لو كنت عميدا للكليه ....؟!

[Hope1]

لو كنت عميدا
هجيب موازين جديدة ديجيتال للكلية
شوية لمب UV في الميكرو
هلغي الشغل عالفيران و الضفادع لاني بقرف اوي مالحاجات دي
شرا الكتب يبقي اختياري
هجيب كام كولدير في الكلية مينفعش خالص الصحرا الي احنا فيها دي
هخلي لون البالطو يبقي تركواز او احمر او موف او فيروزي ( هناخد رأي الاغلبية ساعتها )
تتلغي خاالص ان امتحان العقاقير ييجي بودر اصلي الصراحة عندي فوبيا من البودر بشوفها بتنرفز
هشغل التكييفات الي في المدرجات لانها هتصدي مالركنة
بس الحاجات دي عايزة فلوس كتير و بالتالي ممكن نعمل خط 0900 و نسميه خط الاستشارات الصيدلية و نجيب فلوس بقي و نشتغل

[a7med 3adel]

الله عليك......بجد الموضوع شيق جدا......


انا اول حاجه هعملها فى الكليه..لو بقيت عميد..........اول حاجه اول حاجه

هجيب كل الطلبه وكل الدكاتره وافتح ساحه حوار كبير جدا.....بينا كلنا...واخلى كل واحد يقول الى هو عاوزه

واحاول بقدر الامكان اقرب بينهم....قدر المستطاع....


هخلى غياب فى المحاضرات...عشان كل الناس تحضر....طبعا هخلى لجنه خاصه جدا تختار الدكاتره الى بتشرح..وكمان هعمل استبيان للطلبه على مواقتهم على المحاضر..بعد مايشرح طبعا

وهعمل معامل لانتاج الدواء...والطلبه هى الى هتشتغل فيه وتشرف عليه وتبقى مسؤوله عن التوزيع كمااااااااااااان

واحلالالالالالالالالالالالالالالام كتيره قوى كمان.......بس كدا كفايه قوى


بشكرك تانى على الموضوع

[رقة القلب]

ان شاء الله هاعمل اسانسيرات للدور الرابع والخامس وهاخلى الادوات فى المعامل متوفره للكل واللى يكسر حاجه يجيب غيرها
هامنع الوسايط والتوصيات خصوصا فى الشفوى
هاعمل نظام التاجيل زى طب ودور تانى زى اسنان
هاخلى ثمن الكتب هو ثمن التكلفة فقط
وكفاية احلام كده احن يقلب كابوس

[M_S_SH]

هلغي اعدادي واطبق اللايحة الجديدة

[Dr/HULK]

اول حاجة المفروض انها تتعمل هو ان يتلغى نظام التيرم

وتكون الدرجة الاكبر على العملى والابحاث(يبقى مثلا 150 عملى و100نظرى و50 مشروع) اللى الطالب
بينفذها ويقدمها على مدار العام للمشرف الاكاديمى الخاص بيه

واعطاء مكافأت للمشرف اللى اخرج افضل الاعمال والابحاث مع الطلبة اللى هو مشرف عليهم(كنوع من التشجيع)

امتحان الشفوى يتلغى ويستبدل بمشروع يشتغل عليه الطلبة على مدار السنة وفى اخر السنة يقدموا سيمنار على شغلهم ويتقيم العمل ككل

بالنسبة للمناهج يتم تنظيمها بحيث انها تكون مكملة لبعضها
يعنى مثلا الفيسيولجى يتاخد الاول فى سنه لواحده ويدرسه دكاترة من الكلية
السنة اللى بعديها يتاخد الميديسنال والفارما بطريقة موازية بحيث يكون موضوع الاسبوع فى الاتنين هو نفس الموضوع

هلغى حكاية ان المادة يدخل فيها كتر من دكتور فى نفس الوقت

يعنى مثلا فى البيو كيمسترى يتاخد الاول الكربوهيدرات كلها وبعد كده يتعمل شيت عليها(كنوع من التقييم) بعدين يدخل دكتور البروتين يشرحها كلها .................وهكذا عشان امنع التشتت اللى الواحد بيوصله واللى بيأدى ان الواحد مش بيعرف يركز فى موضوع واحد

اه اهم حاجة منهج النظرى يخرج منه الاجزاء اللى يمكن اننا نشتغلها عملى ويتم شرحها بالكامل فى المعامل لتأكيد المعلومة وتانى حاجة ان العدد هيبقى اقل واللى هيسهل لوصول المعلومة

الكتب مش هتتلغى ولا حاجة بس كحاجة تبقى كليتنا متميزة بيها هى انى اجمع الموضوعات فى كتب منفصلة

