عوده الى كرسى الاعتراف مع محمد_على_سلام

[حنين الأمس]

ده انا هشغل دماغي مخصوص عشان خاطر ابو علي
هو انا عندي اعز منه

واجب فعلاً....الصديق وقت الضيق

بس انا عايز مساعده برده

مش بعرف أسأل الأسئلة اللي إنتوا بتسألوها دي
ما هو لو دكتور محمد ليه في كتابة الشعر والخواطر أو جاي من الإمارات مثلاً كنت سألته

أنا بتفرج وبس كفاية عليكوا

[a_fouda2]

واجب فعلاً....الصديق وقت الضيق
اه و هو الصراحة في ضيقة شديده
مش بعرف أسأل الأسئلة اللي إنتوا بتسألوها دي
ما هو لو دكتور محمد ليه في كتابة الشعر والخواطر أو جاي من الإمارات مثلاً كنت سألته

أنا بتفرج وبس كفاية عليكوا

مممممممم
انا مكنتش عايز اقول بس يلا سامحني يا ابو علي
ما هو محمد برده ليه تجارب في كتابة والقاء الشعر

و بالذات لما الالهام ينزل عليه
بس المشكلة انه عما بيوصل لاخر القصيده بينسى اولها

على العموم ماشي
كفاية عليه أنا

[محمد_على_سلام]

كما تدين تدان ....ودكتور عبد الرحمن ما بيسبش حقه أبداااا
فعلا كما تدين تدان

ربنا يعينك بقى....مش صداقة

يا رب دعواتك

امال فين الرجالة و طول عمرنا رجالة

طبعا يا ابنى طول عمرنا رجالة

احنا هنهزر ولا ايه
انت هنا تجاوب بس
و متسألش

حاضر من عنيا

ده انا هشغل دماغي مخصوص عشان خاطر ابو علي
هو انا عندي اعز منه
بس انا عايز مساعده برده

لا كفاية تشغيل دماغ

واجب فعلاً....الصديق وقت الضيق

وفوده ونعم الصديق

مش بعرف أسأل الأسئلة اللي إنتوا بتسألوها دي
ما هو لو دكتور محمد ليه في كتابة الشعر والخواطر أو جاي من الإمارات مثلاً كنت سألته

أنا بتفرج وبس كفاية عليكوا

الحمد لله ان مفيش اسئلة

مممممممم

انا مكنتش عايز اقول بس يلا سامحني يا ابو علي

لا مش مسامحك
ما هو محمد برده ليه تجارب في كتابة والقاء الشعر

و بالذات لما الالهام ينزل عليه
بس المشكلة انه عما بيوصل لاخر القصيده بينسى اولها

اعمل ايه ف الزهايمر
على العموم ماشي
كفاية عليه أنا

انت اساسا ناقل الاسئلة
مفيش ابتكار

[محمد_على_سلام]

3 مقالب عملتهم قبل كده
يا عم انا راجل مسالم مبعملش مقالب فى حد بس استنى
وانا صغير كنا ساكنين فوق مباحث امن الدولة بدور فكنت ايام رمضان والعيد اجيب الصواريخ وارميها على عساكر الحراسة اللى تحت من البلكونة واستخبى (كنت بنتقم للثوار مش كده ) اصلهم كانوا اصحابى وكنت بنزل العب معاهم كورة تحت العمارة.
خسرت حد من اصحابك قبل كده . لو أه ايه السبب
لا الحمد لله
فارقت حد عزيز عليك قبل كده
قصدك مات يعنى
يبقى جدى وجدتى وخالى الله يرحمهم

لو قابلت سؤال مش عارفه في امتحان بتعمل ايه ؟
بقعد افكر فيه لحد قبل نهاية الوقت بنص ساعة
هتغشه ولا هتسيبه فاضي ولا هتألف ؟لو حصل معاك موقف قبل كده قوله
ف النص ساعة الباقية بألف بقه يعنى اسيبه فاضى

