(هل تقبل بان تحضر زواج من احببت .!؟)

[dr_chamommile]

صعبة جدا يا جماعة اني احضر فرح حد كنت اتمناه
وخصوصا لو فيه حب اكيد كان هيبقي اصعب
مش حكاية ان ابيع حد باعني او كده لا
الحكاية ان مثلا لو كان في حب بين الطرفين بس النصيب والظروف صعبت الموقف
كده ممكن الواحد يموت وهو شايف المنظر واحد مثلا انا حبيته وقاعد مع عروسته او واحده حبيتها واتمنيتها تكمل بقيت حياتها معايا ومع حد تاني
مستحيل اقدر
ممكن اموووووووووووووت

[dr mima]

طبعا هروح وعلى رأى المطربة العظيمة أنغام(هتمناله الخير)

[ABO MAZEN]

أنا شخصيا هأحضر و هأبارك و هأغني كمان
لأن الحب يعني تمني الخير للأخر
سواء أرتبط بي أو بغيري

[mr_toxic]

امشى واضحك يا ليلى مكابرة
عليّ ادارى عن الناس احتضاراتى
لا الناس تعرف ما بيىّ فتعذرنى
ولا سبيل اليهم فى مو اساتى


طبعا مش هعيط


ولا هأجر بلطجية وندغدغ الفكر على دماغها ولاحاجة



هوة بس

اللى بيحب بيتمنى الخير للى بيحبة
ومهما كان الواحد ميعرفش الخير فين
المشكلة اللى فينا دايما ان احنا بنبص تحت رجلينا

اكيد ربنا عايز لينا الخير
فلو واحد مش وفق فى علاقة كان حاسس ان كل حياتة هتتوقف عليها
اكيد ربنا لة حكمة فى كدة وان شاء الله عاينلة حاجة احسن
وربنا يدينا ويديكم طولة العمر

[Bossy Cat]

merci gedaaan 3la elredod w ana kont motwk3a bardo en el3'aleb hy2ol eno hykon 3adi w hybarek w yfra7 bas m3rfsh i think eno wa2taha hykon s3b 3leek aian kan w 3moman atmna ma7desh yt7at f elmawkef da isA

[Eman * SAMPS]

أتمنى له الخير أه ... لكن أحضر يبقى بيحلم

[نسومه]

حقيقى ان الحب تمنى الخير للغير متى يكون حتى لو مش قريب منى
بس انا عن نفسى عمرى ما احضر فرحه ابدا ...
هى مش حكايه اللى يبيعك بيعه .... بس بجد قلبى ما يستحملش كده...
انا مش هحضر وهدعيله من كل قلبى ربنا يسعده فى حياته وكمان هدعى ربنا ان انا انساه ومفكرش فيه تانى....
" ويا رب ما يمرش عليا موقف زى ده ابدا "

[Dr.soma]

الموقف دا بجد فظييييييع
لو في حب بجد بين اتنين اتفرقوا بسبب الظروف يعني محدش جرح التاني
يبقي الموت في اللحظه دي اهون بكتير
لان زي ما ربنا خلق فينا مشاعر الحب خلق فينا برده مشاعر الالم
في الحاله دي لايمكن ابدا ابدا احضر فرحه لاني بمجرد ان اسمع الخبر ممكن يحصلي حاجه وطبعا الاعمار بيد الله

اما لو كنت انا المجروجه فساعتها هروح وابارك وعادي جدا
هتالم نفسيا اه بس هو اللي اختار تغير حياته بايده
والجروح مع الايام بتطيب

اما لو كنت انا بعد الشر بعد الشر اللي جرحته
هروح برده الفرح (بس دي مش اخلاقي ابدا )

في كل الحالات ..............كل شيء قسمه ونصيب

تسلم ايدك علي التوبيك الجميل

[alpha]

لأ مش منظر وبعدين دي تبقى بجاحه

[samehgg_2004]

انا لو عارف انها هتكون مبسوطه معاه اكيد حبي ليها هيخليني اتمنى ليها الخير وهحضر واباركلها بس هيبقى من ورا قلبي هحاول ابان مبسوط وهيبقى برده من ورا قلبي وبعدها متهيألي هعتبر حياتي انتهت لإن اللي روحي فيها راحت