عوده الى كرسى الاعتراف مع Dr BiBO

[asfourelgana]

هههههههههههه منورانى ياقمر بس سيبيها بظروفها يمكن تلاقى رجلك جايباكى لواحدها
وتدبسى زيى كده

رجلى تجيبني؟

ده انا كنت اتبرى منها

ركزي انتى بس مع ضيوفك اللذااااااااذ دول

وانا الحمد لله اتنسيت

وهذا هو المطلوب

فمش هتلاقي حد فاكرني اصلا عشان يسألني

[DR.BIBO]

رجلى تجيبني؟

ده انا كنت اتبرى منها

ركزي انتى بس مع ضيوفك اللذااااااااذ دول

وانا الحمد لله اتنسيت

وهذا هو المطلوب

فمش هتلاقي حد فاكرني اصلا عشان يسألني

تتنسى ازاى بس يابنتى هو حد يقدر ينسى اشقى عصافير المنتدى

[DR.BIBO]

هكمل اجابات بكرة ان شاء الله

[محمد_على_سلام]

السلام عليكم
طبعا لازم اسأل دكتورة بيبو شوية اسئلة ده دين فى رقبتى ولازم ارده
1) ايه اكتر حاجة بتتمنيها من الدنيا و نفسك تعيشى لليوم اللى اليوم اللى تلاقى فيه الحاجة دى اتحققت؟

2) هل فى شىء من الصداقة بينك و بين والدك و الى اى مدى العلاقه بينكم؟

3) و انت متضايقة اوى او مخنوقة من شىء ما ......... بتفضلى انك تبقى لوحدك و تعيدى حساباتك مع نفسك و لا تحبى اللى بتحبيهم يبقو حواليكى و هل ممكن تحكى عن اللى جواكى لحد بترتاحيله و لا بتفضلى الكتمان و السكوت؟

4) كل حد فينا عنده البنى آدم اللى مجرد ما يشوفه يبتسم و ينسى كل همومه ,,,,,,,, مين البنى آدم ده فى حياتك؟

5) ايه اكتر سورة بتحبي تقريها فى القرءان و تحسى انك متعلقة بكل ايه فيها؟ و اى شخصية من الشخصيات التى حكى عنها القرءان تحسيها الاقرب الى قلبك؟ و اكتر ايه
تشعرك بالطمأنينة و الارتياح عند سماعه؟

ياترى اية رايك ف الحياة بصفة عامة واية رايك ف حياتك الشخصية ؟
ياترى نفسك ايه يتغير ف حياتك ؟
حاجة حققتيها ومكنتيش تحلمى بيها
وحاجة لم تحققيها ومتتمنيش انك تحققيها
وحاجة لم تحققيها وجتلك لحد عندك
ياترى السنة الجاية هتمثلك ايه ف حياتك؟
اصعب وقت ف حياتك مريتى بيه ؟وازاى اتغلبتى عليه؟
امتى بتندمى؟

لو غلطتى بتعترفى ولا بتقولى ان اللي قدامك هينسى ؟

انت فضولية؟ بمعنى ان حد ممكن يلفت انتباهك وتصممى التعرف عليه؟

ولا مش بيفرق معاك؟

وبالمناسبه بقه مين الشخصيه اللي تلفت انتباهك؟
لى عودة ان شاء الله

[DR.BIBO]