غشيت في امتحان قبل كده واتقفشت ؟
لا الحمد لله مش بغش
طب بتغشش؟
اظنك عارف فى ناس مضايقة قد ايه بسبب الموضوع ده
لو واحد غش منك هتعمل ايه ؟ (أنا مرة ضربت واحد قبل كده في اللجنة )
محدش بيعرف يغش منى كلمة واظن قالولك الامتحانات اللى فاتت
عملت عمليات قبل كده او اتجبست بعيد الشر يعني
لا الحمد لله الا لو اعتبرت الليزك عملية
بتحب الحيوانات ؟
اه
اكتر 5 مناظر بيستفزوك او بيضايقوك؟
1-لما اشوف واحد بيتظلم قدامى
2-لما اشوف ناس واخدة الدرجة النهائية فى الشفوى وهما مش عارفين الالف من كوز الذرة
3-لما بشوف الناس اللى عند سور تربية
4-لما اشوف واحدة بتتعاكس
5-لما بشوف حد بيبلطج او بيستغل عدم وجود القانون ويعمل حاجة غلط ساعتها دمى بيتحرق
لو قابلت شخص عارفه من قبل كده وناسي اسمه ووقف وسلم عليم وسألك عن اخبارك هتعمل ايه ؟ اكيد حصل معاك عملت ايه ساعتها ؟
عادى انت عارف انى بقيت زهايمر وبتحصلى مع ناس من دفعتنا كمان بس عادى بقه معاه واقوله ازيك يا حبيبى واخبارك ايه وعادة بفتكر اسمه وانا بكلم معاه
ترتيبك بين اخواتك ايه و مين اكير ومين اصغر ؟
انا اكبر اخواتى
لبسك كاجوال ولا كلاسيك ولا على حسب المكان اللي رايحه ؟
لا على حسب المكان
ايه احلى هدية جاتلك ومين جابهالك وايه المناسبة؟
كل الهدايا حلوة بس الاحلى ان اللى جابها افتكرنى وبيحبنى
انت تحب الهدية بالنسبه ليك تكون ايه (ساعة -لاب -قلم-ورد -......)
مش المشكلة الهدية نوعها ايه
المهم قيمتها المعنوية حتى لو وردة قاطفها من الشارع
اول مرة اشتغلت على الكمبيوتر كان امتى ؟واول ويندوز اشتغلت عليه ؟
وانا فى اولى اعدادى وكان xp
لعبت العاب قبل كده على النت (سيلك رود- ترافيان - .....)
مرة لعبت لعبة كام شهر فى اجازة 3 ثانوى وبعدين وقفتها لما دخلت الجامعة بس مش فاكر اسمها كالعادة
بتحب الالعاب الاستراتيجيه؟ تعمل مدينه وجيش وحاجات من دي
اه كنت بموت فى الالعاب دى لما كنت فى اعدادى طول الصيف لازم العبهم
هل انت شخص خجول؟
بيقولوا كده
شايف ان شخصيتك قيادية ؟
ايووووووون
اشتغلت في تيم وورك قبل كده ؟ عشان اي حاجة مسابقة مثلا اوائل طلبة كده يعني
اشتغلت طبعا انت ناسى ولا ايه
هل كان ليك فيه دور قيادي؟
بص بحب اكبر دماغى طالما حاجات مملة تبع كليتنا العزيزة
فيدوبك البوربوينت وشوية معلومات او صور
حابب فرحك تعمله ازاي ؟
نفسى يبقى كتب كتاب فى قاعة بعد العصر وخلاص
بس اهلى عاوزين فرح فرح علشان يفرحوا بيه
بس لما نعيش الاول ان شاء الله ونلاقى العروسة ونوصل للفرح نبقى نفكر فى الفرح
والدك ووالدتك مين اقرب ليك ؟
والدتى
ليه ؟

سبحان الله امك ثم امك ثم امك
وبعدين دايما الام بتبقى اكتر حنان
اتبرعت بالدم قبل كده ؟ كام مرة وامتى ؟
اتبرعت مرة قبل كده من عدة شهور (حلوة عدة دى )
هواياتك ؟
زمان كنت بلعب كاراتيه وكورة بس لما دخلت ثانوى ابتدى الكفاح فى الحياة وبطلت كل حاجة وبعدين دخلت الكلية ومفيش وقت لان حتى فى الصيف بسافر
انما اللى مستمر انى لسه بقرأ كتب
في منتديات تانية مشترك فيها غير منتدى الكلية ؟
ليه كام اشتراك فى كذا منتدى منهم اللى فاكره ومنهم اللى مش فاكره بس مش بدخل عليهم خالص
يعنى تقدر تقول حصرى لفارما بورد

