البنت اخرتها الجواز كفاية كده,,,

[pharmacistina]

طريقة عرضك جميلة و عنوانك لفت نظري ..

وليا رد بعد امتحاني ..

Thanks

[قناع الذهب]

هااااااا رأيكم ايه??آخرة البنت الجواز ؟؟

بصى بصراحة اة مهما نقول ونعيد فالبنت اخرتها الجواز سواء كانت صيدله او طب او حتى معهد دا مش معناة انها هتتجوز وتتقعد تربى ولادها بب لا هتتجوز وتهتم بزوجها وتبيتها وتربى ولادها وتشتغل كمان وفية ناس كتيييييييييير بتعمل كدة بس بصراحة كدة كدة اخرتها الجواز

[dano_90]

طريقة عرضك جميلة و عنوانك لفت نظري ..

وليا رد بعد امتحاني ..

Thanks

w@iting ya doctor,,

بصى بصراحة اة مهما نقول ونعيد فالبنت اخرتها الجواز سواء كانت صيدله او طب او حتى معهد دا مش معناة انها هتتجوز وتتقعد تربى ولادها بب لا هتتجوز وتهتم بزوجها وتبيتها وتربى ولادها وتشتغل كمان وفية ناس كتيييييييييير بتعمل كدة بس بصراحة كدة كدة اخرتها الجواز

مظبوط ياسمسمة !!

بس اساسا الكلمة نفسها تضايق

آخرتنا الجواز ,,

طيب فرضا يعنى زوجك طلب منك تقعدى من الشغل هتعملى ايه ساعتها ؟؟؟

هتتخلى عن طموحاتك وتسيبى الشغل عشان آخرك هو الجواز ؟؟

[pharmacistina]

طيب شوفي الحوار دة ..

انت بتسأل : كم عمرك ؟

الشاب : 40

انت : معاك ايه ؟

الشاب : معايا ماجيستير في كذا

انت : لا مش قصدي , عندك أولاد ايه ؟

الشاب : أنا مش متزوج

انت : ؟؟؟؟؟؟؟؟

ممكن تقول يا عيني , ممكن تقول هشوفلك عروسة , ممكن تواسيه و تقوله بكرة ربنا يفرجها لو ظروفك وحشة ماديا ..


أقصد من دة ان موضوع الزواج دة سنة الحياة و سنة ربنا و الرسول - عليه الصلاة و السلام - و دة بالنسبة للبنت أو الشاب على حد السواء ..

البنت آخرتها الجواز

الجملة دي أعلق عليها من نقطتين ..

النقطة الأولى : اذا كان البنت آخرتها الزواج , طيب و الشاب كمان .. ولا ايه ؟؟

النقطة الثانية : كلمة آخرتها .. ليه بنقول آخرتها الزواج ..

هو الواحد بيبطل يكون طموح و يبطل يشتغل و يبطل يتعلم و يتفرغ بس لوظيفة اسمها ( الزواج )

لا غلط جدااااااااااااااااا الثقافة دي ..

انتي كبنت بتعيشي حياتك عادي ليكي طموح و ليكي أهداف و أحلام نفسك تحققيها , و في الوقت اللي ربنا يأذن فيه ان يكون ليكي شريك لحياتك يكمل معاكي الرحلة اللي انتي بدأتيها و يساعدك و يدفعك لقدام و انتي كمان نفس الكلام ..

لكن المشكلة في ثقافتنا ..


ان البنت بتكن طموحة و بتتعلم و عشرة على عشرة و آخرتها الزواج اللي بيحط النهاية لكل الأحلام و الطموحات و يغير اهتمامات البنت تماما و يخليها تفكر بس في الطبخ و الغسيل و الأولاد و الترتيب و الفلوس , و ما الى ذلك من أمور ...

على فكرة النظرة دي بجد منفرة تخلي البنت أصلا تكره ان تقبل الزواج ..

طب ليه ما يكونش البنت بدايتها الزواج ..

