المشاركة الأصلية كتبت بواسطة AmbiTiouS BuzZarD
التفكير ده وقتى بمعنى ان الشخص لو
عملك اي حاجه ايجابية هتنسى
اى حاجه سلبية عنه فى حينها
وهدفنا اننا ما نركزش على
اى حاجه سلبية تصدر منه
لان فيه ناس دائما وابدا بتركز على السلبيات
فقط وده بيأثر على علاقتها بالاخرين
وبتنسى وتتجاهل الايجابيات فى حياتها
جزاكم الله خير على المرور
حضرتك ممكن تكونى تقصدى التفكير الذى يستدعيه موقف حدث بين شخصين
وبالتالى يندفع الشخص بالاتخاذ القرارات النابعه من فكره هى سلبيه جدا ويتناسى كل الايجابيات التى جمعتهمها
يارب أكون فهمت صح
وشكرا على التوضيح دكتوره الاء
وطبعا منتظر القادم وياريت يكون بسرعه عشان ألحق أقرا أكبر قدر قبل ما أسيب البيت وأسكن فى المدينه
الفكر يؤثر على الاحاسيس
ان الاحاسيس هى وقود الانسان
وهى رد الفعل الطبيعى للى بيحصل جوانا
ولما تيجى تفكر فى حاجه ايجابية
اكيد هتحس باحساس جميل
والعكس لما تفكر فى حاجه سلبية
هتحس باحساس سيء
وبشع فى بعض الاحيان من شدة الفكرة
وخد على كده المثال ده
مدرب تنمية بشريه بينظم ندوة
وكانت الندوة على سفينة
وقبل ما يقدم اى حاجه عن الندوة
مسك المايك احد المساعدين وقال :
( ان السفينة ممكن تواجه بعض الامواج
فلو حد حس بأى دوار او دوخه
ده طبيعى بسبب دوار البحر
وممكن يطلب الحبوب الخاصه بالدوخه دى
وكانت النتيجه ان معظم الحاضرين
شعروا بدوار ودوخه وطلبوا الحبوب
وبناءا على ذلك طلبوا انهم
يكملوا المحاضره فى الفندق
وكل ده بسبب كلمة اتحولت لفكرة
اثرت على مسار المحاضره بأكملها
خد بالك مش اى كلمه تخليها تأثر على احاسيسك
وطبعا الفكره دى اثرت على الاحاسيس
وطبعا الذهن والجسد(زى ما قلنا )
وسيطرت تماما على صاحب الفكرة
ولنا بقيه
(الفكر بيأثر على السلوك والنتائج )
(الفكر بيأثر على الثقة بالنفس والتقدير الذاتى )
( الفكر بيأثر على الحالة النفسية والصحية )
تحياتى
الاء الامام
شكرا دكتوره ألاء
وطبعا لازم أكمل الموضوع ده للنهايه
ويارب أقدر أنفذ ولو جزء مش قليل منه على أرض الواقع
الحلقة الثالثة : الفكر يؤثر على الجسد
العقل والجسد يؤثر كل منهما على الاخر
فما تفكر فيه وتقوله لنفسك ياخذه المخ وبركز عليه
فيشعر الانسان بجسده يتأثر بهذه الفكره
معنى ذلك ان ما تفكر فيه يركز عليه ذهنك ،
فلو كنت بتفكر فى حاجه بتؤلمك هتحس بكده
ولو فكرت بحاجه تحبطك جسمك هيشعر بيها
ولو فكرت بحاجه تبسطك اكيد هيأثر على جسمك
وفيه حاجه تانيه مهمه اوى
ان العقل عنده القدره على علاج الجسم
ومساعدته على التخلص من الالام باذن الله
وده بناءا على افكارك
وفيه بحث غريب جدا : ان هتلر لما حب يعذب بعض جنوده
فى الحرب العالمية التانية
لانهم ما نفذوش اوامره ،
امر ان كل جندى يوضع لواحده فى غرفه صغيرة جدا
ويقولوا لكل واحد مهنم انه بيتنفس
صنف من اصناف الغازات السامة وانهم هيموتوا ،
