ايه رايك في الا رتباط بين الزملاء بعد الكلية ؟؟؟

[قناع الذهب]

طبعا د\ بوسى رايها سليم بس انا مش هتجوز سوق العمل انا اللى يهمنى الانسان اللى هقضى حياتى معاة وبعدين الصغير بيكبر مش هيفضل طول عمرة مايعرفش
بس طبعا هى وجهة نظرها سليمة برضة

[drsherbiny]

شكرا يا دوكتورة

منتظر الرد من بقيت الاعضاء

[drsherbiny]

ايه يا جماعه مفيش ردود ولا ايه ؟؟؟؟؟

[Anas]

هو عادي جدا الارتباط
ليه نبصلها على انه ارتباط بين زملاء

ده بالعكس .... يمكن يكون أفضل من ناحية التقارب بين الطرفين

و أنا لو فكرت في حاجة زي دي هفكر من ناحية انها بنت عاوز أرتبط بيها
مش لازم افكر في حتة الزمالة دي
و ليها نفس المعايير اللي عندي
و لو فعلا تصلح يبقى ليه لأ ... ده حتى يبقى أفضل بكتير

و ألف ألف مبروك مقدما

[dreamy girl]

انا شايفاها عادية وكتير اوي اعرفهم ارتبطوا وكانوا زمايل في الكلية مهو الواحد برضه مش عارف نصيبه فين هو في الاول والاخر نصيب

[~Am@ny~]

الموضوع حلو بجد
مفيش مشاكل يا جماعه عادى جدا ان الولد يرتبط ارتباط رسمى بزميلته اهو هيكون نفس الفكر ونفس السن
لكن يعنى انا افضل ان الولد يكون اكبر من البنت يعنى يكون اكبر منها بسنتين تلاته اربعه بالكتير
لان اساسا معروف فسيولوجيا ان المرأه بتظهر عليها علامات الكبر ف السن اسرع من الرجل هههههههه ولا اى ؟؟
والف مبروك

[NonY]

و الله انا أفضل انو يكون أكبر بكذا سنة كمان
بس لو اتقدملى واحد فظيييع يعنى
ملوش حل .. خلاص ساعتها هوافق
بس المهم يكون عاقل كدا و راجل
و فيه المواصفات اللى بتمناها : )

و شكراااا

[SaFroOoOTA]

شكرا على الموضوع د\sherbinyانا شايفه ان الارتباط الرسمى بين الزملاء مفيش فيه مشكله احيانا بس بالنسبه لى انا شايفه انه افضل لو كان اكبر منى بسنتين او تلاته علشان احس انه اكبر منى ومداركه اوسع فى الدنيا يعنى احس انه حد ممكن اعتمد عليه فى كل حاجه ........... وبالرفاء والبنين يا جماعه

[drsherbiny]

انتم بتباركو لمين يا جماعه ؟؟؟ههههههههههههههههه
هوا اناا اولتلكم انا رايح اتجوز؟؟؟ بجد انا ممسكتش نفسي من الضحك ؟؟

شكرا علي ردودكم الجميلة وانا هقولكم رايي بالتفصيل في اقرب وقت وشكرا تاني

[A H M E D]

بجد لو هي كويسة وتستاهل هرتبط بيها

بس هتستناني لما أكون نفسي

يعني مش أقل من 5 سنين