وابقى لون اجاباتك بلون تاني غير اللي انا بسأل بيه عشان مدوخش وانا بدور على اجابتك
و مش عارف الاجابة من السؤال
مش خلاف يسأل بالاحمر ترد عليه بالاحمر برده

منا قولت ان كان فى مشكلة فى اللاب بس الحمد لله ظبطتها

[a_fouda2]

انت اساسا ناقل الاسئلة
مفيش ابتكار

ما انا اللي كنت عاملها قبل كده برده يعني جبت حاجة من بره

المهم
نكمل

انت نازل مصر امتى ؟
ايه احسن مصر ولا السعودية ؟
طب ايه عاجبك في السعودية ونفسك يكون في مصر ؟
وايه عاجبك في مصر ونفسك يبقى في السعودية ؟
انت احنا اصحاب بقالنا تقريبا سنة ونص صح
ايه عيوبي من وجهة نظرك ؟
و ايه كان في وانا صلحته انت اخدت بالك منه ؟
ايه الفكرة اللي كانت في دماغك عني قبل ما نتصاحب ؟
دخلت كلينكال ليه ؟
موقف محرج اتعرضت له في الكلية ؟
بتخاف من ايه ؟
اكيد بتخاف من ربنا انا عايز الحاجة اللي لما تشوفها تخاف
ولا بتخاف من الضملة
بتنام على طول ولا بتعد شوية على السرير عما يجيلك نوم ؟
شاف نفسك
شخص ذكي ؟
شخص يعتمد عليه ؟
لما بتزعل من حد بتعمل ايه ؟
ولما بتزعل من نفسك بتعمل ايه ؟
ايه اللي ممكن يزعلك من نفسك ؟
اكتر مقرئ بتحبه ؟ ولو اني عارفه
نرجع تاني للدراسة والكلية
شايف في فرق بين كلينكال والنظام العادي ؟
احسن ولا اوحش
ايه احسن حاجة في كلينكال ؟
ايه نفسك انه يتعمل في كلينكال و متعملش ؟
وايه كان نفسك يتعمل و فعلا اتعمل ؟
اول ترم بسم الله ما شاء الله كنت من الناس اللي معقود عليهم أمل انهم يطلعوا من الاوائل ايه اللي خلاك نقصت جامد كده ؟ انا عارف الاجابة بس برده لازم اسالك تاني
طيب بعد كده الترمات اللي بعد كده رجعت برده و مكنتش من الاوائل لييييييييييييه ؟
فترة ثانوي
انت شاف كان احسنلك تنزل مصر وتاخدها من هناك ؟ ولا السفارة كانت احسن ؟ وليه ؟

ممممم
دول اللي جم في بالي دلوقتي
راجعلك تالت ان شاء الله بس لما اراجع اسئلة ابو سمير عشان مكررش حاجة

[DR.BIBO]

تنورى يا دكتورة بس يا ريت مش اكتر من سؤالين

من عينيا هما سؤالين مش اكتر برده خصوصا ان الدكاترة قايمين بالواجب

حضرتك قولت انك حاطط بدايل كتير عشان صيدله ممكن نعرف ايه هى البدايل ديه ؟ وحضرتك كنت حاطط كلية طب فى اولوياتك ومثلك الاعلى فيها دكتور مجدى يعقوب ؟ياترى لما دخلت صيدله دورت على مثل اعلى فيها او انك توصل لمستقبل مميز بيها؟ ايه مشاريع حضرتك بعد التخرج؟
دكتور عبد الرحمن قال ان حضرتك ليك فى كتابة الخواطر والشعر ممكن تعرضلنا حاجة منها ؟
ايه مفهوم الحب من وجهة نظر حضرتك؟
الكلمات ديه بتمثل لحضرتك ايه( الصداقه- السعادة -الغدر-الحياة-اللعب- الدنيا)
انطباع حضرتك الاول على الناس بيبقى صح دايما ولا لا وبيدوم ولا ممكن تغيره بعد كده؟
حضرتك قولت انك بتسامح بسرعة جدا ايه الحاجة اللى مش ممكن تسامح فيها ابدا؟
شايف شخصية كل واحد من اللى سالو حضرتك ازاى؟
كفايه كده دلوقتى ممكن ارجع تانى

