ساحه حوار الفرقه الاولى

[NonY]

بعد ما عملتى الجدول دا كامل
هتيجى عند الاخ محمد دا
اللى هو اول اسم عندك .. انتى عندك كل درجاته
عايزة تجيبى أولا اعلى درجة عنده فى كل المواد
هتقومى واقفة على ال cell اللى ادام درجاته
و بعدين تختارى من فوق حاجة اسمها الدالة اللى هى رمزها Fx
هتلاقى طايرة فوق كدا ( بس مش فوق أوى )

بس هى دى بأة الحتة اللى فيها الموضوع كله اللى بنتكلم فيه
انتى دلوقتى عايزة تجيبى اعلى درجة فى درجاته
يعنى ال maximum
يبأة هتختارى كلمة max
و تعملى ok

هيقوم هو فاتحلك ويندو تانية فيها خانتين
اول خانة بس اللى هنكتب فيها و التانية سيبيها فاضية

هتكتبى ايه بأة فى اول خانة ؟
هو عايزك تحدديله يجيب الماكس لإيه بالظبط ؟
فانتى عايزة تقوليله هات الماكس لكل درجات محمد
يعنى من الخلية كزا للخلية كزا
شوفى انتى بأة اسامى الخلايا و تكتبيهم ( يا رب تكونى عارفة اسم الخلية ازاى )
مثلا هتكتبى
A2:F2
و غالبا هو بيبأة اصلا محدد الخلايا تلقائى
بس و تعملى اوك هتلاقيه كتبلك رقم اللى هو الماكس
و تقومى عاملة بأة الحركة اللى قلناها لمازن دى عشان تجيبى الماكس لباقى الطلاب
ماشى ؟؟

[د///*مطحونة*\\\]

يا جماعة اعمل ايه
روحتى فين يا نونى
ههههههههههههه

[د///*مطحونة*\\\]

ماشى
وبعدين

[NonY]

نقول بأة دالة تانية
مثلا عايزة تجيبى مجموع درجات كل واحد
بردو هتقفى فى الخلية اللى ادام درجاته و معاهم كمان الخلية اللى فيها الماكس اللى انتى جبتيها
هتقفى بعدها بأة
و تجيبى Fx
و بعدين تختارى sum
و تحددى الخلايا منين لفين ف اول خانة
و تانى خانة ملناش دعوة بيها

و خلى بالك و انتى بتحددى منين لفين متخديش معاهم الخلية اللى فيها اول دالة انتى عملتيها
لا خليكى بس فى الخلايا اللى فيها الدرجات

..
..

[د///*مطحونة*\\\]

ماشى وبعدين

[NonY]

و ال average بردو نفس الكلام
دى اللى هتجيبلك متوسط درجات كل واحد

و كمان دالة if
دى زى ما قلناها قبل كدا

بصى يا ستى
دالة f

بتيجى تقفى ع ال cell عادى
و تختارى Fx دى عادى بردو

ثم تختارى دالة if عاااادى جدا
اللى جاى دا بأة مش عادى

هتلاقى 3 بتوع فاضيين
اول واحدة .. هتكتبى فيها اسم ال cell اللى فيها المجموع و تكتبى أكبر من ( رقم النجاح )
و الخانة التانية هتكتبى فيها pass
و التالتة هتكتبى فيها fail

انا حاسة انك مش فاهمة هنكتب ايه فى اول خانة فاضية

بصى .. مثلا مجموع درجات اول طالب انتى حطتيه فى cell اسمها F2 مثلااا
و النجاح من 100 مثلا مثلا

هتقومى انتى كاتبة
F2>100


fop1:

مطحونة انتى فاهمة و لا ايه النظام ؟
حاجة تانية غير موضوع الدالة دا .. بتعملى تنسيق عادى للكلام
يعنى الاسماء تلونيها تلونى خلفيتها تكبرى الخط تصغريه تتقليه
كدا يعنى الحاجات العادية السهلة

كدا خلاص ؟ و لافى مشاكل ؟

[NonY]

اوعى تقوليلى ماشى و بعدين

[MaZeN]

هههههههههههههههههههههههههه
اشطة عليكي يا نوني ربنا يوفقك يا بنتي والله لا تعبتي معانا جامد
بصي انتي تكمليها ماجستير حاسب الي بلا صيدلة بلا وجع نافوخ

[د///*مطحونة*\\\]

خلاص كدة يانونى
مفيش حاجة تانية؟؟؟

[Dr.Mohamed]

إيه دا ماشاء الله ......... حلو الشرح دا يا نونى ربنا يكرمك يارب