منك لله يا ظروف ........منقول

[قناع الذهب]

[ إيـــــه نظامك؟

عمرك حسيت إن اللي قدامك مش فاهمك كويس؟؟
عمرك لاحظت إنك مش قادر تقنع اللي قدامك بوجهة نظرك؟؟
المشكلة دي بتواجهنا كلنا...
ساعات بتلاحظ إنك بتكلم حد في موضوع وهو مش قادر يوصل للفكرة اللي إنت عايز تقولها.. صح؟
عارف ليه؟
طيب قبل ما نجاوب السؤال ده هنلعب مع بعض لعبة صغيرة!
هاسألك كام سؤال.. وجاوب في المساحات الفاضية.. أوك؟؟
(أهم حاجة في الموضوع هنا إنك تجاوب الأسئلة دي عشان هتحتاجها بعدين.. ما ينفعش تكمل قراءة من غير ما تجاوب عشان تستفيد من الموضوع ده....)
فكر في أي صديق ييجي في بالك حالاً... اتكلم عنه في 3 أسطر على الأقل
[ اوصف المكان اللي إنت قاعد فيه دلوقتي... في 3 أسطر على الأقل
[ 1 ]تخيل نفسك بعد 10 سنين من دلوقت في موقف معين.. اوصف الموقف اللي إنت متخيله ده بالتفصيل الممل
[ ]
خلصت اللعبة؟؟ يلا بقى نعرف إيه الحكاية...
الأنظمة التمثيلية:
مخ الإنسان يا عزيزي عبارة عن أرشيف بيخزن كل المعلومات اللي الواحد مننا بياخدها في حياته, ويسترجعها وقت الحاجة.
اكتشف العلماء إن الأرشيف ده كذا نوع... مش نوع واحد...
وطبقاً للنوع ده بيتقسم الناس لثلاث (أنظمة تمثيلية) رئيسية:
شخص بصري

شخص سمعي

شخص حسي (شعوري)

يعني إيه الكلام ده؟؟ بص معايا كده :
الشخص البصري بتبقى طريقة عمل المخ عنده كالتالي:
بيخزن المعلومات على شكل صور وأشكال.. ذكرياته وتفكيره عبارة عن صور.
وسماته الشخصية: بيتذوق الفن التشكيلي - أنيق - سريع الحركة والكلام واتخاذ القرار
الشخص السمعي بقى طريقة عمل مخه بيخزن المعلومات كأصوات - بيفتكر الأصوات والكلام اللي اتقال في موقف ما أكثر من أي حاجة تانية.
وسماته الشخصية بالتالي هتكون :يتذوق الموسيقى - يميل إلى العقلانية وتحليل الأمور - غير متسرع.
اما الشخص الحسي او الشعوري مخه بيخزن المعلومات كمشاعر وأحاسيس - ممكن مايفتكرش من موقف ما غير الأحاسيس والمشاعر اللي كانت عنده وقتها
وسماته الشخصية : منخفض الصوت - بطيء الكلام - تتخلله فترات صمت - قراراته تتحدد طبقاً لمشاعره - لا يهتم بالمظهر..
راجع إجاباتك اللي فاتت (مش قلت لك مهمة؟) عشان تعرف نظامك التمثيلي:
اتكلم عن صديق جه على بالك:
[ ]
لو كنت بصري: هتوصف شكله ومظهره.. طويل - قصير - ملامحه...
لو كنت سمعي: هتوصف طريقة كلامه وصوته عالي ولا منخفض وتقيمه تقيم عقلي (تفكيره كويس - لاسع....)
لو كنت شعوري: هتوصف أحاسيسك وشعورك ناحيته.. (مريح- باكره- باحب..)
اوصف المكان اللي إنت قاعد فيه:
[ ]
لو كنت بصري: هتوصف الديكور والألوان والأشياء اللي حواليك
لو كنت سمعي: هتوصف الأصوات (ضوضاء - هادئ....)
لو كنت شعوري: هتوصف أحاسيسك ومشاعرك (مكان مريح - الكرسي ناشف..)
- تخيل نفسك بعد 10 سنين..
[ ]
لو كنت بصري: هتوصف شكل المكان أو الناس اللي حواليك.
لو كنت سمعي: هتوصف الأصوات والكلام اللي بيتقال.
لو كنت شعوري: هتوصف مشاعرك في هذه اللحظة..
عرفت بقى نظامك التمثيلي؟؟
أحياناً الإنسان له أكثر من نظام... يعني (سمعي- بصري) أو (شعوري- سمعي) كده يعني.. وممكن تتغير الأنظمة من وقت للتاني ومن سن للتاني...
اسألهم أسئلة من عينة (احكي لي الموقف الفلاني...) ولاحظ هيوصف أشكال ولا أصوات ولا أحاسيس... جرب وابعت.. وياريت تقول لنا عملت إيه....
]

[wh_kaboo]

موضوع جميل بس برده الظروف بتساعد الافراد على عمل اى شى
وليا قصة عن النجاح والفشل عرفين بتاع مين
الامبراطور (وليس الديكتادور ) ادولف هتلر
الرجل الذى حلم بان يحكم العلم وكاد ان يتتحقق حلمه لولا الخيانة والخيانة بس هى اللى هزمت هتلر
عرفين انه فى اول حياته كان حلمه يبقى ممثل بس اللى كان بيمتحنه ما شافش فيه الموهبه وسقطه وقاله بالنص (انت هتبقى فاشل ومش هتنفع فى حاجة ) والكلمة دى هيا اللى عملت اسطورة العالم الثانى (بعد النبى المصطفى طبعا )

[د\بوسى ربيع]

موضوع روعه والاجمل انك عملاه فى صوره سلسله بجد مفيد جدا ونفسى الناس كلها تستفيد منه لانه بجد موضوع قيم ومفيد

[قناع الذهب]

موضوع روعه والاجمل انك عملاه فى صوره سلسله بجد مفيد جدا ونفسى الناس كلها تستفيد منه لانه بجد موضوع قيم ومفيد

شكرا يابوسى هو عجبنى قوى ولقيت اسلوبة حلو ولذيذ فنقلتة ياريت كلنا نستفيد منة

[د\بوسى ربيع]

ايه ده بوسى حاف كده يلا هسامحك بس علشان ال15 سنه عشره بس بجد الموضوع هايل ويلا كملى مستنيه شغل اكتر بكتير

[قناع الذهب]

ههههههههههههههههههههههههه
ماشى ماشى