هام جدا للإشتراك فى فريق البحث العلمى

[same7]

احساسى الشخصى

استعدادهم وكلامهم غير مرضى لرغباتنا


حسيت انهم لسه شايفنا بمفهوم الشباب القديم


اه الفكره حلوه وهنساعدكم
لكن مش مساعده بشكل فعلى يرتقى لرغباتنا
قلبنا معاكوا يعنى


وكلامهم كان بشكل عام ليس ف صميم الموضوع بالمره
احنا اللى كنا بنقترح الحلول
اتمنى يكون ده اداهم احساس اننا بنتكلم بجد مبنهزرش



اتمنى يكونوا المره القادمه مستعدين اكثر

[يسرا حسن محمد]

ياجماعه اللي عاوز يروح ويشترك
بس معرفش النهارده خلاص راح عليه الاشتراك

[*Jessy*]

انا حضرت ....................

بس متتصوروش كميه الاحباط اللي جتلي بجد النهارده ...

ربنا ييسر لينا الحال ويقدم اللي فيه الخير

[DR.BIBO]

انا فى الاول جالى احباط من كلام الدكاترة وبعدين بدا يبقى عندى امل لما ايه قالت عن اكاديمية البحث العلمى
بس اللى خلانى اروح وانا كلى حماس وامل ان الموضوع ده ينجح ان شاء الله هو حماس الشباب للفكرة احساسهم انهم هيقدرو يعملو حاجة ان فى بعض الدكاترة متجاوبين معانا وان دكتور فريد بدريه متبنى الفكرة لدرجة انه وقف مشروع تانى مشابه للمشروع ده الادارة كانت عايزة تعمله عشان يحافظ على فكرة الشباب ومجهودهم لانهم بداوها الاول وان دكتور وائل النجار قال معامل ابحاث الميكرو مفتوحالكو 24 ساعة.
فكرة ان فى ناس كانت واقفة عينيها كلها حماس وامل فى بكرة عارفين ان البلد ديه محتجالهم اكتر من الاول ميه مرة وان هما كمان نفسهم يثبتو نفسهم الكلام ده مش على الدكاترة المؤسسين بس لا ده شفته فى عيون وكلام ناس كتير من الشباب والبنات اللى كانو موجودين
وبعدين ما الثوة برده لما قامت كانت مجرد فكرة شبابيه مجنونه يساندها الكبار بقلوبهم بس لما بدات بوادر النجاح ولو من بعيد لقو الكبار والشعب كله واقف جنبهم
مفيش حد بيقول على حاجة كويسه لا المهم ان احنا نتعب شويه عشان نثبت ان الفكرة هتنجح ان شاء الله

[dr-aya]

استعدادهم وكلامهم غير مرضى لرغباتنا


حسيت انهم لسه شايفنا بمفهوم الشباب القديم


اه الفكره حلوه وهنساعدكم
لكن مش مساعده بشكل فعلى يرتقى لرغباتنا
قلبنا معاكوا يعنى

نفس الإحساس بالظبط

...

انا حضرت ....................

بس متتصوروش كميه الاحباط اللي جتلي بجد النهارده ...

ربنا ييسر لينا الحال ويقدم اللي فيه الخير

أنا و الله قلقت على الناس و حسيت إن شوية كمان و هنخرج ناسيين الفكرة أصلاً
بجد كمية رسايل سلبية منقطعة النظير

انا فى الاول جالى احباط من كلام الدكاترة وبعدين بدا يبقى عندى امل لما ايه قالت عن اكاديمية البحث العلمى

أتمنى يا بيبو أكون قدرت أشيل شوية من الإحباطات دى فعلاً
على العموم دا طريقنا و إحنا هنكمله و ربنا معانا و يعينا كلنا إن شاء الله
بالنسبة لموضوع الأكاديمية
فهى بتدى منح كل سنة و بتعمل تيم واحد فى السنة و بما إن منحة السنة دى عدت فمقلتش حاجة عنها قبل كدا
دا إعلان المنحة اللى فاتت
http://www.cu.edu.eg/eas/
اللى عايز يعرف معلومات أكتر يبحث على موقع أكاديمية البحث العلمى و أنا موجودة لأى إستفسار

.........
حاجة أخيرة بس
أنا عايزة أشكر كل الناس اللى بدأت الفكرة و نظمتها و ربنا يجزيهم عننا كل خير

[A.Elrayes]

مفيش حد بيقول على حاجة كويسه لا المهم ان احنا نتعب شويه عشان نثبت ان الفكرة هتنجح ان شاء الله
[/SIZE]

هو ده الصح لازم احنا نتعب عشان نثبت اننا هانكون قد المسئوليه ومفيش مشكله اننا نساعد في التمويل

[SmSm]

أنا حضرت ندوة دكتور فريد بدرية واديتني دافع و حماس للفكره
لأن الدكتور قالنا نبدأ حتى لو بمعلومه عارفينها ونبدأ ننفذها عشان ناخد ثقة ف نفسنا ونكمل اكتر .. دكتور فريد معلقش الموضوع على امكانيات الكليه المحدوده ولا النظام ..
صحيح لازم نفكر ف الواقع بس كل اللي عايزينه نبدأ .. والبداية دي مش بالتكلفة اللي تعقد
ننفذ فكره سهلة ونطورها و بعدين نفكر ف مشاريع جديده و نعرف ازاي هنشتغل عليها و ايه محتاجينه سواء مهارات ,معلومات , دراسة و امكانيات
دلوقتي احنا عايزين ناخد الموضوع خطوة خطوة .. نعرف ازاي نفكر وايه هو التفكير الابداعي لكن محدش فينا قال انا عندي مشروع كذا و عايز دلوقتي حالا اجهزة كذا وكذا ..

بصراحة دكتور ممدوح الششتاوي حاول يدينا أمل بعد ماكنا حاسين اننا نزلنا يوم الرست عشان ناخد دفعة احباط ونسمع جمل كلها بتبدأ للأسف للأسف ومشاريع محتاجه سنين ..
صحيح مشاريع كويسه وهتفيدنا بس فيها ايه لو بدأنا على ماتجهز ..

[meshmesh]

طيب بالنسبه لان فى ناس معرفتش تحضر الخميس كده العدد كمل ولا لسه
ولو لسه اللى عايز يشترك يعمل ايه؟؟

[emmy M]

انا كمان معرفتش احضر
بس نفسى اكون عضو فعلا واشترك
فى حاجه مهمه زى دى

[لؤلؤة صيدلة]

طيب يا جماعه ماذا بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