بين الحزن والفرح ....... ضاع العمر

[BoNbOoNa]

بالنسبة للعقل والعاطفة دا صراع رهيب مش بالسهولة التي قد يبدوا عليها الأمر أنا بحاول قدر المستطاع أوجد للعقل مكان في غرفة اتخاذ القرار لكن دايما القلب بينتصر لحد العقل ما خلاص قاطع كل اجتماعتنا
والشاعر بيقول

الـعـقل لأجـلك نـهر الفــؤاد .....يذكره بحراس العرش مولاتي
والقلب مد جناحيه أعلنـــها .....حربا مقدسة تـغـفـر الـــزلات
سأمضى أصنع الهوى سلما.... أحمل النسيم دفء قـبـلاتـي

وأيضا

الحب مولود بداخلنا ترعرع ... ألهب الفؤاد وسره اختلــس
رسّم نفسه حاكما للقلب ... فصاح العقل للعدل ملتمسا
أسرعنا نعيد العقل حبسه ... ودعونا الحب ليشهد العرس

العقل قبل العاطفة ياريت بسسسسسسسسسسسسسسس إزاييييييييييييييييييييييييييييييييييييي

وجهة نظري الشخصية ، ان في اطراف اخري للمعادلة هي اللي ممكن توصل التفكير في الموضوع ده لحد المعني اللي يحمله مصطلح " صراع " ..

اول ما بنبدأ نكبر ونخرج من مرحلة الطفولة بنمر بمراحل مختلفة لحد ما نوصل للنضج و الرشد في التفكير .. الشيطان بيكون مستني المرحلة الانتقالية دي بفارغ الصبر و بيعد ليها العدة و العتاد .. ده اول طرف و اشرس طرف في المعركة او الصراع حسب وصف حضرتك ،

و في طرف كمان خطير جدا لانه بيسحب ع الناعم و يدخل برااااحة خالص احيانا من غير ما نحس .. و يمكن ده المفتاح اللي من عنده يبدأ الحل ..
الطرف الخفي ده هو النفس الامارة بالسوء ... بتستخبي تحت مسمي القلب و الروح و المشاعر و الرومانسية و تفضل تزن في الودان و تنسج خيالات و اوهام في دماغنا ... بننسي او بنتناسي انها مجرد خيال ..

حتي في الاغاني بيقولوا ايه ؟
" حبيبي يا نور العين يا ساكن .... "
قلبي ( تؤ ) .. عقلي ( تؤ ) ... خيالي .. خيااااااال !!
ربنا يعافينا و يعفو عنا و يحفظ مسامعنا و جوارحنا و قلوبنا و يثبتنا علي ما يرضيه الي ان نلاقيه ..



كلنا عندنا عاطفة ومشاعر في قلوبنا . . . بتبدأ تتكون في السن ده و تتكوم جوانا و هتتصرف يعني هتتصرف ،، لكن فين و ازاي هو ده السؤال المهم

و علي فكرة .... كبنات ، لو الموجود في قلوب الشباب 100 وحدة عاطفة ، احنا ربنا اودع في قلوبنا 100,000 وحدة


بس ببساطة شديدة ،، الصراع ده ممكن يتحسم بسهولة اوي لو حضرتك وجهت تفكيرك في التصريف الصح للمشاعر ..
لانها لازم تتصرف مينفعش نكبتها او نحبسها

اولا قبل اي حاجة لازم نلبس النضارة اللي بتشوف بالاشعة الفوق معنوية و يكون عندنا يقين كامل بإن الرزق كله بيد الله الملك و انه اقسم علي نفسه سبحانه و تعالي انه يعين كل انسان عاوز يعف نفسه و يسكن و يستقر في حياته و إنه قادر يرزقك انهاردة قبل بكرة بأكثر مما تتمني و تريد

