تحت شعار:"خذ من أموالهم صدقة تطهرهم وتزكيهم بيها"

[noso noso]

والله فكره حلوه جداااااااا

ومعتقدش ان 5 جنيه هتفرق مع اى حد فى الكليه


ولو اتعملت فعلا هتكون مفيده جداااا وكمان لو حد عايز يتبرع اكتر هيكون كويس


وياريت تعلنوا عنها اول الدراسه وتشوفوا مين اللى هياخد الفلوس والحاجات دى

[ABO El-DAHAB]

ما شاء الله .....بجد طول ما في ناس بتفكر كدة.....يبقي الدنيا لسة بخير
فكرة جميلة جدا و يارب تكمل بس...و حتي الفكرة لو هتبدي اول شهر بعدد قليل لازم تبدأ و مع الوقت هنلاقي معظم طلبة الكلية مشتركين في العمل ده
و جزاكم الله خيرا و جعله في ميزان حسانتكم

[dr/noony]

والله فكرة ممتازة جداااااااا ربنا يبارك فيكى
وءان شاء الله تنجح وتكبر
بس فعلا اسرة رسالة كانت بتعمل الموضوع ده
وكانوا بيجمعوا الادوية وملابس وتقريبا عملوا معرض
وتبرعوا لمستشفى الاورام فى المنصورة
البنات من الاسرة ديما كانوا بيلفوا علينا ويقولولنا
ياريت نجمع الاسر كلها فى عمل خير واحد باسم الكلية

[MAI HABIB]

شكرا ااا
dr,mona,,drdida,,dr/noony,,noso noso

على المرور والتشجيع ......وان شاء الله هنطبق الفكرة في أسرع وقت ونحاول نبدأها من اول شهر 10 وعن طريقة تجميع المبالغ....لو حد معانا هنا يقدر يجمع مجموعةة مناسبة ويلم هوا منهم ...يبقى مشكوووور جداااا

وكدا او كدا ان شاء الله المشروع هينزل من أول اسبوع وكل التفاصيل والمبالغ هتتعرف لما يتحدد عدد الطلبة المشاركين

ومعتقدش ان 5 جنيه هتفرق مع اى حد فى الكلية

5 جنيه دا هيكون أكبر قيمة هنلمها....وباب المشاركة مفتوح ل مبالغ أقل من كدا....مش مهم هتدفع كام على اد ماهوا مهم انك تلتزم بالاستمرارية في العطاء

تدفع كل شهر جنيه واحد وتستمر على كدا ويكون عندك الحماس...أحسن من انك تدفع اول شهر 5 جنيه وبعد كدا تستخسرهم ...ولا ايه ؟؟

[dr_amoona]

المشروع جميل قوي يا مي
وربنا يتقبل منك يارب ويجعله في ميزان حسناتك
وإن شاء الله انا هكون من أول المشاركين
ولو محتاجة اي مساعدة نحن في الخدمة

[dr_chamommile]

فكرة حلوة جدا

ان شاء الله كلنا نشارك فيها

[MAI HABIB]

شكرا أمونة وسارة على المرور والرد....
منتظرين مشاركتكم معانا ان شاء الله ...

[Mohamed Al Gohary]

ياريت يا دكتوره مى تبداى تشرحى الطريقه اللى هيتم بها جمع الفلوس دى .. والنظام هيكون ازاى .. طالما الجميع ابدى استعداده بالمشاركه ..

[MAI HABIB]

السلام عليكم ....اولا اسفة يادكتر الجوهري على ردي المتأخر بس انا كنت مستنية انزل الكلية واحاول اوصل لحل وبعدين نعلن عن الفكرة كاملة ....

الفكرة المبدأية اللي كانت في دماغي ...اننا لما نجمع الناس الي هتشترك هنعمل اجتماع وكل مجموعة تختار واحد منهم يبقى المسؤول عن لم الفلوس كل اول شهر والمسؤول انه يحدد وجه اصرافها الشهر دا فين ....ويااما يروح هوا بنفسه للجهة دي او حد من الاسرة هيروح معاه ....ويرجع الشخص دا يكلم المجموعة المسؤول عنها وهيكون لم الفلوس مقابل وصل عليه شعار الكلية وشعار الاسرة وفكرة واحدمن المجموعة اسرع واسهل لانو ماعلى المجموعة تتفق على معاد يكون الكل فاضي فيه....فيها وقت طويل

دي كانت الفكرة ...واللي حصل كاالتالي:
رحنا رعاية الطلاب اقترح عليهم الفكرة من يومين ...وردهم كان واضح وصرييييييييييييييييييييييح
ممنوع تجميع التبرعات من الطلبة ....او اي مبالغ مادية بصفة رسمية

ف كدا مش هينفع اننا نعمل الوصل اللي هيكون عليه شعار الكلية .....ولا الموضوع هيتم ب صفة رسمية خالص

ف الفكرة لسه مطروحة ياجماعة بس اتعدلت على انها هتكون :الوصل الي هينزل عليه شعار الاسرة وتوقيع المسلتم الفلوس من المجموعة وتوقيع المستلم من المسؤول
و 5 جنيه قيمة المبلغ .....المبلغ مفتوح من نص جنيه ل 5
لو قادر تدفع نص جنيه او جنيه او 5 ....ياريت تشاركنا بس اهم حاجة انك تحافظ على استمرارية الدفع ويعتبر صدقة جارية فعلا ....

واللي حابب ياجماعة فعلا انو يشارك في المشروع دا اهلا وسهلا ...بغض النظر عن انه بصفة رسمية او لا .
بيتهيالي اللي هيشارك هيشارك اصلا لوجه الله مش عشان اسمه يبقى مكتوب وبس

التسجيل او الاستفسارات .....متواجدين ادام الفرقة الاولى باسم أسرة بايونير او ممكن الرسائل الخاصة فيها الاسم والفرقة ووسيلة اتصال ....
وهيكون فترة التسجيل مفتوحة ل 5-10 وان شاء الله تجميع المبالغ من اللي سجلو اسمائهم هيكون من 5\10 الى 8-10 والاجتماع يوم 8 بإذن الله
وجزاكم الله كل الخير

[Mohamed Al Gohary]

جزاكى الله خير .. والكليه فعلا مش بتسمح بالحاجات دى بصوره رسميه .. الافضل انها تتعمل بشكل عادى بين الطلبه والاسره .. والله الموفق ..