التخرج ده كان بالنسبة لي حلم..
يمكن كان كل همي اني اتخرج.. علشان كده كان تفكيري كله في الدراسة والامتحانات..
لكن ما بعد التخرج.. كان بعيد شوية عن تفكيري..
علشان كده بعد ما خلصت امتحانات بالضبط... وقبل حتى النتيجة ما تظهر..
بدأت أحس ببعض الضياع.. مش عارفة أعمل إيه؟؟
جايز لان كل سنة بعد الامتحانات ما بتخلص.. كنت بفكر اني لازم آخد قسط كبيير من الراحة..
علشان السنة الجديدة أبدأها بنشاط.. وأكون مستعدة لمعاناة جديدة..
لكن بعد امتحانات السنة دي.. اكتشفت ان اللاجازة بعد كده هتكون طوييييلة قوي..
ولازم يكون في هدف حقيقي..
فكرت اني أنزل صيدلية.. بس المشكلة اني خبرتي زيرووووو..
لأني للأسف.. ولظروف سفري الدائم في الصيف.. ما كنتش بنزل تدريب كافي..
وبالتالي هحتاج فترة على ما أتأقلم على جو الصيدلية.. والتعامل مع البشر..
واللي عندي رهبة منه.. لأن في فترات التدريب القليلة اتحطيت في مواقف أعطتني انطباع قاسي..
سواء عن الصيادلة.. أو المرضى...
بالنسبة لمجال الدعاية.. ده مرفوض بالنسبة لي.. لأسباب كتيير..
فكرت فعلا في مجال الدراسات العليا... إني أعمل دبلومة ميكرو..
خصوصا بعد ما عرفت المواد بتاعتها.. وان ليها علاقة بالبابلك..
وأنا كنت بأعشق المادة دي جدااا...
لأني بحب أي مادة ليها علاقة بالحياة...
بس مش عارفة هل هتكون الدراسة زي دراستنا في الكلية..
مجرد معلومات.. أجمعها علشان أدخل امتحانات.. أفرغ فيه محتويات عقلي..
وبعدين أخرج منه... أبيض يا ورد..
ولا نظام الدراسة مختلف... وهاحس فعلا بفرق..
في مجال تاني.. وهي العمل في الخارج... فرصته بالنسبة له كويسة..
خصوصا ان أهلي في الخارج... وده هيسهل إجراءات كتير..
بس لسة مش عارفة..
بس اللي واثقة منه.. إني مش هاستنى التكليف..
لازم أستغل السنة دي بإذن الله.. في أي شيء..
شكراا د. محمد على الموضوع..
بجد خلتني أقعد مع نفسي وأفكر في بكرة..
وربنا يجعل مستقبلنا جميعا.. كله خير ونجاح.. وسعادة..
خاالص تقديري..
ضوابط المشاركة
رد مع اقتباس