=-=-=-=-=-=-=-=-=-=





لو جينا نفكر بالعقل ،

لازم عشان نفكر بعقلنا يكون العقل اصلا صاحي ..
بلاش نعيش نفسنا في احلام وهمية .. و نسكر بأغاني الهيام و الاوهام و شعراء يتبعهم الغاوون .. غض بصرك وافتكر دايما شكل الحور العين و ان زوجتك الصالحة الطاهرة اللي حافظت علي نفسها زي ما انت حافظت علي نفسك و صنتها من الفتن هتبقي اجمل منهم كمان

الزواج و الحب مش مجرد وردة و كلمة و ابتسامة رقيقة و شعور لطيف تجاه شخص ما و الاغرب ان ممكن نكون متعاملناش معاه اصلا ولا نعرف عنه اي حاجة

الزواج مشروع بناء أمة ، نواتها اسرتك الصغيرة اللي هتكونها بإذن الله و عونه

مسئولية تكوين اسرة كبيرة جدا مش امر هين ابدا و في وجهة نظري ده اصعب قرار ممكن الانسان ياخده في حياته ...

يكفي ان الاحصائيات في السنين الاخيرة بتقول ان نسبة الطلاق عندنا وصلت لـ 40%
يعني من بين كل 10 بيتزوجوا 4 بيتطلقوا !!

حاجة تخوف ... و تخلي الواحد يفكر بدل المرة الف قبل ما ياخد قرار زي ده ...

لازم نخلي عندنا بعد نظر و تفكيرعميق للمعني الحقيقي للزواج ، ما نخليش منظارنا أعمى بيشوف بس تحت رجلينا

اقرأ كتيييييييير كتب ومقالات و احضر دروس علم و اسمع محاضرات من العلماء و الدعاة و اطباء النفس و اساتذة التنمية البشرية و خد خبرة من الاهل و الرفاق الاكبر سنا لحد ما ترسخ جواك فكرة كاملة عن الزواج و كيفية اختيار شريك الحياة و ايه هي احكام و ضوابط فترة الخطوبة ... الخ
ابني نفسك ... شخصيتك و دينك و اخلاقك و تفكيرك و انفعالاتك و تعاملاتك في شغلك و ورؤيتك للحياة عموما ، ، ، كل ده مهم جدا اهم من الجانب المادي بكتيييييييير

عشان لما يكون الـ او الـ عندهم قدرة علي التفكير بجدية في الموضوع ده
يكون القرار و الاختيار محكوم بنضج العقل والقلب و بالحكمة و اهم حاجة بالدين .. و اكيد ربنا هيبارك لهم و يسعدهم لان هدفهم في الاول و الاخر كان رضاه ، قبل رضي او ارضاء أي منهما

=-=-=-=-=-=-=-=-=-=-=







لو فكرنا بالقلب ،

اتفق المتخصصين ان الشعور بالحنين للنص التاني ده شيء طبيعي و هيفضل جواك حنين ليه رغم إنك ما تعرفوش وحتفضل تحلم بيه لحد ما تشوفه
عادي جدا ... لأننا ببساطة " بني آدم " لينا مشاعر و أحاسيس اتفطرنا عليها و دي سنة الحياة

بس في نفس الوقت محدش فينا يخلي الشيطان يمسكه من إيده اللى بتوجعه ويملأ الفراغ اللى موجود ده بوسوسته

لأ احنا ناخد زمام المبادرة و نحافظ علي قلبنا بإننا نملي الفراغ ده بالنور و بحب ربنا

يا سلام علي مية الوضوء .. باردة ونقية و صافية .. بتغسل القلب قبل القالب ،
جدد دايما النية و استحضر ان الذنوب بتتساقط مننا مع قطرات المية و احنا بنتوضي ..

كل فترة كده قوم بالليل او بعد الفجر و اتوضي من غير تنشف وشك ،
و صلي ركعتين و أسجد و انت لوحدك وفضفض واحكي وادعي براحتك
الا بذكر الله تطمئن القلوب ..