السلام عليكم
طبعا لازم اسأل دكتورة بيبو شوية اسئلة ده دين فى رقبتى ولازم ارده

ماشى يادكتور حقك برده
1) ايه اكتر حاجة بتتمنيها من الدنيا و نفسك تعيشى لليوم اللى اليوم اللى تلاقى فيه الحاجة دى اتحققت؟
انى ارضى ربنا دايما وانه يحسن ختامى واشوف كل اللى حواليا مبسوطين ونفسى اشوف مصر من اهم واكبر دول العالم فى المكانه
2) هل فى شىء من الصداقة بينك و بين والدك و الى اى مدى العلاقه بينكم؟
علاقتى بوالدى كويسه والحمدلله بس الصداقة مع امى اكتر
3) و انت متضايقة اوى او مخنوقة من شىء ما ......... بتفضلى انك تبقى لوحدك و تعيدى حساباتك مع نفسك و لا تحبى اللى بتحبيهم يبقو حواليكى و هل ممكن تحكى عن اللى جواكى لحد بترتاحيله و لا بتفضلى الكتمان و السكوت؟
على حسب فى حاجات مبقولهاش لحد غير نفسى وفى حاجات تانية بدور على اصحابى عشان احكيلهم واخد رايهم
4) كل حد فينا عنده البنى آدم اللى مجرد ما يشوفه يبتسم و ينسى كل همومه ,,,,,,,, مين البنى آدم ده فى حياتك؟
لا هما كتير منى واميرة وامنية واى طفل شقى ولذيذ بيخرجونى علطول من اى مود مضايقنى وفى ناس تانية كتير
5) ايه اكتر سورة بتحبي تقريها فى القرءان و تحسى انك متعلقة بكل ايه فيها؟ و اى شخصية من الشخصيات التى حكى عنها القرءان تحسيها الاقرب الى قلبك؟ و اكتر ايه
تشعرك بالطمأنينة و الارتياح عند سماعه؟
سورة يس والرحمن مش عارفة بس ممكن مريم ابنة عمران
الايه (ومن يتق الله يجعل له مخرجا ويرزقه من حيث لايحتسب ومن يتوكل على الله فهو حسبه ان الله بالغ امره قد جعل الله لكل شىء قدرا)
ياترى اية رايك ف الحياة بصفة عامة واية رايك ف حياتك الشخصية ؟
الحياه ربنا خلقنا عشان نعيشها صح نستمتع بيها وبكل حاجة حلوة رزقنا بيها من غير مانغضبه وفى نفس الوقت نحاول نسيب بصمه فيها
حياتى الشخصية الحمدلله راضية عنها وبحاول انى احسنها كل فترة
ياترى نفسك ايه يتغير ف حياتك ؟
اسيطر على انفعلاتى اكتر من كده
حاجة حققتيها ومكنتيش تحلمى بيها
انا احلامى واسعة شويه فمفيش حاجة محلمتش بيها
وحاجة لم تحققيها ومتتمنيش انك تحققيها
انى ابقى دكتورة فى الجامعة
وحاجة لم تحققيها وجتلك لحد عندك
حاجات كتير ربنا بيسهلها فجاه اكون اشتغلت فيها شويه وبعد كده نسيتها الاقى ربنا جابلى افضل منها
ياترى السنة الجاية هتمثلك ايه ف حياتك؟
مش عارفةاكيد صعب اوى انى احس ان لسالى سنه واتخرج ان شاء الله ساعات بحس انهامسئوليه وساعات تانية بحس ان السنه الجاية ان شاء الله هتبقى احسن سنه فى حياتى
اصعب وقت ف حياتك مريتى بيه ؟وازاى اتغلبتى عليه؟
الحمدلله كل الايام بتعدى وربنا بيعين اوى
امتى بتندمى؟
متهيالى الندم مش هيرجع اللى راح يبقى نقلب الصفحة ونكمل وبعدين ربنا دايما كاتب الخير اشغل بالى ليه
لو غلطتى بتعترفى ولا بتقولى ان اللي قدامك هينسى ؟
اه بعترف وبعتذر لان ده حق الانسان ده عليا
انت فضولية؟ بمعنى ان حد ممكن يلفت انتباهك وتصممى التعرف عليه؟
اه فضوليه لو بالمعنى ده بس مش لدرجة اصمم يعنى بس بحب اتعرف على الناس

ولا مش بيفرق معاك؟

وبالمناسبه بقه مين الشخصيه اللي تلفت انتباهك؟
الناس اللى تحس ان قلوبهم صافيه ويتعاملومن غير اى غرض والناس اللى عندهم ذكاء اجتماعى ويحبو يتعاملو مع الناس وعلى النقيض الناس الانطوائين اللى مبيبداوش الكلام برده بحب اخترق السور اللى حطينه حوالين نفسهم
لى عودة ان شاء الله

تنور يادكتور وشكرا على الاسئلة الجميلة بس على فكرة انا مسالتش كتير كده يعنى حضرتك رديت الدين وزياده

[chocolata]

بيبو حبيبتى الناس متوصيه بيكى عل الاخر
انا غلبانه هسال شويه اسئله خفيفه كده

بيبو شخصيه احسها عمليه اوى

ماذا عن الجانب الانسانى والانثوى بداخلها ؟عن العاطفه ماصلتك بها ؟
بكل صراحه هل هناك لكى فارس زي اى بنت ولا انتى مش مؤمنه بموضوه الفارس ومقصدش انه يكون مثالى لان الكمال لله وحده لكن فيه ملامح معينه ؟

السؤال واضح تماما فلا محيص يااوختى


اكتر فترة فى حياتك كنتى مرتاحه اوى فيها وبتشتاقيلها سواء كانت من زمان او من يومين ؟.

