أيوة طبعا من غير دليل .. فين الدليل ان المرأة محرم عليها العمل؟ .. والاجتهاد ده مبني علي ايه؟ ومين صاحب الاجتهاد ده؟ وايه مفهوم الاختلاط بالنسبة له؟ وايه حدوده ؟ وبسأل تاني وده الأهم .. فين الدليل علي حرمة عمل المرأة؟
أتمني حضرتك توضحيلي
أيوة طبعا من غير دليل .. فين الدليل ان المرأة محرم عليها العمل؟ .. والاجتهاد ده مبني علي ايه؟ ومين صاحب الاجتهاد ده؟ وايه مفهوم الاختلاط بالنسبة له؟ وايه حدوده ؟ وبسأل تاني وده الأهم .. فين الدليل علي حرمة عمل المرأة؟
أتمني حضرتك توضحيلي
المشاركة الأصلية كتبت بواسطة Dr.A7med
ملحوظة صغيرة بقى :
يا ريت يا دكتور وانا بقرا الكلام متحسسنيش انى بفترى على ربنا -اعوذ بالله-
او تحسسنى انى بقول بدع مثلا
ده نقاااااااااااااااااااااااااااااااااااااااااااش
مش هقول اكتر من كده
هو النقاش ليه اخد طريق الحده فى التعامل كده ؟
انا متفقه مع حضرتك يا دكتور احمد ان عمل المراه مش حرام
بس حضرتك بتسال بنوع من الهجوم ليه !!
وبعدين ده نقاش
انا عن نفسى مقتنعه ان عمل المراه عادى جدا
لان الاسلام محتاج الصيدلنياه والطبيبه والممرضه والمدرسه
وخاصه فـ تخصصات معينه زى مثلا نسن وولاده بالنسبه للطبيبه
ومحتاج برده ربة المنزل الى تخلى بالها من بيتها
انا عن نفسى لما هتخرج مش هقعد فـ البيت لا طبعا اكيد هشتغل باذن الله
والا كنت ريحت دماغى من الاول ومش معنى انى هشتغل ويمكن اختلط بالرجال
انى اسيب الحبل ع الغارب اكيد هيكون فيه حدووووووووووود ومحدوده كمان فـ التعامل معاهم
وارجع واقول الشغل ده وجهات نظر يعنى فيه ناس شايفه نفسها فى بيتها وبس
وفيه ناس تانيه بتحب انها تشتغل وفى كلتا الحالتين هما صح
يعنى لازم نحترم وجهات نظر بعض
اسفه ع الطاله وارجو ان تتقبلوا مرورى
دمتم بخير
طبعا لاغبار علي شخص حضرتك إطلاقا .. أنا بس مستغرب من الكلام ومعترض بشدة عليه .. وده لا يسيء لحضرتك بالمرة .. وآسف لو كنت حاد في الحوار
وسؤالي ليكي يا دكتورة .. بالمنطق ده .. ليه جضرتك وعشرات الآلاف من البنات بينزلوا الجامعات .. مع العلم ان البنت معرضة أكتر للفتنة من الست الناضجة المتزوجة .. ولو حضرتك تقارني البلاوي اللي بتحصل في الجامعة باختلاط الرجال مع النساء في العمل في حدود الشرع .. هتلاقي ان بمنطق حضرتك المفروض اللي تدخل الجامعة دي يعني ضربت الدين من الأساس؟ بس هي ما عملتش كدة .. والجامعة مش غلط .. ولا الشغل غلط .. كل اللي محتاجينه ان كل واحد يعرف حدوده .. كل حاجة تتم بضوابط .. مش تتمنع لأن بعض أو حتي معظم الناس أساء
كان ابن حجر له أكثر من 50 شيخة يتعلم منها العلم .. ولعل منهم من كانت تصغره سنا
انا نفسى افهم ازاى راجل عاوز مراته تشتغل
مش داخله دماغى خالص
انا كنت متوقعه ان البنات اللى هيعترضوا مثلا
لكن كده ................؟؟؟
كدة ايه؟
معلش بقي يا دكتورة .. في ندرة في الرجال هذه الأيام
السلام عليكم
استهدو بالله يا جماعه
الموضوع موضوع نقاش وكل واحد يعمل اللي شايفه صح
أنا عن نفسي أؤيد عمل المرأة مش بس عشان هيا درست ومينفعش تضيع اللي درسته وتقعد في بيتها لا عشان ما تكونش محتاجه لحد
وبعدين زي ما د. احمد وضح الاختلاط مش بس في العمل يا هاله الاختلاط في المدارس والجامعات والمواصلات وفي الشارع والمحلات وفي كل حته
هتمنعي ده كله ؟؟
أنا عن نفسي شايفة ان ان لما الوحده بتتكلم مع زميلها زي سواق التاكسي زي المعيد في السكشن زي الدكتور في المحاضرة زي أي واحد بيبيع في محل مش كلهم رجاله ؟؟؟؟؟؟؟؟؟
أنا شايفة ان عمل المرأه مش غلط ومش حرام بس تكون بتراعي ربنا في ده مش هيصة يعني
وشكرا
دكتور أحمد
دكتوره موناليزا
حضراتكم موافقين على عمل المرأه
ماشى
بس حضراتكم بتقولو بشروط
بعد اذنكم ممكن تقولوا اى هى الشروط دى؟؟؟؟
لو سمحتم
بالشرع .. الحلال والحرام هما الشرط والضابط .. تلبس حجابها الشرعي .. تتعامل مع الآخرين في حدود الشرع .. تفهم يعني ايه ضرورة .. تراعي بيتها وأولادها وتبقي واضحة في أولوياتها .. تراعي ربنا في الشباب اللي مش عارف يتجوز ..
كلها حاجات بسيطة جدا .. بس أثرها أكثر من رائع
كلها حاجات بسيطه وجميله
فعلا بس منتظر رد الدكتوره موناليزا
أتمنى أن تتقبل حديثى يا دكتور أحمد فوالله
ما قلت ذلك الا حبا وتقديرا لك
واحتراما لرأيك
وتوضيحا لرأيى
جمنى الله بك مع امام النبين وسيد المرسلين محمد الأمين
ليه يا جماعه بتصعبوا الامور علينا
ايه المشكله ان المراه تعمل وفى نفس الوقت تحافظ على نفسها
وتخلى علاقتها باى راجل محدوده وتراعى ربنا فى شغلها
الفتنه الى حضراتكم بتقولوا عليها دى بنتعرض ليها فعلا زى ما الدكاتره قالوا
فى كل مكان فى الشارع.... فى المواصلات.... فى الجامعه... يعنى عمل المراه مش هو الى هيازم الموضوع يعنى
لو ان المراه متمسكه بمبادئ الاسلام ومحترماها وبتعمل بيها مش هيهمها اى حاجه وهتقدر تحافظ على نفسها كويس
فى اى مكان تروحه
انا واحده من الناس (و غيرى كتييير جدا )بخلص مصروفى على الاجر الزياده فى المواصلات يعنى مش بسمح لنفسى مهما كانت الظروف انى اقعد جنب راجل وحتى لو اضطريت ادفع اجرة العربيه كلها او حتى اروح من غير ولا مليم والى عودنى على كده ابويا
وبنات كتييييييييير جدا من اصحابى (ان لم يكن كلهم ) بيعملوا كده يعنى الى عايزه تحافظ على نفسها هتحافظ
متعقدوش الموضوع بالله عليكم
اتمنى ان كلامى ميكنش زعل حد
دمتم جميعا بخير
ضوابط المشاركة
رد مع اقتباس