ما هى صفات فتى أو فتاة أحلامك !!!!

[M_DE3BES]

ان تتق الله

[دكتور فاتن]

انا نفسى يكون متدين جدا وزوش ومش مهم الجمال طبعا يكون مقبول واهم حاجة يحبنى اوى اكتر ما هحبة ويخاف عليا ويكون دايما جمبى فى كل الاوقات ويسعدنى بكل شئ وتكون شخصيتة قوية جدا ومستواة العلملى مش اقل منى بس مش اكتر ولو لقيت الشخص دة اكيد هسعدة اوى

[** L0$T H@ppinesS **]

بسم الله الرحمن الرحيم...
الحمد لله رب العالمين والصلاه والسلام على اشرف المرسلين ثم اما بعد : فإن هذا الموضوع اخ ميدوووو يحتاج الى شيىء من التروى ياباشا اولا .وان تقف لحظه بينك وبين نفسك ... لترى ما مواصفاتها بالظبط كما يزنها عقلك ,,,
وانا توسمت فيكم ...هذا التروى ايها الإخوه .. واشكركم على هذه الصفات الرائعه ...ووفقكم الله جميعااا إن شاء الله
والسلام عليكم ورحمه الله وبركاته ..

[kaaakaaa]

اية الكلام الجامد دة يابوحميد


يابني انا عايزك تكون جملة مفيدة

[Aésmaïl]

أولا لازم نطبق كلام رسول الله (ص) : ((
تنكح المرأة لأربع لمالها ولحسبها ولجمالها ولدينها
فاظفر بذات الدين تربت يداك ))
****أما عن نفسى بقى .... فهى حاجات بسيطه جدا جدا ...
* فى الأول والأخر التدين اساس كل شيىء ويندرج تحت اسم التدين ده حاجات كتيره جدا (( الصدق & حسن المعامله & الأخلاق )) .
*المستوى العلمى و الفكرى .... لازم يعنى يكون حاجه عاليه ( طب & صيدله & هندسه & إعلام & سياسه واقتصاد) لا بلاش خالص موضوع الجواز ده

*نيجى بقى ياشباب لموضوع الجمال وحط يا معلم بقى مليون خط تحت الكلمه دى ... معظم الشباب يهتمون بالجمال والمظهر ... ايوه لازم تكون استايل و مودرن ..بس مش معنى الجمال انه جمال الشكل والمنظر بل هو جمال النفس ... تمام كده ...

*مش مشكله حكايه الطبخ ده يا رجاله ... أمال فاتحين الهوم ديليفرى ليه يعنى ؟؟؟ خلوا العالم دى تكسب .. ومدقوش قوى على الموضوع ده ... ولو قفلت محلات الهوم ديليفرى نروح ناكل عند ماما وبالنسبه لموضوع الكوى ده .... لازم وحتما وضرورى .....

*والأهل بقى نيجى عند موضوع الأهل ده ... يكونوا اسره طيبه متدينه محترمه
*تكون مرحه يعنى تحب الخروج والفسح والحاجات دى يعنى مش معقده يعنى ... ويكوووووووووون دمها خفيف وزى العسل.

انا كترت اوى عن الحد المسموح بيه انا عارف بس هنعمل ايه ...
.............. والله الموفق

وعلى العموم الموضوع ده اسمه ونصيب ... ولازم ترضوا بماقسمه الله .. وكل واحد ورزقه



شوفتوا حاجات بسيطه ازاى ...

يلا سلام يا شباب ...

[:HOPE:]

قال رسول الله :
تنكح المرأة لأربع لمالها ولحسبها ولجمالها ولدينها
فاظفر بذات الدين تربت يداك
صدق رسول الله

[dr.pharma]

موضوع حلو

هو طبعا كل شئ قسمه و نصيب ، بس لو بايدى اختار
هاختار واحد مسلم

مسلم بجد
و طبعا تحت مسلم دى كل حاجة
مسلم يعنى متدين
مسلم يعنى متعلم
مسلم يعنى طموح
مسلم يعنى مهذب و خلوق
مسلم يعنى متفاهم و قد المسئولية
مسلم يعنى حسن المظهر و الاسلوب
و ..... و.... و......

يعنى من الآخر كدا عاوزة واحد طبق الاصل من نبينا محمد -صلى الله عليه و سلم -
يعنى ان شاء الله قاعدة معاكوا هنا كتيييييييييير

[mr_toxic]

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ تُنْكَحُ الْمَرْأَةُ لاَرْبَعٍ لِمَالِهَا وَلِحَسَبِهَاوَلِجَمَالِهَا وَلِدِينِهَا فَاظْفَرْ بِذَاتِ الدِّينِ تَرِبَتْ يَدَاكَ

رواه البخاري 4802 ومسلم 1466
مش هضيف حاجة تناى وشكرا على الموضوع

[shero0o0o]

الاحترام والكاء والتدين وانها تكون ست بيت وام لاولادي
وواحده بتحفظ سري وتكون سندي في زنقتي

[amir]

الدين ثم الدين ثم الدين