مهزله فى حفله تامر حسنى فى المنصوره || ملخص تفاصيل الحفله ||

[Dr.Mohamed]

ازيكو يا شباب

انا لسه جاى من الحفله دلوقتى

الحفله كانت منظمه كالاتى
البنات تكون فى ارض الملعب لواحدها جمب الاستدج والشباب على المدرجات لاعدام اى مشكله ممكن تحصل فى الحفله زى الحفلات اللى بتحصل ودى بصراحه حاجه عجبتنى اوووووووى من التنظيم
المهم بدا الدى جي يشتغل على الساعه 6 او 6 ونص تقريبا مع ياسر الحريرى وقدم عرض جميل جدا
بعديها مش عارف شخص كان ماسك المايك بعد عرض ياسر والاغانى اللى كانت شغاله وفضل يسخن فى الشباب ويقول تامر بيقول عاوز ارض الملعب كله يكون مليان والشباب كلها تنزل والكلام ده
ومن هنا حصلت فوضى كبيره اووووووووووى
وان الشباب كانت بتنط من المدرجات لارض الملعب ودون اى مراقبه من الشرطه وطبعا الملعب كله بنات
قبل ما تامر يدخل بحاجه بسيطه يعنى على الساعه 9 تقريبا بدا ازدحام شباب وبنات مع بعض بطريقه غبيه
وبنات بتصرخ وشباب بتزدحم بطريقه عشوائيه
تامر وصل وكان باين عليه التعب جدا
وبعدين دخل تامر حسنى والازدحام بدام
بعدها باغنيه طلع شاب طبعا حضن تامر وسلم عليه والامن كان هايمنعه ولكن تامر قاله سيبه وسلم عليه
بعديها حصل ازدحام بطريقه غبيه من الشباب على البنات وبدات من هنا الكوارث
تامر وقف الحفله لان فى بنت اغمى عليها وبنات بتقع على الارض والشباب طبعا بيدوسو عليهم ومنظر زباله اوى
وتامر مش عارف يغنى
وجم منظمين الحفله يتكلمو والشرطه دخلت وتمنع الناس على قد ما تقدر برضو مفيش فايده كل شويه بنت تقع ويغمى عليها والاسعاف شغاله
وتامر اتخنق وبرضو الدنيا كلها تكلم الناس والشباب ترجع ورا مفيش فايده
وانا ببص لتامر فى عينه لقيه نظره حزن ودموع فى عينيه
وتامر مكنش عارف يغنى وكان هايمشى واتخنق
لحد ما الناس هديت شويه واول ما بدا فى الغنا تانى
شاب نده عليه وقله فى خناقات تحت الاستدج
وتامر وقف الحفله تانى قال يا جماعه مينفعش اللى بيحصل هنا
انا جاى النهارده عشانكو مش عشان نشوف الطريقه اللى بتحصل دى
وانت شباب وجامعيين
وبرضو مفيش فايده فى الكلام
والتزاحم مستمر
وهادى عادى منظم الحفلات يتكلم ويزعق مفيش فايده
والمسؤل عن اسبوع شباب الجامعات اتكلم برضو مفيش فايده
وكان منظر مآساوى بصراحه
وتامر مكملش بعدها نص ساعه وكان لازم يختم الحفله دى
لانه لو كان استمر كان هايبقى فى كوارث والناس اللى بتقع فى الحفله دى كان ممكن يجرالها حاجه
والحفله الحمد لله عدت على خير
بس مكنش خير ابدا اللى كان فيها
وده ملخص للحفله ككل
واى كلام حصل زياده مظنش انه كان فيه

كان معكم(محمد) من المدرجات

حمل لحظة دخول تامر



إلى عايز يشوف الخناقه
حمل من هنا






حمل لحظة خروج تامر


حسبى الله ونعم الوكيل
No Comment

[moslma]

لا اله الا الله ك ده عشان تامر حسني وطبعا لو كان واحد زي الله يرحمه الشيخ محمد الشعراوي كان فات المدرجات فاضية والملعب بيهوي...... الله يرحمك يا سعدك يا زغلول
مفيش فايدة

[Amira]

هم البنات دول هما اللى جابوه لنفسهم
وزى ماهبه قالت لو كانت للشيخ محمد الشعراوى مكانش حد راح
حسبى الله ونعم الوكيل

[drH.M]

