يا ms_Belladona و shimoaa و عائشة و بنت الاسلام و sarah-89 و Amal و eman mohamed على مشاركم الطيبة و دعواتكم. اتمنى لكم جميعا كل الخير و التوفيق و انا معكم قريبا جدا على المنتدى ان شاء الله مرة ثانية.

[kannoone]

استاذنا الفاضل السلام عليكم ورحمة الله وبركاته .
هنيئا لجامعة الملك سعود بالرياض تشريف سيادتكم لها .
واحمد الله واشكره لانني اسعد حظا وتوفيقا من كثيرين شرفت بتدريس حضرتك اكثر من مقرر لفرقتنا وزيادة في الشرف قمتم بالاشراف علي تدريبي وانا طالبة .
والاكثر شرفا تدريب ما بعد التخرج وكنت اطمع في اكثر ولكن من حق اخواننا (ليس في السعودية فحسب بل في كل مكان ) ان ينالوا شرف التعرف علي سيادتكم والاستزادة من علمكم .
وانا علي يقين ان نفس الموضوع الذي كتبه د/ رامي بن سعد عند سفر سيادتكم سوف يعاد كتابته من طلبه سعوديين عند مغادرة الرياض و عودة سيادتكم سالما ان شاء الله .
وفقكم الله لما يحبه ويرضاه .

[BoNbOoNa]

في رعاية الله و حفظه دكتور عطا الله ،،
علمت بخبر سفرك قبل فترة طويــــلة ، و فكرت كثيرا في طريقة اعبر بها عن احترامي و تقديري لحضرتك
لكــن . . . لم ادري ما افعل
كثيرا ما كتبت كلمات شكر و عرفان بالجميل و لكن لا اجدها توفي حقك فاتراجع عن ارسالها . .
و كثيرا ما مررت بجوارك و لكن اضطرب و اخجل من مخاطبتك و لا أدري ما أقول . . .

و مرت الأيـام . . . .

و بعد سفرك ، ، جال بخاطري : "لو أن لدينا في كليتنا 100 دكتور عطا الله ، سيصبح عالمنا أفضل بالتأكيد "
حينها . . . أدركت أنا ضالتي
و علمت أن أفضــل وسيلة لشكرك أستـاذي هي الإقتداء بك
أن احب و احترم و اساعد الناس أجمعين ،، و ان ادرس و افكر و اتعلم و انظر بعمق في كل ما حولي و اتقدم للأمام حتي و لو بخطوات بطيئة و لكن لا ارجع للوراء ابدا . .
لكم تمنيت ان انال شرف تلقي العلم علي يديك
و لكن الحمد لله حالفني الحظ ان احضر خِلسة في احدي محاضراتك مع رفيقاتي بالفرقة الثالثة الترم الماضي
اذكر انك كنت تتحدث فيها عن الفلفل و كيف يضاعف امتصاص المواد الغذائية ... تقريبا اضعه الآن علي كل الطعام و ادعو لك حينها

أعادك الله لنا غانما سالما معلمي . . . لكم اغبط كل من تتلمذ علي يديك

بلـِّغ بلــد رسولنا صلي الله عليه وسلم منـّا السلام
و من يدري .. ربما القاكم هناك يوما ما
و حينها سأجمع كل ذرة شجاعة عندي و لن اتردد في التوجه نحوك لأشكرك شخصيـا ..


>>> لا اله الا الله <<<

[Dr. Atallah F. Ahmed]

أن احب و احترم و اساعد الناس أجمعين ،، و ان ادرس و افكر و اتعلم و انظر بعمق في كل ما حولي و اتقدم للأمام حتي و لو بخطوات بطيئة و لكن لا ارجع للوراء ابدا . .

تخيلى لو مجتمع الجامعة كله كما تعاهدتى: طلابا و استاذة و إداريون ماذا يمكن ان يحدث. لقفزت الجامعة بأثر ذلك كله فى التعليم و التمية البشرية و الأبحاث و المؤسسية الى مستوى المنارات العالمية. ليس ذلك على الله ببعيد. جزاكى الله خيرا يا أمنية و سعيد جدا بمشاركتك الطيبة و فقك الله و حفظك.