يعني يكون الزواج بداية لحياة جديدة تكون كويسة أو أفضل ..

يعني أصلا الاختيار يكون قائم على ان انتي ليكي خطة في حياتك و هو له خطة في حياته و الخطتين متوافقتين ..

خلي موضوع الزواج دة يكون بداية لحياة يا رب تكون سعيدة و تكون فيها انجاز لقدام .. مش خط النهاية ..

يعني انتي دلوقت صيدلانية و بتحبي مجالك و نفسك تحققي فيه حاجة ..

تيجي تتنازلي عن طموحك دة تماما و تبقى زوجة و أم و بس .. ليه ؟؟

الانسان الناجح المفروض يكون كل حاجة في نفس الوقت ..

[dano_90]

الله عليكى يا pharmacistina

بجد انا منبهرة بردك ده

طب ليه ما يكونش البنت بدايتها الزواج ..

يعني يكون الزواج بداية لحياة جديدة تكون كويسة أو أفضل ..

يعني أصلا الاختيار يكون قائم على ان انتي ليكي خطة في حياتك و هو له خطة في حياته و الخطتين متوافقتين ..

خلي موضوع الزواج دة يكون بداية لحياة يا رب تكون سعيدة و تكون فيها انجاز لقدام .. مش خط النهاية ..

بجد هو ده الكلام المظبوط ,,

وياريت كلنا نبقى كده ,,بدايتنا الزواج من شخص نقدر بوجوده اننا نحقق طموحاتنا ,,هو الزوج اصلا لو بيحب زوجته بجد هيتمنى الخير ليها وهيساعدها على تحقيق طموحاتها!!!

وياريت نبعد عن الكلام التقليدى بتاع "آخرتنا الجواز "

thanks ya basha

[قناع الذهب]

w@iting ya doctor,,

مظبوط ياسمسمة !!

بس اساسا الكلمة نفسها تضايق

آخرتنا الجواز ,,

طيب فرضا يعنى زوجك طلب منك تقعدى من الشغل هتعملى ايه ساعتها ؟؟؟

هتتخلى عن طموحاتك وتسيبى الشغل عشان آخرك هو الجواز ؟؟

بصى يا دودو هشوف الاول هوا طلب منى كدة لية تحكم وخلاص ولا شايف ان البيت ناقصة حاجة او فية تقصير من نحيتى لية او لحد من الاولاد
والله و كان تحكم هتكلم معاة وهقنعة بس اهم حاجة يفهم اما لو كان فية تقصير انا اللى هسيب الشغل مش هستنى لما هوا يقوللى كدة لان اكيد هوا والبيت رقم وااااااحد

[dano_90]

ثانكيوووووووو سمسمتى على الاهتمام والرد ,,

منورانا دايما يادكتورة !!!

ربنا يوفقك فى حياتك ياااااااارب!!!

[قناع الذهب]

ثانكيوووووووو سمسمتى على الاهتمام والرد ,,

منورانا دايما يادكتورة !!!

ربنا يوفقك فى حياتك ياااااااارب!!!

دا انتى اللى منورة بمواضيعك الجميله دى يا دودو
ربنا يوفقك انتى كمان يا قمر

[dry_tears]

نفسى اسال سؤال محيرنى وتعبنى
ماذا لو لم تلتقى به؟؟ لولم تلتقى بما حلمتى؟؟؟ من من اجله فقط تكونى؟؟؟؟
هتعملى ايه بقة قوليلى؟؟ المجتمع مش هيرحمك.. اه من المجتمع.. هتوافقى مضطره ام ماذا؟؟؟
تتجهين باحلامك لتحطين بها على شاطىء اخر,, شاطىء الحياه انت ومعك الله ,,وسلاحا فى يدك
ام ستقولى نعم مع اول شخص ياتى بعد محطة القطار...
من راى هذا هو التحدى الاخطر
يااااااااريت اراءكم بعد اذن صاحبة الموضوع طبعا

[pharmacistina]

