مش فاهم؟؟؟؟ احنا اتضحك علينا ولا ايه

[dr.monalizaa]

مبارك شخص فاسد والدستور فاسد بردو

مبارك هو اللي فصله على مقاسه ومقاس ابنه ( طبيعي يكون فاسد )

غير ان فيه مواد كتير ما اتلمستش ولا تقل أهميه عن اللي اتعدلت

اخيرا .. انا محترمة وجهه نظرك جدا .. ومتأكده ان اللي قالو اه واللي قالو لا عاوزين مصلحة البلد

والاختلاف في الرأي لا يفسد للود قضية .. وربنا يقدم اللي فيه الخير للبلد

[متفائل]

بس دستور مبارك عطل بلا عودة للتفعيل

و ليس معنى أنى أجرى تعديلات على مواد منه أنه سيعود للحياة و إنما ستشكل هذه المواد - لو تمت الموافقة عليها - إعلان دستورى لإدارة شئون البلا فى المرحلة القادمة

و الله الموفق

[Moonlight]

الكلام ده سمعته في صباح الخير يا مصر من أحد أفراد لجنة تعديل الدستور

[N00R EL _SHAMS]

طب احنا اتضحك علينا فـ ايه

مش فاهمه الصراحه

بيتهيالى مهو دا اصلا الى كان هيحصل


مممممم مش فاهمه قصد حضرتك

[Aésmaïl]

مش فاهم وايه المطلوب دلوقتى ؟؟ !
لأن السيناريوهين دول كل الناس مدركه اللى ورا كل واحد منهم ..
بصراحه انا مش فاهم الناس عاوزه تطلع حجج وخلاص ليه ؟
*قالو ترقيع دستورى ... قالو مفيش ترقيع وكده كده دستور 71 فى الباى باى ..
ولو كانت الإجابه بنعم .. هيتعمل اعلان دستورى ب 9 مواد دووول ,,

* قالو سلطات الرئيس مطلقه .. قالو م احنا عطلنا الدستور الى كان بيجعل الرئيس فرعون ديكتاتور..

* قالو الماده اللى تسمح للرئيس القادم بعمل دستور جديد غير إلزاميه .. قالو لأ دى إلزاميه جدا
ولازم فى اول انعقاد جلسه للبرلمان الجديد .. النواب هترشح اعضاء تعمل
كهيئة تأسيسية لعمل دستور مدنى ديمقراطى جديد للبلاد ..

[Dr/HULK]

انا بتكلم عن الاعلاميين اللى بيأكدوا كل شوية ان نعم بتعنى ان الدستور المعطل هيرجع تانى

فى المقال ده فى كلمة اول مرة تتقال
ان نعم معناها ان هيبقى فيه اعلان دستورى بال8 مواد دول

يعنى زيها زى لأ بالظبط بخصوص الدستور

والفرق هو انها كمان ضامنة طريق واضح نحو الدولة المدنية

وان التخويف من نعم ده كله ملوش اى معنى

يعنى لو كان الكلام ده بدرى شوية مكنش هيبقى فيه اى اختلاف على نعم على الاقل زى ماكان حاصل دلوقتى ودى نقطة تتاخد على الجيش انه بيوضح قراراته بالقطارة

-----

( خيرونا بين الفوضى وبين مبارك فاخترنا الفوضى فرحل مبارك .. خيرونا بين الفوضى وبين عمر سليمان فاخترنا

الفوضى فرحل عمر سليمان .. خيرونل بين الفوضى وبين شفيق فاخترنا الفوضى فرحل شفيق

والان يخيرونا بين الفوضى وبين تعديل الدستور ... فماذا سنختار ؟؟

منطق غريب ولو مشينا عليه يبقى المفروض نفضل الفوضى دايما
وبعدين دلوقتى احنا بنتكلم عن مسارين للدولة المدنية
كده كده الدستور مش هيخلص غير فى سبتمبر 2012 (ان شاء الله لو كان لينا عمر)
لكن الفرق الوحيد
نعم (دستور فى وجود دولة مدنية بمجالس منتخبة)
لا (دستور فى وجود دولة عسكرية لايوجد فيها اى ممثل للشعب)

دى خلاصة الكلام

[Aésmaïl]

انا بتكلم عن الاعلاميين اللى بيأكدوا كل شوية ان نعم بتعنى ان الدستور المعطل هيرجع تانى

مع احترامى للجميع ..
دول جهلاء مش اعلاميين ..
اساسا الإعلامى لازم يكون على الحياد .. واعلامو ميكونش موجه لحاجه معينه ..

يعنى لو كان الكلام ده بدرى شوية مكنش هيبقى فيه اى اختلاف على نعم على الاقل زى ماكان حاصل دلوقتى ودى نقطة تتاخد على الجيش انه بيوضح قراراته بالقطارة

بدرى ازاى الراجل ممدوح شاهين طلع فى مصر النهارده وفهم الناس كده
كون المشككين يفسرو اى حاجه على مزاجهم دى ترجع ليهم مش للجيش
والجيش من حقو انو يصدر بياناتو بالقطاره .. لازم يبقى فيه دراسه لكل حاجه
دا هو المنوط بحمايه البلد .. والموضوع مش ساهل ومش محتاج تسرع

[hananah]

أنا مقتنعه أوى بحاجه سمعتها فى الندوه اللى كنت حضرتها بتاع التعديلات الدستوريه
لما حد بعت سؤال كده
رد قاله مفيش حد عارف ايه اللى ممكن يحصل فى مصر بكره
وأنا مقتنعه بكده
ده احنا أول خطوه مش عارفين هيحصل فيها ايه لسه
التعديلات هتتقبل ولا لا؟

[بحلم ببكره]

بتكلم عن الاعلاميين اللى بيأكدوا كل شوية ان نعم بتعنى ان الدستور المعطل هيرجع تانى

فى المقال ده فى كلمة اول مرة تتقال
ان نعم معناها ان هيبقى فيه اعلان دستورى بال8 مواد دول

يعنى زيها زى لأ بالظبط بخصوص الدستور

والفرق هو انها كمان ضامنة طريق واضح نحو الدولة المدنية

وان التخويف من نعم ده كله ملوش اى معنى

يعنى لو كان الكلام ده بدرى شوية مكنش هيبقى فيه اى اختلاف على نعم على الاقل زى ماكان حاصل دلوقتى ودى نقطة تتاخد على الجيش انه بيوضح قراراته بالقطارة

أنا قلت كدا هنا من يومين والناس كدبتني وقالوا لي الكلام مش منطقي ومش مصدقين
.
.
.