يعنى مثلا موضوع cns يبقى ليه مذكرة لواحد فيها فيسيولوجى وميديسنال وفارما وباثوفيسيولوجى بالاساى للادوية بتاعته الخاص بالجزء ده فقط(مش عارف فكرة كويسة ولا وحشة؟؟؟؟) ويبقى النظام بالشكل ده على الاجزاء اللى موجودة فى اكتر من مادة اما بالنسبة للمواد اللى مش ممكن يبقى تنزل فى مذكرات منفصلة

وتتباع المذكرات كلها كده على بعضها من مكان واحد فى الكلية

فى شوية حاجات تانية بس خاصة بالادارة واللى بتعتمد على المناخ العام فى الادارة واللى بتتغير حسب الاشخاص اللى بيساعدونى دى بقى حسب ظروفها

[متفائل]

هلغى نظام التعيين

و أخلى كل المناصب الادارية فى الكلية بالانتخاب

و الخطوة دى هتخلى فيه جو عام من التنافس من أجل الأفضل

و إجراء انتخابات حقيقية بين الطلاب لتكوين اتحاد شرعى و ممثل لكل الطلاب

مش هفاضل بين أسرة و التانية و أسجل اللى على مزاجى و اللى مش على مزاجى اديهم استمارة 6

هسجل أسرة رسمية لطلاب أسرة الحياة و أديهم فرصتهم زى باقى الأسر

و الغاء مجالس التأديب و ما ينجم عنها من فصل و حرمان من النشاط الطلابى مع الطلاب الذين يعبرون عن آرائهم بشكل سلمى و حضارى

بناء مسجد كبير ليس لمجرد أداء الصلاة فقط
و لكن لحفظ القرآن الكريم
و الاطلاع على كتب التفسير و الحيث و الفقه و التاريخ و غيرها
و عقد ردوس علم ضرورية للطلاب للحفاظ على دينهم و دنياهم

..............

[الجنة مرادى]

هلغى نظام التوصيات فى الشفوى

هلغى نظام اعدادى

هعطى كل ذى حق حقه مش هفضل حد على حد تانى

هعمل استراحة للبنات ومتهيألى دى من حق كل البنات فى الكلية

هسيب الحرية للطلاب كل واحد يعبر عن رأيه حتى لو مخالف لرأيى

هعمل معامل للبنات ومعامل للصبيان كل على حدة

هلغى موضوع التعيين فى الإتحاد وشطب الطلاب بدون أى ذنب عملوه لأنها حصلتلى شخصيا

كفاية كده دلوقتى مع ان لسه فى حاجات كتير

[white light]

انا لو بقيت عميده الكليه

اولا هبنى مسجد كبير ويبقى فيه استراحه كبيره للبنات يقعدوا فيها بدل ماحنا مش لاقين مكان نعقد فيه

ثانيا مش هخلى الطلاب يجيبوا ادوات يستلموها من المعمل وهقلل عدد الطلاب فى المعمل مش اكترمن 30 طالب فى المعمل

هسلم كل طالب لاب توب فيه الكتب والمناهج والمراجع اللى هيحتجها طول الخمس سنين وهلغى الكتب دي اصلا

هلغى طبعا نظام الوسطه فى كل حاجه وخلى كل طالب يعبر عن رايه بحريه سواء باليجاب واو السلب

ومش هخلى اداره الكليه هى اللى تحط الجدول هعمل استبيان للطلاب بترتيب المواد

وهبنى مدرجات كبيره جدا تكفى الدفعه كلها

هخلى نظام المكافاه كل شهر ومش اقل من 150 جنيه علشان تكفى المصاريف

كفايه كده دى احلام بقى

[Dr/HULK]

و أخلى كل المناصب الادارية فى الكلية بالانتخاب

و الخطوة دى هتخلى فيه جو عام من التنافس من أجل الأفضل

و إجراء انتخابات حقيقية بين الطلاب لتكوين اتحاد شرعى و ممثل لكل الطلاب

مش هفاضل بين أسرة و التانية و أسجل اللى على مزاجى و اللى مش على مزاجى اديهم استمارة 6

هسجل أسرة رسمية لطلاب أسرة الحياة و أديهم فرصتهم زى باقى الأسر

و الغاء مجالس التأديب و ما ينجم عنها من فصل و حرمان من النشاط الطلابى مع الطلاب الذين يعبرون عن آرائهم بشكل سلمى و حضارى

معلش مع احترامى لكلام حضرتك

بس ده هيبقى الحل الوحيد اللى هينهض بكليتنا

اتحاد الطلبة مهما كانت قوته يوم مايتشملل اخره ينزل سعر كتاب 10 جنيه

الكلام ده كله ملوش اى قيمة لان مش معقولة اعمل انتخابات والطلبة اساسا مش بتتعلم حاجة فى الكلية واللى هدفها الاساسى تعليمى مش تعليم الانتخاب والترشح واللى بييجى مرحلة رابعة او خامسة من دور الكلية

[lonley]

حاليا لا يشغل تفكيري سوى إصلاح ما يحدث في قسم الصيدلانيات