البرنامج الحواري " لقاء مع شاعر " .. على الهواء مباشرة من F.O.P .. إعداد و تقديم : asfourelgana فكرة و إخراج :M.Hegazy

[asfourelgana]

شكراا ليكم والله ياجماعة

كتير عليا ده كله ربنا يبارك فيكم

مش كتير ولا حاجة حضرتك اهل لكده بل واكتر من كده كمان بشهادة الجميع

ياريت اكون عند حسن ظنكم دايما

بالتوفيق ليكم كلكم

وبشكل شخصي احب اشكرك مبدأيا على تواجدك معانا في الحلقه دي

من برنامجنا النهارده

واحب اباركلك على نجاح حلقتك اللي عجبت كل الناس زى ما انتى شايفه

وعايزة اقولك نورتينا

[M.Hegazy]

نورتونا كلكم يا دكاترة .. و شرفتينا بحضورك حلقة من برنامجنا .. و بجد سعيد جدا يا دكتورة NeScaFE إننا عرفنا شخصية عظيمة زيك كده .. و سعداء إننا من زملائك في المنتدى و سعداء بيكي وسطنا و ربنا يوفقك و يحققلك كل آمالك ..

و باشكر كل اللي شاركونا و تابعونا .. دكتور أوركيدا و دكتور مشمش و متابعة البرنامج الأولى دكتور بيبو ( شكر خاص ليها طبعا ) .. و سعداء جدا بيكو معانا ..

و شكر خاص للدكتورة عصفور الجنة .. مذيعة برنامجنا و المعدة ليه .. باشكرها على عبقرية الرد و الحوار الممتع و متابعة المتابعين لينا .. و إصرارها و مجهودها الرائع و الخرافي لإنجاح البرنامج ده و إعداده و الاهتمام به ..

و منتظرين حلقة النهاردة بفارغ الصبر .. شكرا للجميع و استنونا ..

[asfourelgana]

و شكر خاص للدكتورة عصفور الجنة .. مذيعة برنامجنا و المعدة ليه .. باشكرها على عبقرية الرد و الحوار الممتع و متابعة المتابعين لينا .. و إصرارها و مجهودها الرائع و الخرافي لإنجاح البرنامج ده و إعداده و الاهتمام به ..
لولا المخرج العبقري مكنش البرنامج طلع اصلا

و منتظرين حلقة النهاردة بفارغ الصبر .. شكرا للجميع و استنونا ..

الحلقه ان شاء الله بعد قليل

اعلانات البرنامج

بعد قليل سيتم اذاعة الحلقه مع ضيفه لطالما كانت خفيفه على المنتدى

رقيقه في كتاباتها

احبت رغم العتاب

وحلمت باحلام الصبايا

و ردت عن مجنون ليلى بقلمها وكلماتها

اعتقد بكده خلاص عرفتوها

وهي د EMAN او كما اختارت لنفسها اسما على المنتدى

نور عمرو

انتظرونا

[asfourelgana]

الحلقه الثالثه

ضيف الحلقه: نور عمرو

مقدمة الحلقه: asfourelgana

السلام عليكم ورحمة الله وبركاته

ازيكم يا احلى شباب في الدنيا

شباب منتدانا الحبيب بنرحب بيكم في حلقه جديده من برنامجنا وبرنامجكم

لقاء مع شاعر

والنهارده ضيفتنا من ارق الضيوف في المنتدى

تطل من حين لآخر باطلاله ادبيه جميله دائما ما تمتعنا بها

نرحب معا بدكتورة نور عمرو

ازيك يا دكتورة؟

بخير الحمد لله أحب ف البداية أشكركم على استضافتى ف برنامجكم النهاردة و أتمنى انى أكون ضيفة خفيفة

نبتدي الاسئله ونقول تعريف الشاعر نفسه بايجاز؟
أنا مش بعرف أتكلم عن نفسى ودايما بسيب اللى حواليا همه اللى يتكلموا عنى بس عموما أنا انسانة بمعنى الكلمة بسيطة جدا هادية جدا ما بحبش أزعل من حد و لا حد يزعل منى . مقتنعة جدا بأن الحياة قرارات و اختيارات