نفسى اسال سؤال محيرنى وتعبنى
ماذا لو لم تلتقى به؟؟ لولم تلتقى بما حلمتى؟؟؟ من من اجله فقط تكونى؟؟؟؟
هتعملى ايه بقة قوليلى؟؟ المجتمع مش هيرحمك.. اه من المجتمع.. هتوافقى مضطره ام ماذا؟؟؟
تتجهين باحلامك لتحطين بها على شاطىء اخر,, شاطىء الحياه انت ومعك الله ,,وسلاحا فى يدك
ام ستقولى نعم مع اول شخص ياتى بعد محطة القطار...
من راى هذا هو التحدى الاخطر
يااااااااريت اراءكم بعد اذن صاحبة الموضوع طبعا

المجتمع عموما مش بيرحم في كل الأحوال ..
لكن لا قدر الله هل لو وافقت البنت مضطرة بشخص هي مش مقتنعة بيه عشان المجتمع , حد هينفعها بعد كدة لما تحس ان حياتها ضاعت ؟؟؟!!!
أكيد لا ..

ولو حبت تتحرر من حياتها بالطلاق برده المجتمع مش هيرحم ..

عارفة ليه ؟؟
لأن للأسف المجتمعات العربية بتحب الكلام ع الناس , رغم ان دة حرام في ديننا لأنه غيبة و نميمة ..

أنا رأيي الشخصي لو البنت لم تلتق هذا الشخص تعيش لطموحاتها و أهدافها و شغلها و تعليمها ودينها ..

وزي ما قلت في المشاركة السابقة لازم انتي يكون ليكي أصلا خطة و هدف في حياتك مسبقا , لو لقيتي شخص يوافق على هذه الخطة و يفهم عقليتك ويتفق معاها الى حد ما بيبقى هذا الشريك حاجة استجدت على خطتك .. و تكملوا و هو يساعدك و تساعديه لتحقيق أهداف أسرة مسلمة محترمة ..

لو لم تلتقيه بتكملي عادي جداا زي ما رسمتي لنفسك ..

ولربما يكون خير ليكي ..

لكن اللي بيحصل ان البنت غالبا بتكون أصلا في عقلها فكرة مترسخة هي ان الزوج دة هو خطة حياتها مهي مالهاش خطة ولا هدف تاني .. فيترتب على كدة عدة نتائج :
أولا تبدأ تسعى للهدف دة و تتصرف بطريقة مش كويسة ( لو مش متدينة ) زي ما بنشوف في الجامعة من ناس الشاب بيعيش شبابه بانه يكلم دي و دي و دي و كلهم معتبرينه خطة حياتهم .. عريس يعني

ثانيا تنهار أوي و تزعل لو اتأخر زواجها .. مهي دي الغاية الكبرى من الحياة في فكرها المتواضع ..

ثالثا تقبل بأي شخص هي عارفة و متاكدة انه مش هو دة الشخص المناسب , عشان المجتمع و عشان مالهاش في حياتها هدف ولا خطة ..

رابعا لو الحياة كانت مش سعيدة برده تستمر , هتعمل ايه مهي مالهاش حاجة تانية ..

كل دة ليه ؟؟؟؟؟؟

دايما لازم ندعي ( اللهم دبر لي أمري فاني لا أحسن التدبير )

ولازم نعلم ان كل أمر المسلم خير له , فليه نزعل مع ان ربنا دايما مختار الخير لينا ؟؟

عيشي كبنت للهدف العالي اللي ربنا خلق الانسان عشانه و هو عبادة الله و تعمير الأرض ..

اعبدي ربنا صح و اتعلمي و اشتغلي وماتفكريش في نظرة المجتمع ولا أي حاجة واختاري صح وارفضي أي شخص غير مناسب مهما قالولك ..

لو ربنا شايف ان الخير ليكي كدة خلاص كل الرضا و كل الشكر لله ..

أنا شايفة ان البنت لو لم تلتق الشخص دة عادي جداااا جدااااا ..
و دايما الحمد و الشكر لله لأن أكيد دة خير ..