ويبقى الحال كما هو عليه وعلى المتضرر...........

[NonY]

بجد انا زهقتتتتتتتتتتتتتتتتتتتتتت من موضوع الكتب داااااااا


هى صعبة ؟؟؟ !!!!!!!!!!!!!!!

عايزين يبأة لينا حرية شرا الكتب أو لأ

عايزين الأسعار تبأة طبيعية
فى كل الكتب فى كل الأقسام ..

المفروض مفيش أى كتاب عملى يتباع بأكتر من 20 جنيـــه
هو مشروع تجارى و لا ايه !

عايز الفلوس تعمل بيها حاجة تانية يبأة يتقال ان دى فلوس لكزا
و أشوف الكزا دا بيتحقق ادام عنيا

مش شغالين ندفع فلوس و نرميها فى الأرض و خلاص
:s


نفسى أفهم حاجة سهلة زى دى و تتظبط بكلمة من الإدارة ليه مش بيعملوها و يريحونا بأة !!

[dr.monalizaa]

نفسى أفهم حاجة سهلة زى دى و تتظبط بكلمة من الإدارة ليه مش بيعملوها و يريحونا بأة !!

كانو ادونا درجاتنا ونجحونا الاول

وكانو عاملونا كويس

اصلا الكلية دي معموله خصيصا عشان يتعبونا

ومع ذلك ... تحية لقسم التحليلة أحلى قسم في الكلية .. ويستاهل من الكل هدية

[Aésmaïl]

هو لسه كتاب العملى مرتبط بالنظرى ولا ايه ؟؟
وعلى فكره اى كتاب عملى كتير عليه اووى 20 ج اصلا

هو مشروع تجارى و لا ايه !

كان مشروع تجارى فى بعض الأقسام ..
كفايه استغلال بقى ..
وعلى فكره كان بيحصل مشاكل بين الدكاتره على موضوع الأسعار دى ..
فاكرين كتاب العقاقير ابو CD
دا الدكتور فريد بدريه "لما كان رئيس قسم " .. مسعره ب 80 ج بإسطوانتو ..
العالم اللى كانت بتدرس بقى المنهج ده قالو لأ ازاى ؟؟ !!
فرفعوه لـ 120 ج دا ال CD كان متسعر ب 20 ج D:
.. ومن هنا كانت المشاكل ..

عايز الفلوس تعمل بيها حاجة تانية يبأة يتقال ان دى فلوس لكزا
و أشوف الكزا دا بيتحقق ادام عنيا

حاجه تانيه زى ايه ؟؟ تطوير للكليه مثلا ..
أومال بيصرفو ميزانيه الكليه فى ايه ؟؟ ولا الطلبه مجبره تصرف على الكليه ..

نفسى أفهم حاجة سهلة زى دى و تتظبط بكلمة من الإدارة ليه مش بيعملوها و يريحونا بأة !!

يريحونا !!!

كانو ادونا درجاتنا ونجحونا الاول
وكانو عاملونا كويس

على الأقل يبقى فيه مراقبه على اعضاء هيئة التدريس فى كل حاجه ..
ومن حيث المعامله دى حقوق لينا على فكره .. وهى فى الأول والأخر حاجه زوقيه ..

اصلا الكلية دي معموله خصيصا عشان يتعبونا

كلو كده مش احنا بس ولازم السياسات دى تتغير ..
الناس فهمت كل حاجه ومفيش حد بعد كده هيتنازل عن اى حق ليه ..

[د///*مطحونة*\\\]

طب يا جماعة سيبكوا من كل دة

انا عاوزة اسال سؤال وحد يرد عليا لو سمحتم
دلوقتى انا دفعت فلوس فى كتاب تمام؟ ايا كان رخيص او غالى
ياخدوه تانى لييييييييييييييييييييه؟؟؟

ارجوكم حد يقوللى سبب مقنع
اصل انا الكتاب دة بتاعى وبفلوسى يعنى المفروض انا حرة فيه
اعينه اشحته ابيعه ارميه افكه وابيع الورقة بربع جنية
انا حرة
يبقى ياخدوه ليه
يعنى دلوقتى ياخدوا الفلوس وكمان الكتاب
بتاع ايه دة بقا

[AbU ElKhAiR-Let`s Go]

السلام عليكم ورحمة الله وبركاته


طبعا يوم الخميس رحت أنا ومجموعه من زمايلى لدكتوره حسن الكاشف
وهم
محمود فريد
محمد سليمان
ومحمد قاصد
لدكتور حسن الكاشف عشان نتكلم معاه بخصوص موضوعين

أولا الجدول

ثانيا أسعار الكتب

بالنسبه للجدول فالدكتور حسن قال انه هيتكلم مع رؤساء الأقسام لتغير بعض السكاشن بين الأرقام من 500 الى 750 ومن 750 للآخر

أما بالنسبه لاسعار الكتب فطبعا قبل ما ندخل لدكتور حسن الكاشف السكرتير قال روحوا لدكتور حمدى رئيس قسم الصيدلانيات لان الوكيل بعت قرار للاقسام بفصل العملى عن النظرى

رحنا لدكتور حمدى وقال انه نبه على الأساتذه وبعدين نادى الموظف المسئول عن الكتب وسأله عن الموضوع وقاله ان دكتور عبد المعم قاله يبيع العملى للمدبلرين ب 18 جنيه أما بالنسبه للمستجدين فففى دكتور يا اما دكتور عبد المنعم يا دكتور حسن الصباغ قاله اللى عايز يشترى العملى لواحده ابعتهولى وانا امضيله على ورقه

اما بالنسبه للسعر الكلى فقال انه بتتحسب على أساس مجموعه من المعايير بتحددها الجماعه منها وزق الورق وشكل الغلاف وفيها رسومات ولا لا والرسومات أولوان ولا لا وعدد ساعتا تدريس الماده وغيرها

