امتحانات فى صحراء كلية صيدلة ولا وجود حتى للمياه الجوفية

[Dr/HULK]

اوعدك بده في السنه الجديده ان شاء الله
ومشاريع تانيه بتخدم الطالب

ربنا يسهل

بس خد بالك انت وعدت وانا مش بنسى

[Mohamed Al Gohary]

الكلام مكتوب على المنتدى .. .. وانا الموضوع ده فى دماغى بعد ما يأست من الكولديرات القديمة .. وباذن الله هعمل كل اللى في وسعي عشان الموضوع ده يتحقق وفيه حاجات تانيه في دماغى .. ربنا يكرم وتنجح بإذن الله ..

والله المستعان

[DR_EMY]

موضوع المظلات ده مهم جدا ومتهيأ لى معظم الناس بتشتكى منه بس تفتكروا توفير المظلات والكولديرات ده هيتحل قبل ما نسيب الكلية

[محمدابراهيم سلمان]

على رأيك والله ياخلاف انا صارف امبارح عشرة جنية على الشرب بس هنعمل اية بس؟ يارب تعبنا وعطشنا وسهرنا يجى على فايدة ونعدى ان شاء الله

[ms_Belladona]

لا حتى على الشمس اللى بتضرب فى وش زمايلنا واللى بتأدى لتغيير الاماكن فى اللجنة

وحتي بعد ما المكان يتغير برده ما فيش فايدة
أصل ماينفعش تحس ان الجو حر بس لازم أشعة الشمس تضرب في وشك عشان تتأكد
دة الواحد قبل مايجيب القلم الي هيكتب بيه بيجهزعلبة المناديل
ربنا يصبرنا ويهون علينا الفترة دي بقة ياااااااااااااااارب

[ahmed helmy]

انا الحمد لله طول عمري بمتحن في المدرج
وامتحنت في الطرقه سنه واحده (سنه اولي) وهي السنه الوحيده اللي عديت 70% فيها
وبالنسبه للمظلات فهما عملوا مظلات عند شباك الشؤون ومظلات للعربيات
اما حكايه الميه دي فخلاص انا اللي بيروي عطشي حاليا هو ميرندا برتقال

[...مصر...]

أنا يشوف إن في حاجات لازم الكلية تهتم بيها وتربي فينا حاجات إننا ما نقعدش في أي مكان كده أو نشرب من أي حاجة ولازم تعودنا على النظام ولو الكلية ما ادتناش وضعنا فمانلومش الدكاترة لو قللوا من مكانتنا وفي حاجات بتحرج قدام الدكاترة الاكسترنال كمان وممكن تديهم انطباع مش كويس عننا

[طيور الجنه]

انا فعلا كنت همووووووووت من العطش لدرجه انى شربت من ميه الخزانات وما ادراك ما ميه الخزانات والكائنات اللى بتعيش فى الخزانات دى على الاقل ضفاضع
لدرجه ان الداده استغربت منى ومن اصحابى وقعدت تقولنا بلاش
وكان لسان حالها بيقول دول دكاتره دول
يييييييع

هى ميه الخزانات دى اللى هى فين ؟؟؟

[Mohamed Al Gohary]

اكيد طبعا هي ماء الحنفيات اللى فى الحمامات ..

[طيور الجنه]

اكيد طبعا هي ماء الحنفيات اللى فى الحمامات ..

والله ما كنت اعرف