[a_fouda2]

دكتور عبد الرحمن قال ان حضرتك ليك فى كتابة الخواطر والشعر ممكن تعرضلنا حاجة منها ؟

ايوة وانا كمان بأطالب بكده


كان ألقى عليا بيت شعر في يوم وانا في الكلية و كنت يومها مكتئب و مليش نفسي اكلم حد
الله يمسيه بالخير بقى خلاني اضحك غصب عني

[محمد_على_سلام]

ما انا اللي كنت عاملها قبل كده برده يعني جبت حاجة من بره

المهم
نكمل

انت نازل مصر امتى ؟
اخر الشهر ان شاء الله
ايه احسن مصر ولا السعودية ؟
كل بلد فيهم ليها مميزاتها وعيوبها بس انا بحب الاتنين ومقدرش استغنى عن واحدة فيهم
يعنى تقدر تقول نص مصرى نص سعودى
طب ايه عاجبك في السعودية ونفسك يكون في مصر ؟
النظام واحترام القانون
وايه عاجبك في مصر ونفسك يبقى في السعودية ؟
الروح والمساواة الى حد ما
انت احنا اصحاب بقالنا تقريبا سنة ونص صح
ايه عيوبي من وجهة نظرك ؟
لما بتضايق مش بتفضفض
و ايه كان في وانا صلحته انت اخدت بالك منه ؟
بقيت مهتم بدراستك
ايه الفكرة اللي كانت في دماغك عني قبل ما نتصاحب ؟
هو انت كنت بتيجى علشان اخد فكرة
دخلت كلينكال ليه ؟
علشان ادرس حاجات قريبة لكلية الطب
موقف محرج اتعرضت له في الكلية ؟
واحد من الدكاترة فى اول ترم لما جبت الدرجة النهائية فى الميد ترم قال هو ده اللى جابها وكان بيقول لزمايلنا وقالها بطريقة مش ظريفة
بتخاف من ايه ؟
اكيد بتخاف من ربنا انا عايز الحاجة اللي لما تشوفها تخاف
ولا بتخاف من الضملة