ماهى العيوب الى شايفاها بنفسك بدون مبالغه فى تواضعك ؟

ايه رايك فى بنت خلصت دراستها وكانت فى احدى كليات القمه زخلصت واتخرجت بتقدرير امتيازم وفجاه لقيتيها متزوجه وقاعده فى البيت والغريبه ان دا قرارها ورغيتها ؟رغم انها ناشطه جدا اثناء الجماعه منحضور كورسات وندورتا وخلافه يعنى لها مستقبل عملى مشرق زى مابيقولوا


احيانا مبتحسيش انك نفسك ترجعى بالزمن وتصغرى بدل ماتكبرى عشان ترجعى لاوقات كانت حلوة ومريحه اوى والاواقع فيها كان قليل جواكى اوى ؟ومكناش بنضحك بحساب وبنشوف الوحش فعلا لاننا فتحنا ؟


هل انتى مع او ضد حركه اقتحام مبنى الفارة الاسرائيليه امس؟
وان لم تكونى مع فكيف تصفى فاعلوها ؟


كفايه لغايه دلوقتى

[eeeman]

[SIZE=4
نورتي الموضوع يا ايمان وتشرفى فى اى وقت واسئلتك جميلة على فكرة

ده نورك يا حبيبتى انتى الاجمل

ده سؤال كدة بما ان واضح من كلامك والمقدمات اللى انتى بتعمليها للدكاترة فى كرسى الاعتراف واظن كمان فى لقاء مع شاعر فى المنتدى الادبى انك حابة تبقى مذيعة وتقريبا كنتى قولتى انك بتفكرى انك تبقى مذيعة فى الراديو ..........فهل الموضوع ده كان هواية عندك من وانتى صغيرة ولا اكتشفتيه فيكى قريب؟؟ يعنى قولى امتى اكتشفتى االحكاية دى وبدات معاكى ازاى؟؟ يعنى مثلا كنتى بتقفى قدام المراية وتعملى زى المذيعات ومين المذيعات او المذيعين اللى بتحبيهم او بيعجبك اسلوبهم ؟؟؟ ولو حصل وجاتلك فرصة انك تكونى مذيعة هتوافقى وتسيبى الصيدلة ؟؟ وياترى واخدة الموضوع بجدية بمعنى انك ممكن تسعى وتحاولى انك توصلى للمجال ده وتمتهنيه ؟؟

[DR.BIBO]

بيبو حبيبتى الناس متوصيه بيكى عل الاخر
انا غلبانه هسال شويه اسئله خفيفه كده
تنورى ياشيكو بس اسالتك مش خفيفة على فكرة
بيبو شخصيه احسها عمليه اوى

ماذا عن الجانب الانسانى والانثوى بداخلها ؟عن العاطفه ماصلتك بها ؟
بكل صراحه هل هناك لكى فارس زي اى بنت ولا انتى مش مؤمنه بموضوه الفارس ومقصدش انه يكون مثالى لان الكمال لله وحده لكن فيه ملامح معينه ؟
لا خالص ياشيكو انا مش عملية بالشكل ده بالعكس انا بس بحب اخلى مشاعرى جوايا واحافظ عليها وبعدين اللى يعرفونى كويس اوى بيقولوغير كده
السؤال واضح تماما فلا محيص يااوختى
واضح ياشيكو حاجاوب
بصى ياستى انا بالنسبالى ليه مفهوم عن الحب الانسان اللى هحس اننا هنقدر نحققه مع بعض هوده فارس احلامىوالانسان اللى ابقى مطمنه وانا عايشه معاه هبطل رغى واجاوب اهوه

الحب (هو الراحة والامان .
هو الاطمئنان فى رضا الرحمن.
هو الاهتمام.
هو الثقة والاحترام .
هو الفهم بدون كلام.)
بس كده خلاص ارتحتى

