معتصمو التحرير يؤكدون رفضهم الاستفتاء على التعديلات الدستورية

[نورهان]

طيب نعمل ايه والديموقراطية ف رأى حضرتك يا دكتور هنستردها ف فترة من الوقت اد ايه؟ وجايز المجلس العسكرى عايز يشيل من على كتفه حمل المسئولية لمن ينصب رئسا والمجلسين الشعب والشورى

[Dr.A7med]

أنا مقدر جدا ان المجلس العسكري عليه عبء وعايز يمشي .. التصرف الصحيح دلوقتي انه لو مش هيقدر يفضل يعمل مجلس رئاسي فيه ممثل عن المجلس العسكري .. ويعمل لجنة تأسيسية لدستور جديد
ومعلش أنا عايز أي حد يجاوبني بمنتهي الوضوح .. لو احنا عملنا انتخابات البرلمان بعد 4 شهور حد ينكر ان هتبقي المقاعد متقسمة بين الإخوان والوطني؟ ويا ريت أعرف ساعتها يبقي عملنا ايه؟

[eman mohammed]

طيب ازاى دستور جديد فى الاوضاع االى احنا فيها دى لو عملوا كدة بدل ما الشعب مقسوم نصين نص بيقول اه تعديلات ونص رافضها هيبقى عدد الانقسامات لاحصر له
دا غير ان كل واحد يعترض على كل مادة هتتحط وفى رايه ان هو الصح
وياترى فترته قد ايه على مايتحط الدستور
وياترى المجلس الرئاسى اللى هيكون مع الجيش هنختار المدنييين اللى فيه على اى اساس
ما كل واحد هيطلع يقول انا امسك مع الجيش اشمعنى انا
دا غير ان احنا فى اوضاع لايعلم بها الا الله داخليا وخارجيا

[Dr.A7med]

أولا : الحكاية مش هتبقي سبهللة .. هنعمل لجنة تأسيسية احنا هننتخبها .. فيها ممثلين عن جميع الطوائف .. الانقسامات بتحصل بسبب القرارات .. لكن لما يكون رأي المواطن من خلال الصندوق مش هيبقي في انقسامات
ثانيا المجلس الرئاسي هيعينه المجلس العسكري .. والمجلس العسكري قادر علي اختيار شخصيات مفيش عليها اختلاف تقريبا بدليل اختيار شرف .. طبعا مفيش إجماع علي حد .. بس في ناس الأغلبية مش هتعترض عليها .. وفي ناس محترمة جدا قضاة وعلماء ومفكرين ..
-----
وليه الناس بتتكلم عن اللي بيحصل ده الطبيعي وان اللي بيتقال عن دستور جديد ومجلس رئاسي غريب .. ده اللي بنعمله هو اللي أعجب من أي حاجة وما حصلش قبل كدة في أي بلد

[eman mohammed]

طيب مانستنى ونشوف راى الاغلبية على الاستفتاء ايه ولو الاغلبية رفضت التعديلات يبقى نشوف قرار تعديل الدستور والمجلس الرئاسى
اما لو الغلبية وافقت عليها فيبقى دا قرار الشعب
ولا نستبق الاحداث

[Dr.A7med]

التعديلات حاجة والمجلس الرئاسي وأسلوب الانتقال حاجة تانية .. في التصويت هنقول موافقين علي التعديلات ولا لا واللي أنا شخصيا هرفضها .. يعني قرار الشعب بالقبول او الرفض بخصوص التعديلات
أما موضوع المجلس الرئاسي ده مفيش أي قرارت بخصوصه لحد دلوقتي ..
يا ريت يا جماعة تدخلو جريدة الشروق .. وتقرأوا المقالات اللي كتبها الدكتور فهمي هويدي والأستاذ فاروق جويدة والكتاب التانيين اللي بيحللوا الأوضاع هتشوفوا الأمور بشكل أفضل من الطريقة اللي بتكلم بيها
http://www.shorouknews.com/

[نورهان]

هو احنا هنستنى مجلس رئاسى يتعمل من مدنيين وشخصية عسكرية وبعدين الموضوع دا بيتناقل ع لسان ناس كتير واتقال مباشرة لقيادات من الجيش ولو كان ف نيتهم تطبيقه كانوا عملوه من البداية اكيد الموضوع غير قابل للنقاش زى بالظبط ما اتكلموا عن تعديل الدستور بالكامل وانا سمعت ان ممكن اى لجنة تعمل الدتور ف 10 ايام بس لو الكلام ده صح مبيتنفذش ليه ياريت حضراتكوا تجاوبونى؟؟؟؟؟؟؟؟؟؟؟؟؟؟؟؟

[نورهان]

بس السؤال هو حضرتك بترفض ليه التعديلات الحالية؟ هل عشان حضرتك عايز دستور جديد ولا ايه وجهةالنظر بالظبط؟؟؟؟؟

[الخنساء]

اول ما اتطرحت التعدلات الدستوريه انا رفضتها
لكن بنظره لاحوال البلد:
-بروندى وقعت على الاتفقاقيه والدول بدات بالفعل تبنى فى سدود
-ليبيا بتهددنا اما الدعم الدبلوماسى والدعم بالسلاح واما هتدبح المصريين هناك وبرضه ما نقدرش نتحرك
-عندنا ثوره مضاده اخر اساليبها الى الان محاولة اشعال فتنه طائفيه
-الجيش امامه تحدى داخلى وتحدى خارجى ولازم يرجع لثكناته
طيب فيه ناس بتقول يسلمها لمجلس رئاسى مدنى ,وده ينفع بس فى حالة لو عندنا حد تانى يحمينا غير الجيش وللاسف مفيش الشرطه نفسها متواطئه ومتهمه ومش عايزه تنزل
وعلى الجانب الاخر:
التعديلات الدستوريه بتضمن نزاهة الانتخابات
-بتضمن تعديل الدستور بالكامل فور اجراء انتخابات مجلس الشعب

يبقى ايه الاحسن؟؟؟
لازم الفتره الانتقاليه دى تخلص باسرع وقت ممكن ويبقى فيه حالة استقرار فى البلد باسرع وقت ممكن
لذلك انا هوافق على التعديلات الدستوريه

[Ahmed Nada]

هو احنا هنستنى مجلس رئاسى يتعمل من مدنيين وشخصية عسكرية وبعدين الموضوع دا بيتناقل ع لسان ناس كتير واتقال مباشرة لقيادات من الجيش ولو كان ف نيتهم تطبيقه كانوا عملوه من البداية اكيد الموضوع غير قابل للنقاش زى بالظبط ما اتكلموا عن تعديل الدستور بالكامل وانا سمعت ان ممكن اى لجنة تعمل الدتور ف 10 ايام بس لو الكلام ده صح مبيتنفذش ليه ياريت حضراتكوا تجاوبونى؟؟؟؟؟؟؟؟؟؟؟؟؟؟؟؟

10 ايام ايه بس !!!
انا سمعت انه محتاج سنه
اذا كان كام ماده وجعوا دماغنا بيهم في 15 يوم
ما بال بقى لو دستور
انتم عارفين لما نفتح حكايه دستور جديد
كده هنتكلم ع الماده 2
وهيبقى في جدل كبير
خلينا بالدستور المرقع لحد ما يجي رئيس جديد احسن