.متى وكيف اكتشفت موهبتك الشعريه؟وما هو احساسك بعد اول قصيده؟
ف تانية اعدادى .كان لى أجندة خاصة بى كنت بكتب حاجات خاصة بى ف كل موقف يمر على لان انا كنت وما زلت قليلة الكلام فكانت الطريقة الوحيدة اللى اعبر بها لكن انا اول ما كتبت لم يكن شعرا ولكن كان تلخيص لمسلسل يوسف السباعى لان انا كنت شاطرة جدا ف الانشاء و عجب عائلتى جدا لكن للاسف لم احتفظ به
.من اول من قام بلفت نظرك ,وتشجيعك ,و دعمك كشاعر؟ وهل ساعدتك بيئتك المحيطه على ذلك ام كانت بمثابة المثبط لعزيمتك وموهبتك؟
الحقيقة كان بابا و بعد كده باقى اسرتى وبعدها اصدقائى و ناس مقربين
اكيد ساعدتنى ولولا انى لاقيت تشجيع ما كنتش بقيت معاكم النهاردة
وانتى منورانا بوجودك معانا النهارده
.متى تكتبين ؟؟ومما تستوحي ما تكتبينه (من عالم الخيال, ام عن تجربة سابقه سواء لكِ او لأحد الاشخاص القريبين منكِ ,ام من ماذا؟وهل ندمت يوماً على كتابة عمل ما؟
لما احس انى عايزة اكتب

اغلبها من الخيال
اولا مفيش حاجة ف كتاباتى تستحق انى اندم عليها . ثانيا انا حذفت كلمة الندم من قاموس حياتى لان مفيش ندم طول مافيه حياة .
ده قرار جميل وياريتنا كلنا نقدر نعمل كده فعلا

.من هو مثلك الاعلى في الشعراء او لنقول من اكثر الشاعر/ الشعراء الذين يعجبك شعرهم وهل تتبعين نفس اسلوبهم؟ أم أنه يحوز فقط على اعجابك ولا يمتد هذا الاعجاب للتأثير في اسلوبك الشعري
أكتر حد بحب اقرأ له من اولى ثانوى هوه شاعر العامية الكبير الشاعر عبد الرحمن الابنودى بالاضافة الى الشاعر العبقرى المفضل ليس بالنسبة لى فقط بل الى الامة العربية بأجمعها و هو الراحل صلاح جاهين رحمه الله وانا مش بمزح لما اقول انه مفضل بالنسبة للعالم العربى كله ده كلام حقيقى لان من معلوماتى ان رباعياته حققت اعلى مبيعات ف الوطن العربى كله سنة صدورها.و بالاضافة الى ذلك الشاعر الكبير فاروق جويدة و أيضا الشاعر الكبير نزار قبانى و أكثر ما يعجبنى فيه تمكنه من الالفاظ بشكل كبير و كلامه متسلسل يجعل القارئ يعرف اين بدا و اين انتهى تشعر وكأنك تشارك ف القصيدة ليس فقط قارئ لها و اظن هذه اكبر ميزة تميز بها. بالاضافة الى ان اغلبية قصائده رومانسية فيها دائما حب ووفاء و اعتراف بجميل زوجته
احييكي على اختياراتك فعلا كلهم عظماء في الشعر بانواعه

.وهل تطلب من احد غيرك تقييم اعمالِك؟ ام تكتفي بمجرد عرضها عليه ؟
انا مش بطلب من اللى امامى انه ينقدهها انا بكتفى بطرح عملى و عليه انه ينقدها او لا حسب الرغبة
ولكن لو نقدها بالسلب او الايجاب ده دليل انها حازت القبول او نالت من تفكير المتلقى بعض الشئ
ده صحيح
وده دليل انها حركت داخله شعور معين او لمست جواه فكرة معينة و عموما انا اكتر انسانة بحب النقد بشقيه لان المستفيد الأول و الاخير من النقد هو من يتلقى النقد ويقبله