اكتر فترة فى حياتك كنتى مرتاحه اوى فيها وبتشتاقيلها سواء كانت من زمان او من يومين ؟.
الحمدلله هما كتير بس اكتر فترة بحب افتكرها هى ثانويه عامة واليومين دول برده حسه انى مبسوطة ومرتاحةاوى
ماهى العيوب الى شايفاها بنفسك بدون مبالغه فى تواضعك ؟
منا جاوبت السؤال ده ياشيكووقولت انى عايزة اسيطر على انفعلاتى اكتر من كده
ايه رايك فى بنت خلصت دراستها وكانت فى احدى كليات القمه زخلصت واتخرجت بتقدرير امتيازم وفجاه لقيتيها متزوجه وقاعده فى البيت والغريبه ان دا قرارها ورغيتها ؟رغم انها ناشطه جدا اثناء الجماعه منحضور كورسات وندورتا وخلافه يعنى لها مستقبل عملى مشرق زى مابيقولوا

المشكله ياشيكو انى شوفت الموقف ده ادامى اكتر من مرة اليومين دول ومابقتش فاهمةازاى واحدة تضحى بعمرها واحلامهاوكل حاجة فجاةكده ممكن يكون الانسان اللى اتجوزته احسن انسان فى الدنيا بس هو المفروض يشجعهامش يقولها اقعدى فى البيت وليه ماتصبرش لحدماربنا يرزقها باطفال وبعدكده تشوف هى هتقدر توفق ولا لا
احيانا مبتحسيش انك نفسك ترجعى بالزمن وتصغرى بدل ماتكبرى عشان ترجعى لاوقات كانت حلوة ومريحه اوى والاواقع فيها كان قليل جواكى اوى ؟ومكناش بنضحك بحساب وبنشوف الوحش فعلا لاننا فتحنا ؟

ساعات يا شيكو بسخ دى بالك ان احنا لحددلوقتى ماتحطيناش فى المسئوليه بجد وبعدين منضحكش براحتنا ليه نضحك ونعيش حياتنا ده اليوم بيفوت ما بيرجعش يابنتى
هل انتى مع او ضد حركه اقتحام مبنى الفارة الاسرائيليه امس؟
وان لم تكونى مع فكيف تصفى فاعلوها ؟
بصى ياشيكوانا مع المظاهرة وهد الجدار لكن اقتحام السفارة لا لان مش معقول يبقى بيقتلو ولادنا على الحدود واحنا نبنيلهم جدار عازل لكن اللى اقتحمو السفارة ممكن نقول عنهم مش فاهمين ان ديه حدوددولة تانية وان احنا كده بنحط مصر فى صورة غلط اتمنى يكونو عملو كده فعلا بحسن نيه

كفايه لغايه دلوقتى

ماشى يا شيكو تنورى فى اى وقت واسئلتك جميلة على فكرة وانا جاوبت اهوه ومهربتش عقبالك اما تقعدى معانا على الكرسى

[DR.BIBO]

ده نورك يا حبيبتى انتى الاجمل

ده سؤال كدة بما ان واضح من كلامك والمقدمات اللى انتى بتعمليها للدكاترة فى كرسى الاعتراف واظن كمان فى لقاء مع شاعر فى المنتدى الادبى انك حابة تبقى مذيعة وتقريبا كنتى قولتى انك بتفكرى انك تبقى مذيعة فى الراديو ..........فهل الموضوع ده كان هواية عندك من وانتى صغيرة ولا اكتشفتيه فيكى قريب؟؟ يعنى قولى امتى اكتشفتى االحكاية دى وبدات معاكى ازاى؟؟ يعنى مثلا كنتى بتقفى قدام المراية وتعملى زى المذيعات ومين المذيعات او المذيعين اللى بتحبيهم او بيعجبك اسلوبهم ؟؟؟ ولو حصل وجاتلك فرصة انك تكونى مذيعة هتوافقى وتسيبى الصيدلة ؟؟ وياترى واخدة الموضوع بجدية بمعنى انك ممكن تسعى وتحاولى انك توصلى للمجال ده وتمتهنيه ؟؟

