متفقة مية المية معااااااااااك ياعندليبالمشاركة الأصلية كتبت بواسطة ELANDALEEB
متفقة مية المية معااااااااااك ياعندليب
اخيرا لقيت حد يتفق معايا ويفهم وجهة نظرىمتفقة مية المية معااااااااااك ياعندليب
وكمان دكتورة هند ليها نفس الموقف
ميرسى كتير يادكاترة والحمد لله انى مش لوحدى على المنتدى
مع تحياتى
العندليب
[/CENTER]
اما أنا فرأى بصراحه أنا ما أحبش أخد واحد من سنى لإنى زى ما بحترم رأى قلبى لازم أحترم رأى عقلى
أنا عقلى لا يتقبل فكره أنه يرتبط بواحد زميله
أولا: لإن حيائى يمنعنى من أن أتحدث مع رجل لا يحل لى يعنى من الأخر مش زوجى أو خطيبى(بدون ضروره لازم يكون فيه ضروره لكلامى مع أى حد مش هيصه كده)
ثانيا إحنا لازم نفكر بعقل ونعرف إن البنت لو إرتبطت بشاب من سنها فإما
1* إنها هتستنى شويه قبل الزواج لحد ما يكون نفسه وطبعااا أدامها بدرى
2* إنها تتجوزه على طول بس بمساعده باباه ومامته ولازم ساعتها تكون عارفه إنها كده إما هتعيش عاله على أهله أو إنها هتتبهدل جامد جدا لإن اللى هيجى على أد أكلهم وشربهم يدوبك
3*أو إنه يكون بيشتغل فى الدراسه وقدر يكون نفسه وساعتها بأه أنا أحترمه جدالإنه راجل بجد عارف يعنى إيه مسئوليه ولو جالى هوافق عليه لو طلعت أخلاقه كويسه وطلع مخه كبير وناضج مش كل طموحاته إنه يسرح شعره إزاى أو يجيب كريم إيه لشعره أو ياترى أفتح زراز القميص ولا لأه ده طبعا يسقط من عينى لأن الرجل ده فى عينى جماله فى رجاحه عقله وحيائه وأخلاقه
وبالنسبه يا قمر لموضوع البنات اللى داخله وراسمه على الشباب دى بجد مش متخيله إن فيه بنات كده إزاى تنزل من قصرها العالى من كونها المطلوبه وتروح وتنقى لنفسها واحد معقووووول بعد ماكان هوه اللى بيجرى وراها هيه اللى هتجرى ورااااه دلوقت
طب ولو واحد حب واحده وكان ساعتها مش غاضض بصره وأعجب بيها أنا شايفه أنه يعرف أهله الموضوع ويخلى أخته تصاحبها وتعرفها إنه بعد ما هيخلص هيروح يخطبها مش يقعد يبهدلها فى الرايحه والجايه واخدها فى إيده لا طبعا ده كده مش غيووور عليها لإنه لو بيحبها مش ممكن يعرضها لكلام أى حد ولا لأى نظره وحشه من المجتمع اللى حواليها
وبعدين كل واحده مكتوب لها زوجها ومكتوب لها معاد زواجها وأنا عن نفسى شايفه إنه الحب شىء جميل بس الحلال وشايفه إنه لحد ما يأتينى زوجى أنا هكتفى بحب ربنا وبجد ده أجمل حب فى الدنيااااا أنا بجد أسعد الناس بالحب ده ولما يجى زوجى هحبه وهحترمه وهقدره لله لإن ربنا أمرنى بكده
وده الصح يا بنانيت
ربنا يرزقنا كلنا بالازواج الصالحين والزوجات الصالحات اللى يعينونا على طاعه ربنا ودخول الجنه ...
