جزاكم الله خيرا يا DR / MIDOO على الموضوع الجميل دة....
و فعلا يا جماعة فيه مشكلات كتييييييييير إحنا بنعانى منها و نفسى كلنا كمسلمين نبطلها:
1- بضم صوتى لصوت queen و sowtrig مشكلة التدخين فى مصر..... ظاهرة مش ظريفة على الإطلاق
؛ المدخن دة مش واخد باله من أنه بيأذى نفسه و بيأذى غيره و بيجهر بالمعصية و بيصرف فلوسه فيما لا يرضى الله و كمان قدوة سيئة لغيره ...... يبص لنفسه فى المراية
2- بضم صوتى برده لصوت sokar .... أين نحن من الالتزام بالمواعيد..... امتى بقى هنلتزم بمواعيدنا شوية
...... لو كل واحد بدأ بنفسه أكيد هيغير عشرة على الأقل من الناس اللى حواليه و هكذا .....
3- نفسى برده كل واحد يعمل جدول لنفسه يمشى بيه و عليه ..... دة برده هيفرق كتييييييييير ..... نيجى فى أخر اليوم نحاسب نفسنا ..... مش سايبناها كدة بظروفها ... دة نوع من السلبية.
4- و شكل أخر من السلبية ... ألا و هو " التسويف " و دة اللى موادينا فى داهية..... هذاكر بكرة .... لا لما تيجى الامتحانات ..... لا الترم التانى ..... و كذلك هصلى بكرة .... لما ربنا يأذنلى ..... ربنا يسهل .... و هكذا ..... لحد مبقاش عندنا تقدير لقيمة الوقت .
5- الولاد اللى بتقف فى الشارع لا شغلة و لا مشغلة ....... واقفين يعاكسوا فى البنات ... تعليق بايخ .. مش عارفة إيه الفايدة اللى بتعود عليهم من دة كله ..... و لا تجريح و خلاص .
6- برده الاستيقاظ متأخر .... و السهر أدام التلفزيون أو النت طول الليل نفسى فعلا الموضوع دة يتغير و دى مشكلتنا كلنا ...... يا سلام لو نبدأ نظبط مواعيد نومنا و أكلنا شوية ..... أكيد هيرجع النشاط و الحيوية و البركة بتاعة زمان.
رد مع اقتباس
المشاركة الأصلية كتبت بواسطة طموح صيدلانيه
.... و أسلوب العرض رائع ..... و كل كلامك صح 100% ....... يارب كلنا نتعظ من الكلام دة يا جماعة ..... و فعلا الفتور فى المعاملات دى أكتر حاجة بتهد المجتمع 
