يعنى ايه بنت محترمه؟؟؟؟؟

[Rooose]

[quote=رحيق الجنة;174025]-
اعتقد اننا كدة مفيش خلاف بنا لان معظمنا اتفقنا على كدة ولا فى معلومة معينة كنتى عاوزة توصليها انا مفهمتهاش ؟؟؟؟ الموضوع نور بمرورك
-----
أولا الموضوع منور بحضرتك وكل المشاركين فيه من الدكاترة الكرام... أنا قصدي لو بنت كويسة وملتزمة ومحترمه يعني جوهرها كويس يبقي ليه بقي اللبس اللي ممكن يظهر عكس كده؟؟!!!!!!!!!! يبقي الأفضل تتقي الشبهات وتلبس زي كويس معتدل عشان يبقي انطباع للي جواها ... أتمني أكون المرة دي عرفت أعبر صح...

[Dr. Sahar]

معاكي يا سحر ..
بس على فكرة كل اللي قلتيه عن الاحترام دة ( متعملش حاجه تخرج بيها عن الادب او عادات المجتمع و متغلطش بالكلام او تهين حد مهما كان و تصون نفسها من الوقوع في الحاجات الي تعيب سمعتها ) دة يندرج تحت التدين صح ولا ايه ؟؟

يعني أقصد التدين مفهوم أعم و أشمل للاحترام , لأن الانسان المتدين بجد ( تدين ظاهري و باطني ) لا شك انه هيكون محترم ..

بس مفهوم التدين مش مجرد حجاب شرعي و بس .. هي دي النقطة اللي انتي تقصديها تقريبا ..

التدين لبس كويس و نفس كويسة ..


كل تدين حقيقي احترام و لكن ليس كل احترام تدين ..


قد تكون واحدة محترمة ماشي زي ما انتي قلتي لكن مش متدينة , انما لو متدينة قطعا لازم محترمة دة ان صح تدينها و صدق ..





و هل دة تدين ؟؟

التدين مش بس تحشم للبنت , و مش بس لحية للشاب ..




صحيح مش من حق حد يقول دي هتدخل النار و دي الجنة لأن محدش عارف حاجة أصلا عن المصائر و دي حاجة الله أعلم بيها ..
اللبس حرية شخصية .. تفتكري كدة .. طيب الى أي مدى ؟؟
أصل انتي بتلبسي لبس بحريتك ماشي , لكن انتي ماشية في شارع في ناس شايفاكي , في شباب كتير و بيبصوا لأي واحدة لبسها ملفت واحنا عارفين كدة , يبقى الموضوع ما بقاش شخصي أوي .. صح ولا ايه ؟؟

عموما حياة الانسان ( مش بس اللبس ) هو حر فيها , كل واحد مسئول عن نفسه يطبق عليها قناعاته و مبادؤه , الموضوع بس مطروح للمناقشة ..





ماشي جميل , مقياسك بالنسبة للاحترام هو التعامل و السلوك الكويس مع الناس , عندك حق ..

في غيرك شايف اللبس الكويس مقياس الاحترام ..

أنا أعتقد التدين هو المفهوم الأشمل اللي بيجمع كل مقاييس الاحترام التعامل مع الناس و اللبس و ..... الخ


و عموما اختلاف الآراء لا يفسد للود أي قضية و أنا مبسوطة بمداخلتك ..

كلامك جميل ومتفق معايا في حاجات كتير وفعلا هيا اختلاف وجهات نظر انا مبسوطه اكتر من الموضوع ده لان ناس كتير اوي بصراحه كانت غيضاني وهيا بتحكم علي غيرها وهيا نفسها مليانه عيوب بتعمل حاجات كتيييييييييييير غلط يله ربنا يرحمنا ويرحم جميع المسلمين

[Ri7ana]

موضوع جميل جدا والاجمل ردودكم الرائعة واسلوب حواركم الراقي طريقة مناقشتكم عجبتنى جدا وبجد استفد من ارائكم كتيييييير

[رحيق الجنة]

مرسى جدا لكل الناس اللى نورت الموضوع سواء اتفقنا او اختلفنا

[DR DOOLA]

بس اللبس بالذات حريه شخصيه وهيا الي هتتحاسب عليها ومش من حق اي حد مهما كان يحكم علي احترامها من لبسها والتدين ده شيء بين الانسان وربه ومحدش يعلم ايه بين الواحد وربه ومش معنا اني لبسها ضيق او مخالف اننا نقول دي هتروح النار او دي هتروح من ربنا فين ده غلط وكمان مش الانسان

سورى يا دكتور بس لو هى لابسه ضيق و كل شاب شافها هى هتشيل الذنب بتاع كل واحد بص عليها بنظرة شهوه
و تخيلى هى فى يوم واحد ممكن تشيل زنوب اد ايه خصوصا مثل لو نزلت الجامعه شوفى ممكن كام طالب يشوفها هى و لبسها

انا قريت الموضوع كله من اوله لاخره و استفادت كتير ع الاقل عرفت الناس بتفكر ازاى

ميرسى ع الموضوع

[الفراشة الرقيقة]

أنا من رأيى إن البنت المحترمة بيكون كل حاجة فيها محترمة سواء لبسها أو تصرفاتها أو كلامها مع الناس
و الأم هى اللى بتلعب دور مهم جدا فى تربية البنت و المحترمة بتجبر كل الناس على إحترامها

[AbU ElKhAiR-Let`s Go]

البنت المحترمه هيا البنت الملتزمه بدينها المطيعه لربها والماشيه على نهج نبينا

سهله جدا

بس موضوع جميل فعلا

[sponge Bop]

احب اشارك معاكم فى الموضوع ده وخصوصا بعد ما قريت المشاركات والاراء كلها تقريبا وتوصلت ان معظمكم بيحكم على البنت من خلال لبسها واسلوبها وطريقه كلامها وحاجات كتير عشان نقول على البنت محترمه طيب انا عوزه اعرف رايكم ازاى اقدر اعرف اذا كان الشخص الى بتعامل معاه محترم ولا لا سواء بنت او ولد لانى لسه خبرتى فى الحياه مش كبيره اوى بالرغم انى سعات بيبقى حكمى على الناس صح وسعات تانيه غلط فياريت اقدر اعرف منكم واسفه ع الاطاله