إعلان أسماء أوائل الثانوية العامة

[muna7assan]

المجاميع السنه دى كنت متوقعه انها تكون قليله جدا
بس لقيت ناس كتير مجاميعهم كبيره ما شاء الله
سمعت عن 97.5 و 97 كلهم تانيه

~~~~~~~~~

يوم نتيجه تانيه ثانوى كنت طالبه حق اللجوء السياسى وهربانه عند عمتو الله يرحمها

كانت 98% وفرحت جداااا وكنت الرابعه على المدرسه

فى سنه تالته كانت اول مره اعرف يعنى ايه حد يعيط من الفرحه

جبت برضو 98 % فى السنتين بالمستوى وبرضو طلعت الرابعه

[مشمشة]

امممممممممم

يوم نتيجة الثانوية العامة

بصراحة مش فاكرة كان ايه شعورى بالظبط

لانى عمرى فى حياااااتى ماشلت هم نتيجة .......خالص


بس الى انا فاكراه انى فى تانية جبت مجموع .......

مفيش داعى لذكره



وعادى ولاهمنى

والمدرسين كانوا بيقولوا انتى اللى عملتى كدة فى نفسك .

انتى لو بتذاكرى قد مابتروحى المسابقات دى ....كان زمانك حاجة تانية

وكنت كميا وكله قالى حولى رياضة بدون تفكير

انا اساسا كنت ناويةى على كدة لانى بحب الرياضة جدااااااا

بس سبحان الله صليت استخارة كتير جداا ولقيت نفسى بتجه للاحياء بعد مااخدت دروس رياضة2

وفى تالتة بقى الحمد لله جبت 100.2 الحمد لله بالمستوى دى ببركة دعا الوالدين طبعا

الحمد لله

بس والله الثانوى ده أحلــــــــى أيــــــــــام حيــــــــــاتى

[د///*مطحونة*\\\]

مش هقول غير حسبنا الله وتعم الوكيل

[A.Elrayes]

المجاميع السنه دى كنت متوقعه انها تكون قليله جدا
بس لقيت ناس كتير مجاميعهم كبيره ما شاء الله
سمعت عن 97.5 و 97 كلهم تانيه

~~~~~~~~~

يوم نتيجه تانيه ثانوى كنت طالبه حق اللجوء السياسى وهربانه عند عمتو الله يرحمها

كانت 98% وفرحت جداااا وكنت الرابعه على المدرسه

فى سنه تالته كانت اول مره اعرف يعنى ايه حد يعيط من الفرحه

جبت برضو 98 % فى السنتين بالمستوى وبرضو طلعت الرابعه

أنا برضوا زيك اول مره اعرف معني كلمة عيط من الفرحه كانت تالته ثانوي لما لقيتني جايب 101 في الميه ومجموعي كله 98.8 كنت بعيط وبضحك في نفس الوقت كانت اسعد لحظات حياتي

مش هقول غير حسبنا الله وتعم الوكيل

حسبي الله ونعم الوكيل في مين بس يا دكتورة ايه اللي مضايق حضرتك

[د///*مطحونة*\\\]

حسبي الله ونعم الوكيل في مين بس يا دكتورة ايه اللي مضايق حضرتك

هيكون ف مين يعنى يا دكتور
اكيد الناس اللى مفكرين ان مصاير الناس لعبه ف اديهم
نسبه السقوط عاليه جدا
والمجاميع معظمها وحش جدا جدا جدا
والمواد اللى قالوا ان درجات الاسئله الصعبه اللى فيها هتتوزع اعتقد انه كان كلام ف الهوا

بس خير ان شاء الله
ومنهم لله برضو

[*Aya*Verse*]

كل سنة مع نتيجة الثانوى الواحد يعقد يفتكر ف يوم النتيجة وانا كل 3 دقايق ادخل ابص النيجة بانت ولا لسه حتى ماما انهاردة قعدت تفكرى بالعمايل اللى كنت بعملها
كنت ببقي الى حد ما متماسكة
ف تانية ثانوى سيبت النتيجة كلها ومن قبل مااعرف مجموعى الكلى كام و قعدت اعيط ع درجة الاحياء عشان كنت متوقعة جدا انى اقفلها بس نقصت درجتين ونص بحالهم
ف ثالثة كنت زى ما اكون بايعة القضية يعنى كنت كوووووووول ع الاخر وبغض النظر عن درجة الفيزيا كنت فرحانة جدا عشان مجموعى زاد عن تانية
وقعدت ليوم التنسيق قلقانة وبدعى ربنا انه يرزقنى الكلية اللى نفسي فيها
ويوم نتيجة التنسيق اول ما شوفت صيدلة المنصورة اول مرة اعيط من الفرحة زيك يا منى و كنت حاسة ان الدنيا بطير بيا عشان الحمد لله بعد التعب وشدة الاعصاب ان ادخل الكلية اللى نفسي فيها طوووووووووول حياتى
يااااااااااااااه الحمد لله
ايام

[مشمشة]

د\\\*مطحونة *\\\............

انتى لكى اخت فى ثانوى صح؟

يارب تكون بخير ان شاء الله

[زهرة الياسمين]

ياااااه
يوم النتيجة..
فى تالتة ثانوى كنا بننقل
ومش فاضل فى الشقة القديمة غير حاجات بسيطة والتليفون
بعد العشاء رحت انا وبابا للشقة القديمة
وصيت اصحابى يجيبوهالى معاهم
وقعدت اوضب فى الشقة
لغاية ما بدأت الاتصالات
ماحدش عارف يجيبهالى
نزل بابا لسايبر واناوقفت فى البلكونة استنى
لقيت جارتنا بتقول الموقع فاتح عندها
مليتها رقم الجلوس من البلكونة
وجابت لى النتيجة قبل بابا ما ييجى
98.5الحمــــــــــــــــد لله

[Anas]

ده على كده الواحد كان فاقد الاحساس

[a_fouda2]

يوم تالتة ثانوى يوم لا ينسى بالنسبة لى

أنا كنت خارج من أوضة العمليات من المستشفى قبليها بيوم تقريبا
وكانت حالة زايدة مستعصية والبنج كان عامل معايا أحلى شغل وكنت بمشي فى البيت بالعافية

وطبعا لا انا قادر أروح فى حتة ولا قادر أنزل وكمان النت عندنا كان مفصول

واللى يغيظ بقى قاعد بتحايل على اخويا ينزل يجيبهالى وهو يقولى يا عم كبر انت مش حالل كويس خلاص ان شاء الله خير

بجد كان نفسي ساعتها أولع فى نفسي

بس الحمد لله الدرجات جاتلى بعد كده أبويا جابهالى غلط زايدة 3 درجات وبعدين واحد صاحبي جابهالى بعد كده مظبوطة