معا لنتكامل

[AbU ElKhAiR-Let`s Go]

بصراحه فكره جميله بس عايزه شوية تنظيم
هوا فى فكره قريبه شويه منها احنا فى ليتس بدآناها السنه اللى فاتت فى الفرقه الأولى
وهنكملها السنه دى فى الفره الأعداديه والأولى والتانيه إن شاء الله
هى عباره عن مسابقه اسمها دواء الأسبوع
طبعا هيا فيها تفاصيل جديده السنه دى وأسلوب جديد شويه تطوير يعنى للفكره
بس باختصار عن 10 دقائق فى كل جروب بيعلن قبلها عن الموضوع اللى هنتكلم عنه المره القادمه
ويكلف بيه طالب للبحث عنه والباقى المفروض يبحث برضه
وفى الميعاد الطالب ده يكون عامل برزينتاشن يقدمه للطلبه فى معلومات عن الدواء
وفى الآخر يقول اسئله اللى يجاوبها بيكون له هديه والمقدم السنه الجايه هيكون له هديه
طبعا الفكره كان فيها أخطاء كتير السنه دى نحاول نصلحها السنه الجايه إن شاء الله مع بعض التعديلات البسيطه

وطبعا الفكره اللى حضرتك قلتيها فكره جميله وأتمنى من الاتحاد إنه ينظمها وينظم بين الأسر اللى موافقه على الاشتراك فيها
وأكيد هنشترك فيها طبعا

[منى امجد]

بسم الله الرحمن الرحيم
السلام عليكم ورحمه الله وبركاته
الحمد لله رب العالمين والصلاه والسلام على خير المرسلين سيدنا محمد
متشكره جدا على رد حضرتك وكنت اتمنى انه يكون فى مشاركه اكتر من كده واكيد هتكون محتاجه تنظيم انا معرفش شغل الاسر بس بعرض الفكره بس واللى يحب يطبقها هيقدر ينظمها ازاى
بما ان مفيش ناس اشترركت معايا فى الفكره غيرك ولانى مش مشتركه فى اسره فاتمنى ولو جزء من الفكره تتطبقا فى اسرتك او على الاقل تمشى فى نفس طريق الفكره انك يعنى تعرض مسابقه بمبقابل فعلا يجذب الناس حتى ولو رحله مجانا للنيل اللى جنب الكليه بس جماعه يعنى وهناك تكون توزيع الجوايز وكده يعنى المسابقه تكون حوار شغلك طول السنه عشان بجد كده تقدر توصل حاجه
انا متاسفه لو قلت بعض شغل الاسر بيضيع لانه استفاده وقتيه يعنى هيتنسسى لو بالشكل اللى بقوله يمكن يفضل وقت كبير والطلبه فعلا تستفيد
متشكره جدا جدا على رد حضرتك ويارب تكون اسرتك احسن اسره رغم انى معرفتش اعمالها وشكرا تانى وجزاك الله خيرا
والسلام عليكم ورحمه الله وبركاته