بخاف لما ابص ن مكان عالى على مكان منخفض حتى لو ببص من فوق العمارة
بتنام على طول ولا بتعد شوية على السرير عما يجيلك نوم ؟
على حسب اليوم يعنى الايام اللى بنكون فيها فى الكلية واخدين محاضرتين وسكشنين بنام فورا
انما عادة مش بنام علطول
شاف نفسك
شخص ذكي ؟
حاجة مقدرش اقيمها اللى حوليا هما اللى يعرفوا
شخص يعتمد عليه ؟
ايووون
لما بتزعل من حد بتعمل ايه ؟
على حسب مكانته عندى يعنى لو حد صاحبى هقوله انما لو حد مش قريب منى عادى وكده كده هنسى وهسامحه ولو جه وكلمنى هيلاقينى عادى خالص ونسيت اللى فات
ولما بتزعل من نفسك بتعمل ايه ؟
بفضل ائنب فى نفسى وزعلان فترة طويلة جدا ومش بسامح نفسى خالص وافضل فاكره لها طول الوقت يعنى لسه زعلان منها على حاجات حصلت من سنين
ايه اللي ممكن يزعلك من نفسك ؟
حاجات كتير يعنى لو قصرت فى اى حاجة
لو حد زعل منى
لو كلمت حد بطريقة مش لطيفة
لو حد طلب منى حاجة ومعملتهاش
لو مذاكرتش
........الخ
اكتر مقرئ بتحبه ؟ ولو اني عارفه
لو تلاوة يبقى السديس والشريم وماهر المعيقلى وادريس ابكر
لو تجويد يبقى الشيخ عبد الباسط عبد الصمد
نرجع تاني للدراسة والكلية
ليه بس كده
شايف في فرق بين كلينكال والنظام العادي ؟
فى فرق
احسن ولا اوحش
فى حاجات احسن وحاجات اوحش بكتير
لو عاوز اقولك الفرق ابقى قول
ايه احسن حاجة في كلينكال ؟
اننا كلنا اصحاب واسرة واحدة صحيح بيحصل مشاكل صغيرة بس فى النهاية عيلة واحدة
ايه نفسك انه يتعمل في كلينكال و متعملش ؟
انه يبقى فى اهتمام بالمناهج اكتر بكتير من كده وان طريقة التدريس تتغير وحاجات كتير
وايه كان نفسك يتعمل و فعلا اتعمل ؟
مش فاكر حاجة الوقتى بس حتى نتايج الاعتصام اللى كان اتعمل مكنش فى حاجة من نتايجه ليها لازمة بالنسبالى على الاقل
اول ترم بسم الله ما شاء الله كنت من الناس اللي معقود عليهم أمل انهم يطلعوا من الاوائل ايه اللي خلاك نقصت جامد كده ؟ انا عارف الاجابة بس برده لازم اسالك تاني
انى كنت قاعد مع خالتى وكنت بسافر ساعتين ونص رايح وساعتين ونص جاى فطبعا بوصل مجهد ومش بزاكر وكنت مضايق لانها كانت اول مرة افارق اهلى وبعدين بيت خالتى عامل زى بيت العمدة طول النهار ناس جاية وناس رايحة وقرايبنا جايين يشوفوا جدتى المريضة اللى قاعدة معاها خلاف ان كانت مصر بتلعب فى امم افريقيا وكان ولاد خالى بيجوا ويقعدوا طول اليوم وانا معاهم طبعا وعاملين استوديو تحليلى قبل الماتش بسبعمية ساعة وبعده كمان فطبعا مصر خدت امم افريقيا وانا خدت اسوء درجة فى تاريخى
حتى فى اخر الترم قبل الامتحانات بشهر قعدت لوحدى تعبت وقعدت الفترة من امتحانات العملى لاول امتحانين فى النظرى مريض زى ما تعبت الترم قبل اللى فات بالظبط
الحمد لله كان ترم نحس

اكمل بالليل ان شاء الله

[حنين الأمس]

دكتور عبد الرحمن قال ان حضرتك ليك فى كتابة الخواطر والشعر ممكن تعرضلنا حاجة منها ؟

يا بيبو حددي السؤال شوية عشان الطالب ميتوهش
هات أبياتاً شعرية لتحمل العنوان التالي...
"خزعبلات شاعر"
واذكر التجربة الشعورية لهذه الأبيات ....
......

[محمد_على_سلام]

طيب بعد كده الترمات اللي بعد كده رجعت برده و مكنتش من الاوائل لييييييييييييه ؟
اهتزاز الثقة بالنفس هو السبب وبعدين مشكلتى انى لو مبتديتش الحاجة من بدايتها صح يبقى خلاص
يعنى لو فى يوم هزاكر وقعدت اضيع الوقت الصبح مش اكمل بقيت اليوم مزاكرة بقه لا خلاص كده اليوم ضاع (عيب خطير فيا ادعولى اتخلص منه )
فترة ثانوي
انت شاف كان احسنلك تنزل مصر وتاخدها من هناك ؟ ولا السفارة كانت احسن ؟ وليه ؟

اولا انا كنت بزاكر هناك وانزل امتحن فى تانية وتالتة ثانوى فى مصر لان السفارة اخرها اولى ثانوى
انما لو قصدك انى كنت اذاكر منهج سعودى فكنت رافض لان لو دخلت مدرسة هناك كانوا هينزلونى سنة لانى امتحنت سنة خامسة ابتدائى فى السفارة

ممممم

دول اللي جم في بالي دلوقتي

راجعلك تالت ان شاء الله بس لما اراجع اسئلة ابو سمير عشان مكررش حاجة

تعالى مستنيك بس اوعى تتأخر لانى همشى