طب الجامعة تجيب تامر ليه
الجامعة عارفة ان فيه شباب وبنات هييجو طبعا ولازم يصل الأختلاط
ولو مفيش اختلاط مكنش حد راح من الأساس
خلينا واضحين شوية
لو واحدة محترمة أو واحد مش هتفرق رايح أو رايحة حفلة
عارف ان في اختلاط
وبناء علي ما تقدم
كل أو معظم اللي رايح..........رايح عشان حجات مش عايز أقولها بس تتفهم
أفيقو بئة يا جماعة
احنا إتأخرنا أوي مع اننا عندناأمكانيا ت نكون أفضل من كده
يارب اهدينا يا رب
أميييييييييييييين

[drH.M]

مع احترامي للدكتورة هبة وأميرة
الممنوع مرغوب
ولازم ان احنا نتكلم مع زملائنا دول والا ماكنش فيه لازمة للدعوة
لان الذكري تنفع المؤمنين

[أم البراء]

بسم الله الرحمن الرحيم

السلام عليكم و رحمة الله و بركاته

انا لله و انا اليه راجعون على حال المسلمين
بس يا جماعة عايزين ننظر للجانب الايجابي للموضوع اللي حصل ده يعتبر صفعة قوية جدا للشباب و خصووووصا البنات ( و عسى أن تكرهوا شيئا و هو خير لكم ) يعني أتوقع ان كتيييير من الشباب و بالذات البنات هيعيدوا حساباتهم مع ربنا ان شاء الله لأنه (ما أصابك من سيئة فمن نفسك)

و شكرا ل د.أنس ,د.فارماسيستينا فعلا قالوا اللي عايزة أقوله

معظم الردود بصراحة تشرح الصدر و بتبين ان لسة فينا كشباب مسلم خير كتير

اللهم اهد شباب المسلمين واغفر لعصاة المسلمين يا هادي ويامعين و يا غفور و يا رحيم

[Ramy Saad]

سبحااااان ربي العظيم
لما اتكلمت بعض ناس اتهمتني أنا وزمايلي بالسلبية وانت عاوز ايه من كلام زي ده

وقالوا الحفلة هتتعمل وانت مش هتلغيها ، أنا عارف إني مش هلغيها بس كلامي موجه للناس اللي راحة عشان ماتروحش

وقال ايه نروح ونستغل الحفلة للدعوة ههههه ، والله هم يضحك
حفلة أغاني ندعو فيها إلى الله !!!!!!

انا عاوز اعرف اللي انتم توقعتوه من حفلة زي ديه ؟؟؟؟
أظن حاجة زي كدة متوقعة ومعروف نتايجها ،
أصلها معادلة : شباب وبنات وحفلة وأغاني ومغني وطلبة بعيد عن أي رقابة من أهلهم
أكيد النتيجة حاجة زي اللي حصلت

والله مش بقول كدة عشان أقول لكم أنا قلت وقلت
لا والله ... بس أكيد موقف زي ده يزعل
يارب نستفيد من موقف زي ده
بجد والله الواحد حزين على البنات ، أكيد ماارضهاش لأي بنت


إنا لله وإنا إليه راجعون

[Dr.Mohamed]

أكيد يا دكتور رامى بجد كان موقف بايخ جدا والمنظر مكنش كويس بالمره

[summer breeze]

والله يا دكتور حاجه تزعل وتضايق بس برضه ديننا امرنا منلقيش بنفسنا لمواضع التهلكه يعني بنات وعارفين ان اكيد هيكون في تجمع كبير جدا للشباب في المكان دا وطبعا اكيد مش كل الشباب دول محترمين يعني فليه تعرضي نفسك لحاجه زي دي كان اولى يقعدوا في بيوتهم ويحافظوا على كرامتهم
وكمان نقطه تانيه نقطه التنظيم يعني اللي ينظم حفلات لازم يراعي نقطه وجود البنات والاولاد دي وخاصه اذا كان الموضوع تابع للجامعه يعني بجد حاجه مؤسفه وربنا يهدينا جميعا ويسامحنا

[yojeena]

للاسف دي كارثه
ايه اللي بيحصل لنا ده!!!!!!!
الشباب ماعدش فيها نخوه مش ممكن يكون اخته ولا قريبته موجوده في نفس المكان كان يرضاها عليهم
والبنات اللي رايحه دي بعد اللي حصل ليهم ده شكلهم ايه قدام نفسهم
اكيد حاسين بالذل من اللي جرالهم هناك وانهم اهانوا نفسهم بنفسهم
لا حول ولا قوة الا بالله
الاماكن اللي زي دي مش بتبقي حفله دي بيبقي ليها مسمي تاني خالص بلاش اقوله