وده تهديد مش حقيقة ،
وتخيل ان النتيجة ان 2 منهم ماتوا وواحد حالته خطيرة جدا
رغم ان الموضوع كذبة وده كان عقاب نفسى مش اكتر
وده كله من الافكار اللى حطوها فى دماغهم من العقاب ده
والجسد تأثر بيها ومات
تعالى جرب دى كده مع بعض
تخيل ان الساعة الثانيه بعد منتصف الليل
وانك بتشوف فيلم اجنبى رعب
واعصابك مشدوده جدا وفجأه رن التليفون فجأه
ياترى ايه اللى هيحصل لجسمك نتيجة بس انك فكرت فى الوضع ده
طب تخيل انك قاعد فى حديقه جميلة جدا
ومع شخص عزيز عليك جدا
والجو جميل ومرتاح نفسيا اوى
لاحظ جسمك عامل ازاى وتنفسك وطاقتك
وده كله بس علشان فكره فى دماغك
وعشان كده قرر من اليوم ورايح
انك تختار انك تفكر فى ايه
لان ده بيأثر على جسمك وطاقتك ومدى نشاطك
يارب تكون عجبتكم
ولنا بقية ان شاء الله
تحياتى
الاء الامام
أولا شكرا لحضرتك
وفعلا كلام مظبوط جدا
واكيد ده من أحد الاسباب بالعلاج النفسى قبل العلاج البدنى
كمان ده ممكن يكون احد الدلائل على صحه نظرية النسبيه
بجد جمييل وياريت حضرتك تكمليه بسرعه دكتوره ألاء
جزاكى ربى كل خير
يا جماعه هوا لى فى بداية الموضوع كل الناس تقول هانتابع بعد كده
العدد اللى بيكمل يقل جدا
باذن الله معدل نزول الحلقات هيزيد
واتمنى من الجميع المشاركة
الحلقة الرابعة :
الفكر يؤثر على التقدير الذاتى والثقة بالنفس
صورتك الذاتية بتأثر على نجاحك او فشلك
الثقة بالنفس هى الفعل مع الاعتقاد
انك مهما قابلت من تحديات وصعوبات
سواء كانت داخلية او خارجية
انت قادر باذن الله ان تحقق هدفك
وتوصل للى انت عايزه
ازاى الفكره بتأثر على كده؟؟؟؟؟؟؟؟
انت واثق من نفسك فى حاجه معينة
وانت متأكد من كده
بس اول ما قابلك تحدى فى حياتك
اعتقدت انك فاشل ومش واثق من نفسك
وانك مش هتقدر تواجه التحدى ده
وده كله بسبب فكرتك انك مش هتقدر
والفكرة دى هتخليك حتى ما تحاولش
انك تفكر انك تخرج من التحدى ده
وبناءا عليه هتعتقد انك مش واثق من نفسك
وتبدأ تتخلى عن احلامك وتفشل فى حياتك
يبقى لازم تكون متأكد انك قادر تواجه
كل التحديات اللى ممكن تقابلك
مهما كانت حالتك النفسية او المادية
او حتى الشخصية
ايه الشخصية ؟؟؟؟
ايوا ممكن تغير شخصيتك فى صفة معينة
علشان توصل لحلمك وهدفك
واوعى تفقد الثقة انك ممكن
تعمل اى حاجه عشان هدفك
وانك قادر تعمل اى حاجه عملها حد قبلك
هتقولى قدرات وامكانيات !!!
هقولك ممكن تعملها فى وقت اطول
او بمجهود اكبر او بتضحييات اكتر
بس قادر انك تعملها
ولو عايز ثقتك فى نفسك تزيد
ازرع الافكار الايجابية دائما وابدا
فى ذهنك علشان جسمك هيتأثر بيها
وبعدين احساسك ومن ثم
سلوكك ونتائجك وواقع حياتك
ولنا بقية ان شاء الله
تحياتى
الاء الامام
مش عارف حاسس ان الكلام ده موجهه ليا شخصيا
شكرا دكتوره ألاء
جزاكى الله كل خير
جزاكم الله خير على المرور
ضوابط المشاركة
رد مع اقتباس