اتمسك الصحبة الصالحة اللي تعينك علي الطاعة و تخليك تحس انكم و انتم مع بعض بجد خلفاء لله في الارض
والله ساعتها هتحس انها مش طالبة بنات ، زي ما احنا بنحس كده انها مش طالبة شباب

و من موقعي هذا اقدم كل احترام و تقدير للشباب "المعقدين" و البنات "الخنيقة" اللي مش بيصاحبوا غير اللي من نفس الفصيلة

=-=-=-=-=-=-=-=-=-=-=






لو فكرنا بالقلب و بالعقل مع بعض

هنوصل لأن السعادة دي رزق ... زي اي رزق و لكنه رزق معنوي فأحيانا ممكن ننسي الحكاية دي
و اللي بإيده ابواب السعادة كلها هو الله الملك جل في علاه ..
و هو اعلم واحد بنفوسنا و بحالنا و بيغيـــــــرعلي قلوبنا انها تنشغل بغيره ... فوضع لينا قوانين و ضوابط و قواعد نمشي عليها عشان نحافظ علي الجوهرة اللي جوانا و متتخدش وتتجرح بتجارب احنا في غني عنها ..
فلو بعد الانسان عن منهج ربنا بحثا عن السعادة ... ربنا بيكله الي نفسه
ممكن يوصل لسعادة فعلا ... لكن مش هتكون سعادة علي قدر كرم الله سبحانه و تعالي


بعتذر جدا علي الاطالة ،
اترددت كتير قبل ما اكتب بس قررت في الاخر اطلع اللي جوايا و يا رب اكون وفقت في توضيح وجهة نظري

اللهم وفقنا جميعا لما تحب و ترضي و اهدنا سبيل الرشاد
اللهم ارزقنا جميعا الهدي و التقي و العفاف و الغني
اللهم اجعل حبك أحب الأشياء إلينا و ارزقنا حبك و حب من يحبك و حب كل عمل يقربنا الي حبك

آآآآميــــن يا رب العالمين

[E.Raafat]

بالتأكيد حضرتك وفقتي في عرض وطرح فكرتك اللي أكيد مفيش خلاف عليها
أنا في قمة السعادة ان فعلا فيه بنات بتحسبها كده
بس أحب أوضح لحضرتك بعض النقاط المهمه
1) أنا درست عقيدة أهل السنة والجماعة للدكتور ياسر برهامي في كتاب ( المنة في شرح اعتقاد أهل السنة)
2) درست بعض جوانب الفقه و فقه الخلاف وان كنت نسيت معظم الحاجات دي بس سهل افتكرهم
3) انا لو كان هدفي أعبر عن رغبتي في إني عاوز أحب وأقضيها وحلاص مكنتش عرضت فكرتي في المكان العظيم ده بالإضافة ان انا لوكنت عاوز اتكلم مع بنات واتسلى فمفيش أسهل من كده في الجامعة بالإضافة إالى ان الموضوع لو كان رغبات أخرى فأنا اتعرض عليه حاجات من دي والحمد لله ربنا وفقني وثبتني مع توافر كافة الظروف لقيامي بذلك
4) الفكرة ان انا قررت ان اول بنت هكلمها هيه اللي انا هتجوزها وعشان كده انا مكلمتش ولا بنت لحد دلوقتي لإني مبلحقش كل ما أقرر أكلم بنت دا طبعا بعد ما أكون قررت الأرتباط بيها بتكون اتخطبت
5) أهلي عاوزيني على الأقل أخطب دلوقتي فلما يكون ده قرارهم وتكون فيه بنت أنا بحبها فعلا وبحترم أخلقها بيبقى صعب يكون فيه مكان للعقل لانه أدى دوره وهو الإختيار

شكرا جدا على نصايحكم الغالية ومعلش دوشتكم معايا

[BoNbOoNa]