تمام بس فى توضيح بسيط مش انا اللى بعمل مقدمات لقاء مع شاعر انا صحيح فى فريق البرنامج بس اللى بتبدع فى المقدمات هى دكتورة الملاك الضاحك و حكاية مذيعة الراديو ديه ان انا من وانا صغيرة وبابا بيسمع الراديو طول اليوم فاتعلقت بالراديو قوى ولما كنت فى تالته اعدادى جايز كنت عايزة احس انى كبيرة معرفش مكنتش بعرف اذاكر الا على صوت الراديو واخترت اذاعة الشباب والرياضة كاذاعتى المفضلة اللى بسمعها ليل نهار وفضلت على الحال ده اسمع الراديو علطول ولما دخلت الجامعة اخوى بقى بيسمعنى نجوم اف ام واتعلقت اكتر بالراديو وبقى نفسى اوى ابقى مذيعة فى الراديو وخصوصا اذاعة الشباب والرياضة عارفة اما تحسى انك بتنمى عقلك وبتتسلى وبتسمعى كلام فى الثقافة وفى السياسه وفى الرياضة عارفة احساسك انك قادرة تفيدى الناس وبتسمتعى معاهم لما تكونى قادرة تكونى عقول شباب لسه بيكبرو على ايديكى فاهمه الاحساس ده يا ايمان
وبعدكده بدات اجرب الموضوع ده فى اصحابى باسئلتى اللى من كترها خلتهم يسمونى questions
وبعدكده اشتغلت معاكو فى مقدمات كرسى الاعتراف قلت لو عجبتكو يبقى فى امل
ممكن بعد كده اقدم فى اختبارات الاذاعة واشوف ايه الاخبار
المذيعين اللى بيعجبونى منى الشاذلى وهاله سرحان واحمد يونس ومن الراديو نجلاء عبد البر ونجلاء حلمى وسهير البدراوى ومذيع اسمه شريف
اسيب الصيدلة صعبة شويه لانى بحب مجال الصيدلة بجد بس سيبيها للايام منعرفش ايه اللى هيحصل

[Amira]

السلام عليكم يا عم بيبو

هسأل شويه اسئله مع انى مبحبش أزنق حد فى اى سؤال :

دى أسئله مغشوشه من اللى اتسألته على الكرسى ... اللى مش عاوزه تجاوبيه متجاوبيهوش وانا هبقى اعرفه منك بطريقتى هههههههه

1- اوصفى كل واحده من اصحابك
2- بتسمعى اغانى " شوفى صحبتك من كام سنه ومعرفش والله "
3- مين اللى عاوزه تعرفيهم من المنتدى ؟

_ من أسئله مطحـونه _

4-كنتى اى نوع من الاطفال النوع الهادى اللى بيرضى باى حاجة ولا الشقى اللى عاوز كل حاجة

5-كنتى فى مدرسة ايه ؟وهل كانت مشتركة ولا بنات بس؟

6-كان ليكى نشاطات ولا كنتى مالكيش اى نشاطات

7-كنتى بتقعدى فين فى اول ديسك ولا ورا ولا مكنتش بتفرق

8-فى الطابور كنتى فى اول الصف ولا فى الاخر

9-لعبتى كورة قبل كدة؟

10-اكتر لعبة كنتى بتلعبيها مع اصحابك فى الفسحة

11-اكتر مادة كنتى بتحبيها

12-اكتر كارتون كنتى بتحبيه

13-مارستى رياضة ولالا

14-ايه اكتر موقف محرج حصلك لو تفتكرى

15-فى العادة واحنا صغيرين بيحصلنا حوادث غريبة مثلا طفل يبلع استيكة ولا يقع وهو ماشى حصلك حوادث من النوع دة قبل كدة ولا ربنا ستر؟

16-برضو واحنا صغيرين كنا ساعات مش بنحب اكل كتير بس كانوا ممكن يخلونا ناكله غصبن عننا انتى بقا ايه الاكلة اللى مكنتيش بتحبيها وانتى صغيرة؟وهل حبيتيها لما كبرتى ولالا؟وهل كانوا بيغصبوكى تاكلى ولا لا

17-وبمناسبة الاكل انتى كنتى بتشربى اللبن ولا كنتى بتكرهيه؟

18-فاكرة حد من صحابك فى الحضانة؟

-وانتى صغيرة كان عندك حروف بايظة؟؟؟؟؟ولا نطقك كان سليم؟

19-اتخانقتى خناقة بنات مع حد قبل كدة؟(طبعا عارفة خناقة البنات دى عاملة ازاى)
ولو اتخانقتى ضربتى ولا انضربتى ومين اللى انتصر فى النهاية وكان ايه السبب

20-اكتر حاجة حلوة كنتى بتشتريها هى ايه؟

21-عملولك استدعاء ولى امر قبل كدة؟ولو اه ليه؟

22-عمرك خبيتى شهادة الدرجات عن باباكى او مامتك؟لو جبتى درجات مش حلوة ولو مخبتيهاش وشافوا درجات مش عاجباهم كان رد فعلهم ايه
===

بس ياهبه كفايه عليكى كده , غشيت بتوع مطحونه ^_^