ايه يامازن الحكم والمواعظ دى كلام منطقى
انا بقه من رايى ان الشخص ده يكونوا مش فى سن واحد لازم يكون اكبر منها بسنه تلاته max
مينفعش يبقه فى نفس السن
أولا فى معايير كتير علشان واحده تختار شريك حياتها وأكيد لو هى متوفره فى زميلى ده أكيد هوافق عليه بس طبعا الموضوع يكون فى حدود الشرع ...... بس الفيصل الوحيد ف الموضوع ده و أهم حاااااااااااااااجه علم أهل الطرفين بالموضوع م البدايه وموافقتهم عليه وخصوصا أهل البنت لأن ده اللى هيحدد كل حاجه يعنى لو مش موافقين انى استناه لغاية مايخلص دراسه والجيش ويشتغل واحتمال كبير كمان يسافر علشان حتى يكون معاه المقومات الأساسيه للجواز شوفو الكلام ده هياخدله كام سنه يبقى طبعا مفيش مشاكل بس المشكله الكبيره ان فى أهالى كتير بيبقو رافضين الموضوع رفض تام وخصوصا ان معظم الأهالى عايزين بناتهم قبل ما يخلصو الكليه يكونو مخطوبين علشان بعد الكليه البنت تتجوز علطول وتبدأ حياتها وبيعتبرو ان موضوع الزملا ده مش بيبقى حب حقيقى وشويه واللى ف القلوب بيتغير ..
فأنا شايفه ان الموضوع يتوقف على موافقة الأهل كشرط أساسى ويكون علمهم بالموضوع زى ما قلت م البدايه علشان برده مينفعشى أعشم حد بيا وفى الاخر لو الأهل رفضو أقوله مع السلامه أكيد كده هجرحه أوى لأن ساعتها مينفعشى اقف قصادهم والموضوع يبقى تحدى لأن مهما كان دول أهلى
وفى الأول أو الاخر رأيهم هو اللى هيمشى
بس ده كان رأى من واقع اللى بيحصل فى معظم البيوت والموضوع كله بيبقى نسبى على حسب ظروف كل واحد وطريقة تفكير كل بيت
وشكرا ع الموضوع الجمييييل يا شيماء
الموضوع كويس واكيد كان محل نقاش بين الواحد و صحباته قبل كده انا من راي ان لما واحد يتقدملي انا اول حاجة هسألها قبل ما شوفه متدين بيصلي كويس كلية ايه بيشتغل ايه مش اول حاجه هسالها عنده كام سنة ده الكلام العام لكن كل حاجة ولها حالات خاصة وشاذة يعني لو مثلا الراجل قعدت معاه ولقيته ما شاء الله شخصية عظيمة فعلا ايه الادب والتدين ده واللسان اللي بينقط زبادي بالعسل ده وبعدين اساله سنك كام صحيح يكون كبير شوية عشر سنين مثلا او ادي ف نفس السن هقوله اسفة سنك مش عجبني ياجماعة اختيار شريك الحياة ده حاجة فظيعة بجد الواحد لازم يفكر الف مرة ومرة واسالي نفسك واحتفظي برايك لحد ما تشوفي راي ماما راي بابا اللي حوليكي وصدقيني هما بيبقوا رايهم افضل وشافوا حاجات فيه انتي مقدرتيش تلاحظيها مثلا يعني الموضوع مش موضوع سن وعادي ولو قدك وربنا كاتب لك ده يعني هتخدي ده وهيقدر لذلك ويجب الاستخارة ولازم تعرفي انك لما تستخيري ربنا مش معني كده ان حياتك بأة هتبقي سنووايت ولو حصلت مشاكل تقولي ايه ده هو انا مش استخرت ربنا وربنا يسر لي المسألة امال اية لأ اعرفي ان ده خير برده لان ده ممكن يكون بلاء والصبر علية حاجة عظيمة وخير برده الرسول تزوج السيدة خديجة بفرق سن وكان هو الاصغر وظل ع ذكراها ويكرم اصحابها حتي بعد موتها والله يا جماعة كل شيئ نصيب انا اعرف قصص عجايب عن حكاية القسمة والنصيب ده والله
طموح صيدلانيه.gif "Fop (41)")
.gif "Fop (18)")
وشكرا شيماء على الموضوع
شكرا على المرور يا جماعه
مبسوطه بكلامك قوى ياسمر
وربنا يهديك كمان وكمان يا مازن انت والعندليب
انا راى مفيش مشاكل يعنى لو نفس السن لو توفرت الاخلاق بشرط المواظبة على الصلاة
ليه يبقى فيه مانع؟؟؟؟؟؟؟؟؟؟؟؟؟؟؟
ضوابط المشاركة
رد مع اقتباس