بالتأكيد حضرتك وفقتي في عرض وطرح فكرتك اللي أكيد مفيش خلاف عليها
أنا في قمة السعادة ان فعلا فيه بنات بتحسبها كده
بس أحب أوضح لحضرتك بعض النقاط المهمه
1) أنا درست عقيدة أهل السنة والجماعة للدكتور ياسر برهامي في كتاب ( المنة في شرح اعتقاد أهل السنة)
2) درست بعض جوانب الفقه و فقه الخلاف وان كنت نسيت معظم الحاجات دي بس سهل افتكرهم
3) انا لو كان هدفي أعبر عن رغبتي في إني عاوز أحب وأقضيها وحلاص مكنتش عرضت فكرتي في المكان العظيم ده بالإضافة ان انا لوكنت عاوز اتكلم مع بنات واتسلى فمفيش أسهل من كده في الجامعة بالإضافة إالى ان الموضوع لو كان رغبات أخرى فأنا اتعرض عليه حاجات من دي والحمد لله ربنا وفقني وثبتني مع توافر كافة الظروف لقيامي بذلك
4) الفكرة ان انا قررت ان اول بنت هكلمها هيه اللي انا هتجوزها وعشان كده انا مكلمتش ولا بنت لحد دلوقتي لإني مبلحقش كل ما أقرر أكلم بنت دا طبعا بعد ما أكون قررت الأرتباط بيها بتكون اتخطبت
5) أهلي عاوزيني على الأقل أخطب دلوقتي فلما يكون ده قرارهم وتكون فيه بنت أنا بحبها فعلا وبحترم أخلقها بيبقى صعب يكون فيه مكان للعقل لانه أدى دوره وهو الإختيار

شكرا جدا على نصايحكم الغالية ومعلش دوشتكم معايا

مفيش اي شك عندي في سلامة نية حضرتك اكيد .. زادكم الله علما و ايمانا يا رب
بعتذر لو كان في سوء تفاهم حصل ،، كلامي كان ردا علي نقطة الوزن بين القلب و العقل -من وجهة نظري اللي تحتمل الخطأ قبل الصواب - ... بس

يسر الله لكم و وفقكم الله لما يحب و يرضي

[E.Raafat]

حضرتك أنا مكنتش أقصد أقول إن كلامك غلط أنا بس حاولت أعطيكم كل جوانب الموضوع عشان لما تنصحوني تكونوا ملمين بالموضوع جيدا وبالعكس كلام حضرتك رائع جدا وأنا إقتنعت بيه وحضرتك ناقشتي الموضوع من كل الجوانب ويكأنك دكتورة في علم النفس مش في صيدلة بسم الله ماشاء الله
وأن كان فيه حد المفروض يعتذر يبقى أنا لإن كلامي معرفتش أوصله صح

[BoNbOoNa]

مفيش داعي للإعتذار ... ربنا ياخد بإيدينا جميعا للصواب يا رب

اللهم يسر له كل عسير و ارزقه من حيث لا يحتسب و ادخله جنتك في الدنيا و الآخرة

خالص احترامي لحضرتك

[العقرب]

اولا ربنا يوفقك في حياتك العاطفيه انشالله
ثانيااحييك علي هذا الموضوع وعلي الصراحه والبساطه الل المفروض نتكلم بيهامع بعضينا علشان نفضفض لبعض واللي ربنا يقدره بحل مشكله لا قدر الله او غيره يفدنا

انا زيك تعبت من البحث عن شريكه لحياتي والمواضيع مختلفه ولكنها تبؤ بالفشل في النهايه والحمد لله علي كل شئ



رابعا واسف علي الاطاله في احد المنتديات وجدت طريقه للبحث عن شريك للحياه من خلال المنتدي كل واحد مشترك في المنتدي يدخل يكتب صفاته وصفات شريك حياته
لعل وعسي يمكن الواحد يلاقي شريكه للحياه بين ايديه ومش حاسس



اتمني حد في المنتدي يتبني الفكره لان انا مش متردد باستمرار علي المنتدي للمشغوليات فقط وانا ما يبعدنيش عنكم غير الشديد القوي


واسف علي الاطاله وشكرا