ساحه حوار طلبه الفرقه الثالثه 2008/2009

[Larine_Resala]

يا ريت لو لقيتي حل يا يوجينا تلحقيني بيه لاني وبلا فخر بعاني من نفس المشكله

ولو انتوا لقيتوا الحل دة ابقوا قولولي عليه

[Monaliza]

بس مش نمتي قبلها يبقي تمام بجد انا مش عارفه اعمل ايه في مشكلتي دي ما بنمش لو حتي نص ساعه مع اني بحاول بشتي الطرق بس ما فيش فايده ......وده بياثر طبعا عليا تاني يوم بجد كان نفسي ابقي طبيعيه اهئ اهئ

ولو انتوا لقيتوا الحل دة ابقوا قولولي عليه

هقولكم ببساطة

الليلة اللي قبل امتحان الفايتو - يعني قبله بيومين
لما نمت بقيت بحلم بالكاردياك جليكوسيد في الورق واشوف وش الدكتور فريد ورغم اني نمت من 10 صحيت 5 مصدعة فاضطريت انام تاني لحد 8

لكن ليلة الفايتو بقى
خليت ماما ترقيني قبل ما انام ..
فنمت ساعات اقل وكأني نمت سنتين


وفضلت صاحية لحــد 1 بالليل - اصلي زي الفراخ مبسهرش

[dry_tears]

بجد انا مش عارفه اعمل ايه في مشكلتي دي ما بنمش لو حتي نص ساعه مع اني بحاول بشتي الطرق بس ما فيش فايده ......وده بياثر طبعا عليا تاني يوم بجد كان نفسي ابقي طبيعيه اهئ اهئ

بسيطة جدا ياجماعة انا كنت زيكم كدة دة غير اصلا انى بطبعى قلوقة لكن برجع واقول دة اختبار بسيط جدا فى الدنيا وعامل فيا كدة فمابالكم بالاخرة بقة .. بهدى نفسى بنفسى وبتوكل على الله وبجد كل مرة بتاكد انو كبييير اوى

[summer breeze]

لا حول ولا قوه الا بالله العلي العظيم حد شاف جنازه محمد حفيد الريس حاجه تقطع القلب بجد الولد كان زي القمر ربنا يعين باباه ويصبره حاجه صعبه قوي ابنه يروح منه في يومين وبالرغم من كل اللي عنده دا مقدرش ينقذ ابنه فعلا لكل اجل كتاب ومفيش حد بيكبر على اللي خلقه ربنا يرحمه ويرحم امواتنا واموات المسلمين اجمعين

[Monaliza]

المقطع المؤثر ان ابوه وعمه - علاء وجمال - شايلين النعش !!!

فعلا ماحدش كبير عالموت

[dr mayooya]

اه يامني..تعبير الحسرة الالم علي وشه بجد اثر فيا جدا
شوفي الانسان قد ايه ضعيف
تساوي ايه ملايين الدنيا كلها قصاد لحظة زي دي
ولا حاجه
سبحان الله العظيم

[Amira Said]

إنا لله و إنا إليه راجعون،، البقاء لله،، و فعلا لكل أجل كتاب

[pharmacistina]

انا لله و انا اليه راجعون ..
ربنا يصبر مامته و باباه ..

الله يرحمه ..

الموت طبعا مش بيفرق بين الناس ولاد مين ..

و الكل لازم في الآخر .. موت

بس ياااااااااااااارب يكون موت بعد طاعة و بعد توبة و تكون خاتمتنا كويسة جميعا يا رب ..

آميــــــــــــــــــن

[د\بوسى ربيع]

انا لله و انا اليه راجعون ..بجد ربنا يصبر اهله ولد قمور قوى ربنا ما يجرب على حد الموقف اللى اهله فيه

[د\بوسى ربيع]

جماعه ممكن حد يكتب كيفيه اداء صلاه قضاء الحاجه