كفاااااااية ..... من قلبنا

[eman mohammed]

الموضوع زاد عن حده ويارب ما يتقلب لضده قولوا آمين

امين ياااااااااارب العالمين

[Dr.A7med]

انا اسفة لو كان كلامى فيه شئ من العصبية بس دا لانى اعصابى متوترة لاسباب كتير دلوقتى
مع احترامى طبعا لراى حضرتك

العفو أنا حتي ما لاحظتش حاجة زي كدة

[رقة القلب]

الموضوع زاد عن حده ويارب ما يتقلب لضده قولوا آمين

اللهم آآآآآآآآآمين

[محمد_على_سلام]

مش هقول عن الموضوع غير ان حضرتك طلعت اللى فى قلبى يا دكتور

[yasmeena]

أنا مع حضرتك تمااااااما
اللى يحب مصر مفروض عليه ما يعملش كده فى الوقت ده

[dr_7mada4u]

فعلا انا شايف ان استمرار المظاهرات له اضرارى السلبيه جدا على المجتمع ابسط مثال اضراب عمال النظافه عن العمل لحد دلوقتى شوفوا المنصورة بقى شكلها ازاى وانا اقترح ان الحكومه او الجيش اللى يعمل اضراب يتم رفده ويتفتح باب التعيين بسرعه وهنلاقى بعدها علطول العجله دايرة والبلد تشتغل واللى مش عايز يشتغل يقعد فى بيته اينعم فى مطالب ومظالم كتيير بس الناس مفيش عندها وعى ان البلد بتضيع مننا بسبب الاضرابات الكتير كانوا فين هما من سنين فاتت وحقوقهم مهدورة وصدقونى لو الموضوع دا اتعمل مرة واحده الناس هتلم نفسها على طول لازم البلد تقف على رجليها الاول واللى عايز يقدم مطالبه تبقى بنظام واحترام ومرة واحده ونراقب عمل الحكومه والمسؤلين واللى ميتنفذش وميعجبناش نبقى نعملها تانى وتالت لأن كدا خلاص البلد بتولع بينا واحنا مش فى دماغنا

[dr/M.Eldesoki]

أنا هقول حاجة واحدة فقط لا للمظاهرات والاعتصامات فى الوقت الحالى ولنترك الحكومة تقوم بعملها ولا حول ولا قوة إلا بالله

[star]

فعلا خلاص اعتقد ان استمرار الاعتصام والتظاهر بعد كده معناه بداية الفشل للثورة واحنا حققنا حاجات عمرنا ماكنا نحلم قبل 25 يناير اننا نحققها ياريت نحافظ عليها ونبتدي اصلاح حقيقي في الصناعة والزراعة والتعليم والاسكان والصحة مشاكل مصر المزمنة ومنكررش سيناريو ثورة 23 يوليو اللي كانت بداية لتكريس الاستبداد والقهر رغم ماقامت به من اصلاحات كبري في بدايتها ولكنها انحرفت عن مسارها بعد ذلك وهو ده اللي مخوفني تاريخ الثورات السئ

[**SAMAR_RESALA**]

هم فاكرين نفسهم مين يعني .. شكلهم فعلا كانوا مبسوطين بطريقة تعامل الحكومة معاهم زمان

كفاية يا بتوع التحرير انتم واللي وراكم

أنا شايفه فى الموضوع خلط عجيب فى الأوراق
مين اللى قال إن اللى كان فى التحرير معتصمين فى الوقت ده
هما شباب الثوره
بشهادة الجميع إن ميدان التحرير كان بيضم مئات البلطجيه والباعه الجائلين
أكيد اللى بيحركهم ضباط من أمن الدوله وقيادات سابقه من الحزب الوطنى
تبع مخطط الثوره المضاده لتشويه صورة الثوره

لأ ومقفلين دماغكم في موضوع التعديلات الدستورية ..

موضوع التعديلات الدستوريه ده مش بسيط
وأعتراضهم عليه منطقى
للحفاظ على مكتسبات الثوره.... لازم دستور جديد مش مجرد ترقيع لدستور قديم فاشل فقد شرعيته
التعديلات دى ببساطه هتساعد على خلق ديكتاتور جديد
فهى لم تحد من صلاحيات رئيس الجمهوريه المطلقه
وبالتالى الرئيس القادم سيتمتع بصلاحيات مخيفة فى إطلاقها قد توظف للتحايل على المطالب الديمقراطية لثورة 25 يناير. والبرلمان الجديد هيبقى كالبرلمانات السابقة هيتسم بمحدودية سلطاته الرقابية فى مواجهة الرئيس المطلق الصلاحيات

ده غير إنه إذا أجريت الانتخابات خلال الأشهر القليلة القادمة دون تأجيل هنحصل على نفس تركيبة البرلمانات السابقة بمستقلى «بقايا الوطنى» والإخوان وهتتهمش بقية القوى الوطنية والحركات الشبابية اللى أنجزت الثورة

وده ممكن يفسرلنا ليه دكتور بحلم ببكره موافق على التعديلات وعدم التأجيل



لازم يا جماعه دستور جديد .... الترقيع ما ينفعش

[Dr.A7med]

للأسف أنا قلت الكلام ده ومحدش ساااااااااااااااامع أي حاجة وبنتسرع في قذف الاتهامات