. ماهو رأيك بفكرة انشاء ديوان شعري لطلاب وشعراء المنتدى؟وهل لك ان تشارك باعمالك في هذا الديوان؟
يا ريت تبداوا ف الفكرة دى بسرعة لان انا بحبذ دايما الفعل ثم الكلام وليس العكس
واحنا ان شاء الله هنبتدي التنفيذ قريب جدا
و بالتأكيد انا معاكم و هشارك ان شاء الله
اكيد هتشرفينا
.اذا طلب منك تقييم أعمال شعريه ما الاساس الذي تتبعينه في هذا التقييم؟ وماهو شعورك عند تقييمك اعمالِك؟وهل يؤثر هذا التقييم على الاعمال التاليه؟وهل تطلب من احد غيرك تقييم اعمالِك؟ ام تكتفي بمجرد عرضها عليه ؟
لو اضطرتنى الظروف ان اعمل كناقدة لاى عمل شعرى اكيد اول حاجة اركز عليها الموضوع ثم اختيار الكلمات وخلوها من النشاذ ومعانى الكلمات و قبل كل ده انى احسها لان لو كانت كل العوامل دى متوفرة لكن انا حسيت ان فيه فتور ف الاحساس وان الشعور المطلوب من الموضوع لم يصلنى ساعتها هقدر اقول ان الموضوع ليس على مستوى جيد و انه فاتر و خالى من الاحساس لان ما يخرج من القلب يصل مباشرة الى القلب لذلك كان القول بان الشعر هو انفعالات شخصية
.أي انسان من الممكن أن يكون شاعرًَا اذا تمكن من مفاتيح اللغه ما مدى صحتها بالنسبة إليك؟وعليه فما متطلبات الشاعر حسب وجهة نظرك؟ وبم تنصح من يريد تنمية موهبته كشاعر لو لنقل وصوله لمرحلة النضح الادبي؟\

لا طبعا مش صحيح لان لو كان ده صحيح كان كل مدرسين اللغة العربية و اساتذة الكليات النظريه هم احق بالشعر و كنا نحن اصحاب الكليات العلمية اقل احقية بالشعر . من وجهة نظرى كلمة الشاعر -من معناها - تطلق على اى انسان مرهف الاحساس يتأثر بالمواقف و الانفعالات الشخصية من سعادة و حزن و امل و تفاؤل و تشاؤم .............الخ . فالرسام شاعر و الكاتب شاعر و المغنى شاعر...........الخ .فكل انسان شاعر بطريقته
القرأة و الاطلاع والاندماج مع الناس لكسب افكار لمواضيع جديدة هم اقصر و افضل الطرق لتنمية موهبة الشعر
. هل لك ان تقدمين لنا عمل لم يطلع عليه احد من قبل فيكون بمثابة انفراد لنا؟
و سط الاسماء الكبيرة دى ما ينفعش اقول حاجةلى لذلك انا هاقول حاجة للشاعر الكبير عبد الرحمن الابنودى من ديوان المشروع و الممنوع تحت عنوان المتهم
عشب الربيع مهما اندهس بالقدم
او انتنى ف الريح
بيشب تانى لفوق

يغنى للخضرة و طعم الالم
حبيبتى
و ان يسألوكى
قولى مسافر بعيد
رايح يقابل العيد
على قلعة فوق الجبل
ولا فى سجن جديد
فى غرفة ضيقة
فى ساحة الاعدام برمى الرصاص
و الا الخلاص فى خية المشنقة
مشوار بعيد المعنى عالى الصوت
اذا ما روحتوش اموت
و عالمى يتقفل
و الشمس تسحب خيوطها
و تنسحب فى خجل
و سعيد
كل ما قربت المواعيد
و هلّ صبح جديد
سعيد انا بكل اللى متألمه
كل الالم فى الدنيا متعلمه
فى زماننا ده
ما أخيب اللى الحزن يفطمه
تعبت اقرا الوجوه بحثا عن الانسان
و تعبت اقرا اليفط بحثا عن العنوان
كل الخرايط ما توضح
تبهت الاوطان
و يا أمى ان يسألوكى
لا يترعش لك حضن
و لا تردى بحزن
و تقولى مات فى السجن
ساعتها يبقى الحزن بلا موضوع
و السجن بلا موضوع
و الموت بلا أكفان
أنا أسفة مش هقدر أكمل لأنها طويلة جدا بس هى جميلة جدا و للاسف ما عرفتش أضع المقطوعات اللى عجبانى فيها لان هى لازم تتقرأ على بعضها
ولا يهمك احنا استمتعنا بالجزء البسيط ده وبنشكرك جدا عليه
. برأيك من افضل شعراء المنتدى ورجاء الاجابة بمنتهى الحياديه؟
أفضل حاجة بلاقيها على المنتدى ان كل واحد له طريقة معينة ف الكتابة مفيش حد بيكتب بطريقة او باسلوب زى التانى فبحس اننا بستمتع وانا بقرأ لاى حد و انا للاسف ما ليش اصدقاء على المنتدى علشان كده انا بقييم كل عمل بقرأه بمنتهى الحيادية و بقرأ العمل قبل ما أقرأ مين اللى كتبه