وقالنا كلموا دكتور حسن الصباغ

بعدها رجعنا انا وزمايلى لدكتور حسن الكاشف وبرضه كلمناه وقال انه بعت للاقسام بضروره فصل العملى عن النظرى

ردينا وقنا انه فعلا مفصول لكن ازاى سعر العملى أكتر من النظرى فكان دا القسم اللى بيحدده

(طبعا انا راضى عن الكلام ده لانه لازم بعد ارسال الطلب يكون فى مراقبه التنفيذ مش القسم ياخد طريقه لتحديد السعر المحدد وبعدين يعمل اللى هوا عايزه لازم تتشكل لجنه لمراجه الاسعار)

طبعا بعد حوار طويل وصلنا انه اللى عايز يشترى العملى يشتريه واللى مش عايز هوا حر ويدخل السكشن عادى

يشترى كراسه او أى حاجه ويمضيها من رئيس القسم ويدخل بيها السكشن

وعلى فكره دكتور حسن قال الكلام ده لرئيس قسم العضويه واحنا واقفين معاه

وبرضه قالنا اللى عايز يدخل من غير العملى يدخل ولو حد مش رضى يجيلى دا فى العضويه لغاية لما يقول لبقيه الأقسام

حاليا بيتهيالى المفروض انه سيادته قال لكل الاقسام

عشان كده أى حد عايز يدخل اى سكشن من غير كتاب يدخل ولو المعيد مش رضى يروح على دكتور حسن فورا يقوله

طبعا انا اشتريت الصيدلانيات للاسف

بس مش شارى حاجه تانيه لغاية ما اسعار الكتب العملى تقل للى عايز يشتريها

(على فكره انا كده كده هشترى الاتنين بس لازم آخد حقى وحق زمايلى )

وطبعا ياريت بجد كلنا مش نشترى كتب الا لما العملى يكون سعره أقل من النظرى لحين تشكيل اتحاد جديد يتولى المسئوليه

وطبعا ان شاء الله لازم نكلم دكتور حسن ودكتور عبد المنعم تانى فى الموضوع ده ونكلم دكتور على ماهر برضه

وهنشوف لو فى أى حاجه تانيه هنقول للدكاتره برضه

وياريت كلنا يطلب حقه وحق زمايله مش يقول وأنا مالى طالما انا عايز الكتابين هما حرين باه

وشكرا لحضراتكم

[لؤلؤه النيل]

جميل جدا الكلام ده
شكرا يادكتور على تعب حضرتك
كده نقدر منشتريش كتب اساسا
وانا فعلا مش هشترى لا العضويه ولا الصيدلانيات
بس ناقص حاجه واحده
حد من الزملاء يتشجع ويتكرم
وبيلغ الكلام ده للدفعه كلها
عن طريق المايك
عشان كله يتاكد وميقولش ان الكلام ده تاليف
وطبعا الحد ده مش هيكون انا
اكيد هيكون من المجموعه اللى راحت لدكتور حسن
ربنا معاكم يادكاتره

[Sara Elbakry]

هو كتاب العملى فعلا اتفصل عن كتاب النظرى ..........بس فى حاجه بقى غريبه

كتاب الصيدلانيات انا ما اعرفش هو فعلا اتفصل ولا لأ ......... بس كتاب النظرى اصلا فى شيت من ورا اللى بنحله ونسلمة ده................... يبقى غصب عن اى حد هيشتريه برده لانه عليه درجات يبقى احنا كده عملنا ايه

وكمان حتة انى لازم اروح اخد اذن من دكتور فتح الله عشان اجيب كتاب العملى بس؟؟!!! طب وليه يعنى هى الحكايه محتاجه اذن لدرجه دى !!!!!!!!!!!

والاقسام اللى اتفصل فيها الكتب خلوا كتاب العملى سعره اعلى من النظرى والله حلوة دى .....لا نكته بجد

ازااااااااى عاوزة افهمها ........... كتاب التحليله و"العضويه كمان على ما اظن "هما الاتنين كل واحد نظرى بعملى ب 65 حلو الكلام.....كتاب العملى بقى لوحده ب 40 ......... واساسا لو بصينا عالكتابين اكيد طبعا هنلاقى ان كتاب النظرى اكبر ...يبقى ازاى كتاب العملى سعرة اكتر

[muna7assan]

لالا يا ساره كتاب عملى التحليليه انا خدته لوحده من غير اذن حد سألت مدام منى اذا كان ينفع اخده لوحده قالتلى ينفع .. الكلام دا كان الاثنين اللى فات
-----
وبالنص بالظبط ..

العضويه بقى مش عارفه بصراحه نظامه ايه

[Sara Elbakry]

لالا يا ساره كتاب عملى التحليليه انا خدته لوحده من غير اذن حد سألت مدام منى اذا كان ينفع اخده لوحده قالتلى ينفع .. الكلام دا كان الاثنين اللى فات

طب تمام كده اصلى لما رحت عشان اجيبه يوم السكشن قالولنا لازم اذن من دكتور فتح الله او الدكتورة ناهد وهما ما كنوش موجودين ساعتها فقلنا مش هنجيبه دلوقتى

ده اللى حصل معانا

بس شكل الموضوع تطور وانا ما اعرفش

[موظفه طموحه]

السلام عليكم

تمنياتى لكم بالتوفيق اولا
ياجماعة
كتاب التحليلية الفرقة التانية
اتفصل من فترة
العملى فقط ب 30 جنيه
والعملى والنظرى ب60 جنيه
واللى اخده ب 65 جنيه
يتفضل عندى يسترد ال5 جنيه
وفيه زملاء لكم كتير استردوها
اشكركم