تقييم امتحان العقاقير

[dr_smile]

الحقيقه فعلا د هانى وعد ووفي بوعده

لأنه قال ان الامتحان اللي هو هيجيبه هيتحل

والحمد لله ان ربنا وفقنا كلنا في جزأه

وانا بجد مش ندمانه غير انى ركزت على جزء د جوهر

لأن اللي هو عمله مكنش في مصلحتنا

بس عموما الحمد لله

وبالنسبه للشفوي يا جماعه انا سمعت ان الدكاترة بتوعنا بيراجعوه

ومبيبقاش في اقل من 22 هى صحيح درجة قليله

بس على الاقل احسن من اللي اقل منها

ياريت يا دكتورة يعملوا كدة فعلا ياريت
عشان بصراحة فى دكاترة امبارح زودوها اوى

[asfourelgana]

انا عارفه والله يا دكتورة

ان الشفوي بيطلع ناس في السما

وناس تانيين يخسف يهم الارض

بس متقلقيش ربنا مبيضيعش تعب حد

واحنا بجد كلنا تعبنا وان شاء الله الدكاترة

زى ما قدرو ده في الامتحان ان شاء الله هيقدروه ف الشفوي

وربنا يستر

[Mohamed Al Gohary]

شكرا ل د.هاني نشأت ... بجد ربنا يباركله علي امتحانه ده...لولا انه راعي مصلحة الطلاب في وضعه للامتحان كان هيبقي في طلاب كتير قوي هيضيعوا في المادة دي ... لو دي الجودة والاعتماد يبقي اهلا بيها بجد ...

دكتور هاني هو نائب مدير وحدة ضمان الجودة من ساعة ما اتعملت في الكلية

[خير الله]

الحمد لله الامتحان كان معقول
يعنى موش سهل وفى نفس الوقت موش ميتحلش
جزء د- احمد كان كووويس جدا عكس ما توقعته
وخاصه انى كنت تقريبا داخله بجزءه بس
والشفوى كانت دكتوره كويسه ودرجاتها حلوه
وربنا يستر ف الباقى

[Anas]

الحمد لله

الامتحان كان أفضل بكتير من كل التوقعات

جزء د/أحمد جوهر كان جميل بس للأسف يعيبه توزيع الدرجات
الكواليتي كنترول اتشرحت في 6 محاضرات و جت ب 15 درجة
و البيو اتشرح في 4 محاضرات و جه ب 24 درجة
كانت توزيعة غير عادلة بكل المقاييس

بس في نفس الوقت الأسئلة كانت مباشرة جميلة جدا مفيش فيها حاجة غريبة

جزء د/هاني كان لا غبار عليه
أسئلة مباشرة و واضحة و صريحة
و حتى أنا كنت سايب الأيون و الجل يادوب معلومات عامة
و جبت فيهم الحمد لله درجات بفضل الله
بس طبعا نقصت قصادها في اللي كنت مذاكره

و الشفوي الحمد لله كنت عند د/محمد عامر ربنا يكرمه

الحاجة الوحيدة اللي فضلت مضايقاني طول اللجنة ان في درجة ناقصة !!!

أقلب في الورقة يمين شمال لدرجة اني بصيت على صفحة التعليمات و المسودة

بس مفيش فايدة ... برضه في درجة ناقصة

--------------

اللهم أتم علينا نعمتك و عافيتك و سترك في الدنيا و الآخرة

[ahmed helmy]

الامتحان بالنسبه لدكتور احمد جوهر كان حررررررررررررررررررررررررررررررررررام
يعني اللي ساب البيو يلاقي عليها في الامتحان 26 درجه
والكواليتي اللي ذاكرتها كويس
تجي اسئلتها من اخر ورقه وباقي المنهج مش عارف راح فين
بس بصراحه دكتور هاني ده جنتل اوي
يعني انا ذاكرت الجاز بس وحليت معظم اسئلته كويس
واللي زاد وغطي الشفوي بس يلا بقي ربنا يستر
يعني خلاصه الامتحان اللي ذاكر البيو في جزء د احمد
هو اللي هيفلح

[Mohamed Al Gohary]

الحاجة الوحيدة اللي فضلت مضايقاني طول اللجنة ان في درجة ناقصة !!!

أقلب في الورقة يمين شمال لدرجة اني بصيت على صفحة التعليمات و المسودة

بس مفيش فايدة ... برضه في درجة ناقصة

حصل معايا في ميديسنال تيرم اول السنه اللى فاتت كان فيه درجتين ناقصين في جزء الدكتور سعيد .. برضه قلبت الورقه وفليتها وملقتهمش

[Dr kajol]

انا بقى معترضه ان اللى زاكر بيو هو اللى فلح فى جوهر بالعكس خالص
انا اسفه انا شايفه ان دكتور احمد جوهر ساب المعلومات الاساسيه وسال فى حاجات فى منتهى الغباء لا والمودل انسر اغبى واغبى يعنى ايه the main ****bolite pathways in plant تبقى اجابتها 2ry ****bolic pathways
يعنى بعنى النبات بعد ما بيعمل فوتوسينسز بيخترع ويطلع acetyl coA من دماغه من غير جليكوليسز ولا عايز atp من كريبس سيكل ولا حاجه {no comment}
وكمان mevlonic a synthesis فى عنده 600 حاجه اهم من النقطه دى يجبهم قبل ما يفكر يجيب دى

stomtal no دى حاجه نفسيه بقى واللى فيها د عايز يثبت انى سبريور بالنسنه للطلبه وكمان الدرجه اللى انتو بوروا عليها ناقصه هى دى عليها درجتين لان الماتشينج كان 7 وعليه تمانيه

المشكله مش فى ده كله انا ما بقتش فاهمه هو المطلوب مننه اي يعنى مش المهم انك تذاكر ولا المهم انك تعرف الحاجات المهمه فى المنهج ومش المهم اننه ندخل الامتحان دكتور بعقليه دكتور جوهر يثبتلك انك ولا حاجه وكل مجهودك ده
انا مابقيتش فاهمه هو احنا كنا الاول بنقول يللا مش مشكله ادينا بنزاكر للامتحان وبس ومش مهم نتعلم حاجه من الكليه حتى دى ما بقيناش عارفين نعملها

[ahmed helmy]

انا بقى معترضه ان اللى زاكر بيو هو اللى فلح فى جوهر بالعكس خالص


اولا انا مفتحتش الجزء خالص فمعرفش الاسئله كانت صعبه ولا سهله
ثانيا كون يجي علي الجزء 25 درجه وهو 6 ورقات( اللي ذاكره اكيد هيحل فيه)
ثالثا ده راي الناس اللي خارجه من الامتحان وكانت مذاكره
رابعا انا سمعت فعلا ان نموذج الاجابه كان غير موفق

[asfourelgana]

انا بقه مبحبش اشوف نموذج الاجابة اصلا

لأنه غالبا نموذج من منج غير اللي اتشرح لنا

او يعني بمفهوم معين ميقدرش يفهمه غير العقليات اللي اكبر مننا

وفي الاخر هنعمل ايه يعني

اللهم لا اعتراض