وبكده تكون حلقتنا خلصت النهارده
ونحب نشكر د نور عمرو على تواجدها معانا
ودلوقتي باب الاسئله مفتوح للجمهور
ونشوفكم على خير في حلقه جديده ان شاء الله
من برنامجكم لقاء مع شاعر
الى هذا الحين نتركم في حفظ الله ورعايته
والسلام عليكم ورحمة الله وبركاته

[DR.BIBO]

و باشكر كل اللي شاركونا و تابعونا .. دكتور أوركيدا و دكتور مشمش و متابعة البرنامج الأولى دكتور بيبو ( شكر خاص ليها طبعا ) .. و سعداء جدا بيكو معانا ..

والبرنامج جميل ويستحق المتابعة

ندخل بقى فى الحلقة

السلام عليكم
اذيكو يادكاترة متهيالى حفظتو صوتى معاكو صديقة البرنامج د.بيبو
واحب ارحب بالشاعرة الجميلة نور عمرو واحب اسالها كام سؤال
ايه احساسك مع اول قصيدة كتبتيها وكان اسمها ايه وياريت لو تقوليهالنا
دايما بيقولو ان العلم ملوش علاقة بالادب بالرغم ان فى شعراء كتير متخرجين من كليات علميه او ملهاش علاقة بالادب ياترى ايه السبب من وجهة نظرك؟
بتحبى تقرى لمين؟
ايه معنى الكلمات ديه بالنسبالك( الحب- الحياة- الصداقة-اللعب-السعادة-الاحلام)
ايه اقرب ماكتبتيه لقلبك وياريت تسمعهولنا
وشكرا وياريت مكونش زهقتك باسالتى

[asfourelgana]

والبرنامج جميل ويستحق المتابعة
جزاكى الله خيرا يا قمرنا وميرسي جدا ليكي

ندخل بقى فى الحلقة

السلام عليكم
اذيكو يادكاترة متهيالى حفظتو صوتى معاكو صديقة البرنامج د.بيبو
طبعا هو صوتك ده يتنسي ابدا
منورانا

شرفتنيا بمتابعتك

بس انتى اكيد صديقه دايمه للبنرامج ودايما منورانا

وعمرنا ما نزهق منك ابدا

[eman ahmed]

والبرنامج جميل ويستحق المتابعة

ندخل بقى فى الحلقة

السلام عليكم
اذيكو يادكاترة متهيالى حفظتو صوتى معاكو صديقة البرنامج د.بيبو
واحب ارحب بالشاعرة الجميلة نور عمرو
ميرسى كتير لك يا دكتورة بيبو على المداخلة الجميلة دى واحب اسالها كام سؤال
ايه احساسك مع اول قصيدة كتبتيها وكان اسمها ايه وياريت لو تقوليهالنا
انا ما كنتش بكتب قصائد دى كانت مجرد خواطر
ما كنتش بحس انى سعيدة ولا حاجة لانى ما كنتش بكتب من اجل النشر انا كنت بكتب لنفسى وزى ما قلت قبل كده انا بكتب من زمان قوى و اكيد اللى كنت بكتبه قبل كده يختلف كتير ف الاسلوب عن اللى انا بكتبه دلوقتى لان وقتها انا كنت صغيرة ومش متمكنة ولو انتى مصممة انك تاخدى سبق للبرنامج انا مش هحرمك من السبق ده
اصرخ....اصرخ اوعاك تسكت
اوعاك تنسى انك عربى
قول....قول وبعلو الصوت
قول الارض دى أرضى
قول الاقصى دى ملكى
قول القدس دى حقى
قول ...ما تخافشى
اعداءك دخلوا بلادك
دبحوا ولادك
حرقوا ونهبوا
وخربوا ارضك
اوعاك تسكت...اوعاك تنسى انك عربى
قول لعدوك و بصوت عالى
انا مش خايف انا مش ساكت
انا مش ناسى ياسين و الدره
انا مش ناسى صلاح الدين
ساعتها و بس الارض هترجع
و نعيش انا و انت ف فلسطين
ادّعوا بالكدب و قالوا علينا ارهابيين
يجوا يشوفوا غزة تحت حصار اليهوديين
اوعاك تسكت ...اوعاك تنسى انك عربى
فين العربى الحق يثور؟
عشان الراية البيضة تزول
و تروح الضلمة و يجى النور
و يروح الحزن و يجى بداله سرور على طول

