ايهما ترى اهم "الطبيب ام الصيدلى "

[pooooh]

: صحيح ان زمان كان اهم شىء فى الصيدله التركيب لكن مع التقدم اصبح فى زياده فى التخصصات وده ما يقللش ابدا من دورنا زى ما قلت قبل كده لان حصل فعلا ان بعض الادويه فيها نقص واضطروا يركبوها والكلام ده من قريب لكن الصيادله اللى فاهمين بس مش حافظين هما اللى قدروا يركبوا الادويه دى ويلبوا متطلبات السوق
وفى صيادله للاسف ركبوا قطرات غلط وسببت مشاكل كتيييير
على العموم ربنا بيحط كل واحد فى مكانه المهم كلنا نكون قد المكان ده يعنى ناخد بالنا من ضمايرنا اكتر من كده
كمان احنا بنعرف المريض ممكن يستعمل الدوا ازاى وايه ماينفعش مع ايه كل ده مهم
ع العموم انا فى ف دماغى فكرة مشروع حلو قوى بس محتاج يكون مشروع قومى ومحتاج جهود جبارة من صيادله لسه عندهم وفيهم الامل
مرة تانيه بقى اقولكوا عليه عشان عندى محاضرة
سلااااااااامi:

[m_pharmacist89]

انا فى رأيى ان الطبيب هو Patient or disease expert والصيدلى هو Drug expert والاتنين بيتكاملوا مع بعض لتحقيق الرعاية الصيدلانية والطبية للمريض وان كان الواقع فى مصر ان الطبيب بيقوم بالدورين لكن نأمل من الله ان الجيل الجديد يكون عنده وعى بدوره ويقدر ينفذه على اكمل وجه وميكونش كل غرضه مادى فقط

[!×! XlAnsE !×!]

الطبيب اهم طبعا فى الاول لأنه هوه اللى بيشخص ومن غيره مش هتعرف تعمل حاجه ياعم الصيدلى والصيدلى مهم برده لأنه هوه اللى بيصرف الدوا (او بمعنى اصح زماااااااان كان هوه اللى بيعمل الدوا) والافضل تسمعوا نصيحتى وتعملوا زينا اخوك طبيب وانته صيدلى ........وعييييييييييش ياعم..
تقبلى مرورى

[أمــ هـنـد ــة الله]

اشكركم جميعا على رايكم بجد ردودكم جميله

[MoRa]

الطبيب مهم والصيدلى مهم وكل واحد فى الدنيا
مهم بس ياريت نغير تفكيرنا شوية لان كل الناس
شايفة ان الطبيب هو احسن واحد

[kandoo]

حاليا الطبيب اهم احنا ممكن نستغنى عن الصيدلى انما الطبيب مش ممكن ؟؟؟؟؟؟؟
يعنى ايه اللى هيحصل لو كليات الصيدلة فى مصر اتقفلت لمدة 3 سنين مثلا؟
انما لو كليات الطب قفلت 3 سنين هتحصل كارثة؟؟؟؟؟؟؟؟ وبعدين الطبيب ممكن يقوم بالدورين معا انما الصيدلى مينفعش
وشكرا على الموضوع الرائع ده

[ahmed kewan]

الطبيب اهم لاننا عاوزينه اهم..........اللي بيدخل طب يبقي جاب الديب من ديله..........والناس دخل طب مش صبدله.ومعظم اللي دخلين صيدله علشان المجموع مش جايب طب....بس انا كنت حابب صيدله وكاتبها اول رغبه.وحتي الطب كان رابع رغبه بعد الاعلام واقتصاد وعلوم سياسيه..............من الاخر نظريا الاثنين مكملين لبعض ولو ان الاطباء دلوقتي بيدوا دواء غلط (طبعا مش كلهم) وان شايف الصيدلي اهم

[El_Daly]

الخلاصة بدون تحيز
الصيدلى المجتهد أهم من الطبيب العادى
الطبيب المجتهد أهم من الصيدلى العادى
وسورى يا أخ كاندو
انت غلطان ميه فى الميه
وأبسط دليل انهم عايزين يقللوا أعداد الأطباء يعنى زيادتهم عالة ع المجتمع
واحنا برضه قريب أوى هيبقى نفس الكلام

[lost*soul]

فعلا صدقتو هما بيكملو بعض بس الجاهله م الناس شايفين ان الصيدلى بقاااااال للاسف

[..::ciZar_Resala::..]

أنا مقتنع بدور الصيدلى أكتر و خصوصا من ناحية المعامل و مصانع الأدوية أما الطبيب فده حاجة تانية أهميته الكبرى بالنسبة للمريض و متنسوش إن الدكاترة تخصصات لكن الصيدلى نوووووووووووووع واحد بس و available فى كل مكان يعنى للأسف الجيل الجديد يشوفله شغلانة تانية أحسن ....... أنا عن نفسى سايب البلد و ماشى الدور و الباقى على اللى قاعد فيها