اكيد اتضح الفرق بين اسلوبى النهاردة و اسلوبى اللى كنت بكتب به قبل كده لان دى انا كتبها من زمان جدا
دايما بيقولو ان العلم ملوش علاقة بالادب بالرغم ان فى شعراء كتير متخرجين من كليات علميه او ملهاش علاقة بالادب ياترى ايه السبب من وجهة نظرك؟
انا بدعم بداية المقولة وهى ان العلم ما لوش علاقة بالادب لان الادب بصفة عامة محتاج تذوق والانسان الذواق هو الانسان المحب للادب دون الاخذ ف الاعتبار التعليم سواء كان متعلما او لا ودون الاعتبار لنوع التعليم سواء كان نظريا او علميا
بتحبى تقرى لمين؟
[SIZE=6"]لو تقصدى القراءة بصفة عامة فأنا لا احب القراءة و اميل دائما الى تلقى المعلومة المرئية او المسموعة و الكتب التى قرأتها ف حياتى تتعد على الاصابع زى ما بيقولوا وهيه هل هو عصر الجنون لمصطفى محمود -لاول مرة لانيس منصور-عصفور من الشرق لتوفيق الحكيم و الكثير من الكتب الدينية و هى كانت عبارة عن جوائز او هداية بالاضافة الى القليل من كتب الشعر وكل ده قرأته فى محاولاتى المستمرة لحب القراءة ولكن جميعها باءت بفشل ذريع[/SIZE]
ايه معنى الكلمات ديه بالنسبالك( الحب- الحياة- الصداقة-اللعب-السعادة-الاحلام)
الحب....[COLOR="[COLOR="Indigo"]أكيد كل واحد له معنى مختلف للكلمة دى بس بالنسبة لى انا تعنى العطاء
الحياة........بالنسبة لى انا كلمة اكيد بتعطى لى قدر كبير من التفاؤل و قدر كبير من الخوف
الصداقة.......أحلى و اجمل و افضل وانقى واصفى مسمى ف الوجود و على الرغم من ان انا عندى اصدقاء قدام جدا و بعتز دايما بصداقتهم فأنا ف بحث دائم عن الاصدقاء ولا استغنى عن هذه الكلمة ابدا ف حياتى
اللعب.......ما افتكرش انه موجود ف حياتى ولو وجد بيبقى كنوع من الترويح عن النفس لا يستمر كثيرا
السعادة........هدف اى حد ف الحياة وكانت وما زالت و ستبقى هدف صعب الحصول عليه لان الانسان بطبيعته طماع لايرضى و دائما يسعى للافضل ولكن هذه الكلمة رغم بساطتها تبقى لغز ف حياة اى انسان و يبقى ف بحث دائم عن حل لهاو لهذه الكلمة ايضا معنى مختلف عند كل انسان
الاحلام.....كلمة هادئة عذبة اسعى دائما ان تبقى ف حياتى و ان يساعدنى الله دائما على تحقيق ولو جزء بسيط منها
ايه اقرب ماكتبتيه لقلبك وياريت تسمعهولنا
مفيش حاجة للاسف اقدر اقول انها مميزة او قريبة الى قلبى ولكن احلام الصبايا كتير دعمها و كتير قالى انها حلوة قوى وهى موجودة على المنتدى تقدرى تقرايها و يا ريت تحوذ على اعجابك
وشكرا وياريت مكونش زهقتك باسالتى
لا ابدا يا حبيبة قلبى ما تقوليش كده ومرة تانية ميرسى على مداخلتك الجميلة ويا ريت ما تحرميناش ابدا من صوتك الجميل ده

[asfourelgana]

بنشكر د نور على ردها الجميل ده

وطبعا بنشكرها على السبق اللي قدمته لينا

وبنشكر اكيد د بيبو لأن هى السبب في السبق ده

[M.Hegazy]

الحلقه ان شاء الله بعد قليل

اعلانات البرنامج

بعد قليل سيتم اذاعة الحلقه مع ضيفه لطالما كانت خفيفه على المنتدى

رقيقه في كتاباتها

احبت رغم العتاب

وحلمت باحلام الصبايا

و ردت عن مجنون ليلى بقلمها وكلماتها

اعتقد بكده خلاص عرفتوها

وهي د EMAN او كما اختارت لنفسها اسما على المنتدى

نور عمرو
أهلا بالدكتورة إيمان و نورت حلقتنا طبعا .. و شكر عميق للدكتور عصفور الجنة على التقديمة التي تستحقها الدكتورة إيمان بجدارة .. إعلان ممتاز جدا و جاب من الآخر .. و تنظيمه و ترتيبه و كلماته منتقاة بدقة .. عمل بارع و أكثر من رائع للدكتورة عصفور الجنة .. بأحييها عليه .. و سلمت يمينك ..
انتظرونا

الحلقه الثالثه

ضيف الحلقه: نور عمرو

مقدمة الحلقه: asfourelgana

السلام عليكم ورحمة الله وبركاته
و عليكم السلام و رحمة الله و بركاته ..
ازيكم يا احلى شباب في الدنيا
........................
شباب منتدانا الحبيب بنرحب بيكم في حلقه جديده من برنامجنا وبرنامجكم

لقاء مع شاعر

والنهارده ضيفتنا من ارق الضيوف في المنتدى

تطل من حين لآخر باطلاله ادبيه جميله دائما ما تمتعنا بها

نرحب معا بدكتورة نور عمرو

ماشاء الله .. الدكتورة إيمان شخصية مذهلة و ذكية جدا .. و لها عبقرية خاصة .. و لها نكهة شخضية مختلفة .. سعيد جدا بتواجدك معانا النهاردة و شرفتنيا بمشاركتك .. و نورتي البرنامج و نتمنى حضرتك تتابعي معانا الحلقات الجاية ..

بالنسبة بقى لحلقة النهاردة .. إمتاع و تشويق و إبداع .. اقسم بالله زي ما يكون قاعد بتفرج على التلفزيون .. مذيعة عبقرية و شاطرة جدا و مجتهدة .. بان الكلام ده في حلقة النهاردة .. حركتي الحلقة و خلتينا نحس إنها حقيقية جدا .. حسيت بيها الحلقة و حبيتها جدا و هي أحسن حلقات البرنامج في التقديم إلى الآن .. غيرتي الأسلوب و الطريقة و الكلمات .. ضيفتي لمستك على الحوار فأصبح حوار حي .. ما شاء الله حلقة جنان .. و جامدة جدا جدا .. خرجتينا من الروتين المعتاد و غيرتي النمط و الطريقة .. ما شاء الله .. حلقة جميلة جدا .. و تقديم مذهل .. سلمت يمينك ..

asfourelgana;379236]]شرفتنيا بمتابعتك

بس انتى اكيد صديقه دايمه للبنرامج ودايما منورانا

وعمرنا ما نزهق منك ابدا[/quote]

أكيد طبعا دكتورة بيبو .. دايما منوراني و سعداء جدا بيكي و بنعتبرك من أسرة البرنامج .. سعداء دايما بوجودك معانا و مشاركاتك اللي بتزود الحلقة جمال و متعة .. تابعينا ..

بنشكر د نور على ردها الجميل ده

وطبعا بنشكرها على السبق اللي قدمته لينا

وبنشكر اكيد د بيبو لأن هى السبب في السبق ده

اتشرفنا جدا بالدكتورة إيمان ( نور ) النهاردة .. و حلقة ممتعة جدا .. و بنشكر كل من تابعنا و شاركنا و ساهم معانا في إنجاح هذا البرنامج .. استنونا الحلقة الجاية ..

و دمتم في رعاية الله و حفظه ..

[eman ahmed]

[QUOTE=M.Hegazy;379331][COLOR=Navy][SIZE=5]ماشاء الله .. الدكتورة إيمان شخصية مذهلة و ذكية جدا .. و لها عبقرية خاصة .. و لها نكهة شخضية مختلفة .. سعيد جدا بتواجدك معانا النهاردة و شرفتنيا بمشاركتك .. و نورتي البرنامج و نتمنى حضرتك تتابعي معانا الحلقات الجاية ..

مش لاقية كلام اقوله بعد الكلام الحلو ده .ميرسى كتير لحضرتك يا دكتور و المفروض احنا اللى نشكر حضرتك على الفكرة الرائعة دى و الاخراج المتميز ده.ميرسى جدا لحضرتك