بين نعم ولا مازلت عاجزا عن الاختيار !!

[حبيبه]

بسم الله

اتمنى الفيديوهات دى تفيدنا كلنا فى اتخاذ القرار

http://www.youtube.com/watch?v=yXKt_mNKb20&feature=player_embedded

http://www.youtube.com/watch?v=KaFwiU8XGjE&feature=player_embedded#at=33

[dr.monalizaa]

ما هيا دي الفكره زي ما الاستاذ بلال فضل قال

انك تحس انك محتار وان رأيك مهم مهما كان رأيك ده ايه

الحيرة أحسن مليون مرة من اللامبالاه

[Aésmaïl]

دا مقال د / محمد سليم العوا ..
ودا من الشخصيات اللى بحترمها صاحبه الفكر المعتدل ..
لا ينتمى لأى تيارات سياسيه ..

إذ قلنا "نعم" لهذه التعديلات، خرجنا من نفق الدكتاتورية المظلم إلى الحرية، ولو قلنا "لا" فسوف يبقى حكم عسكرى إلى مدى لا يعلمه إلا الله لنكرر تجربة 1954 ويعود زمن الرئيس الدكتاتورى، وسوف تتكرر تجربة جمال عبد الناصر والبشير فى السودان وغيرهما.

وأكد العوا أنه فى حالة نجاح الاستفتاءات على التعديلات الدستورية خرجنا من الظلمات إلى النور، ومن الدكتاتورية إلى الحرية ومن الظلمة إلى الديمقراطية وفق الدستور، داعيا الله أن يهدى المجلس الأعلى للقوات المسلحة بأن يعودوا إلى حماية الوطن ويتركوا الحكم إلى أرباب السياسة.

وتساءل العوا قائلا: إلى أين تقودنا هذه التعديلات الدستورية وما حقيقتها وما طبيعتها حتى ندلى بدلونا، مشيرا إلى أنها بمثابة إعلان دستورى جديد وإدارة وقواعد دستورية لانتقال السلطة الدكتاتورية إلى الديمقراطية دون فراغ دستورى.

وأكد أن المجلس الأعلى للقوات المسلحة لا يحكم، ولكنه يدير البلاد من خلال التفويض الذى أعطاه إياه الرئيس المخلوع، مضيفا، إذ لم نوافق على التعديلات الدستورية سوف نعيش 57 سنة من الدكتاتورية كما عشناها منذ عام 54 وحتى 11 نوفمبر 2011 نحكم بدكتاتور وراء دكتاتور، وبضابط بعد ضابط، وبجبار وراء جبار، لأننا أضعنا الفرصة التى كانت يومئذ سانحة للحكم بالديمقراطية، واليوم ثوار 25 يناير حققوا ما لم نحلم به من قبل وهى الحرية.

وقال: نريد رئيسا نستطيع أن نحاكمه، لا نريد خليفة يتحكم فينا باسم الدين، نريد رئيس جمهورية يأكل فول مدمس، ونام على الرصيف، وأكل سمك وغسل يده بالتراب، لا نريد حاكما يسخر من المسلمين كما كان يفعل مبارك، لا نريد حاكما يحتقر المؤمنين كما كان يفعل الرئيس المخلوع، نريد حاكما أخضع جبهته لله خائفا وخاشعا لله، أما الرجل الذى لا يعرف الله فلا يستحق أن يتولى علينا الحكم ويتولى أمرنا.

وأوضح العوا أن الانتخابات القادمة سوف تكون حرة ونزيهة وتحت إشراف قضائى بالكامل، ولا تدخل لرجال الشرطة على الإطلاق.

وانا عن نفسى .. كنت محتار جدا جدا ..
وكانت اجابتى بلا .. نظرا لإحتجاجى على دستور الفرعون الديكتاتورى دستور 71 ..
ولكن طالما المجلس الأعلى قال انو عطلو بشكل نهائى
ولا يوجد نيه للترقيع ...
فأهلا بالتعديلات .. ولندع الجيش يعود لثكناته

اللهم اهد الجميع للصواب ...

[أمــ هـنـد ــة الله]

انـا فعلا محتـارة جـدااا

وعشـان كده نـويـت اصـلى استخـارة ودا افضـل حـل ليـا

لان ربنـا وحـده اللى عـالم إيـه اللى فيـه الخيـر لمصـر وانـا هستخيـره


دعاء صلاة الاستخارة

من أعظم العبادات حال تشتت الذهن ونزول الحيرة بالإنسان صلاة الاستخارة التي دل عليها النبي إذا قال : (( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) . [ البخاري ]

[Aésmaïl]

انـا فعلا محتـارة جـدااا


وعشـان كده نـويـت اصـلى استخـارة ودا افضـل حـل ليـا

لان ربنـا وحـده اللى عـالم إيـه اللى فيـه الخيـر لمصـر وانـا هستخيـره

وبرضو لازم تجمعى قدر معلومات كبير ...

وتعرفى مستقبل الإجابتين سواء بنعم او لأ ..

اهم حاجه فى الموضوع دا كلو .. ان التعديلات مجرد اختبار للمصريين

هل هم مؤهلين لممارسة الديمقراطيه .. واحترام رأى الأخر .. ولا لأ

[أمــ هـنـد ــة الله]

المشكـلة ان الرأى اللى بيقول لأ بيقنعنـى

وبرده اللى بيقـول نعم بيقنعنـى

مش عـارفة دا عيب فيـا ولا إيـه ؟؟

[snow123]

انا أحب إنى ألزم جماعة المسلمين بما إن الاخوان والسلفيين قالوا نعم يبقى نعم بالنسبة لي

و هل الاخوان و السلفيين هم تمثيل المسلميين ؟؟اسوا تمثيل لو كان اصحاب المصالح و الشعارات الزائفة هم تمثيل ديننا الحنيف
و اللى فى 25 ينير اعلنوا انهم لن يشاركوا و عندما رأوا الثورة تنجح انضموا و انا اتكلم على قيادات الجماعة و اصحاب القرار فيها و ليس الشباب المنضم اليها بظن انها تعبر عن الدين و هى فى الواقع لا تعبر الا عن مصلحتها
و لا حتى تطبق الديمقراطية التى تطالب بها مثل ندوة د.صبحى صالح التى تم فيها الاعتداء على من كان يريدون ان يعرضوا و جهة نظرهم التى تقول لا
الاخوان لا يمثلوا الا انفسهم و ليسوا المعبرين عن الاسلام هم قالوا رأيهم باعتبارهم فصيل سياسى و لا هم الازهر
و اعتقد بعد الرسول الكريم ليس هناك من يمثل الاسلام بشخصه و نتبعه دون تفكير فى عواقب قرارتنا
الاسلام يدعونا لاعمال العقل و التفكير
و فى النهاية كما قالوا انا مسلم و هاقول اه اقول انا مسلمة و مصرية و هاقول لا
ارجو ان نقرر بعقولنا و ليس باتباع اعمى سواء كان نعم ام لا

[N00R EL _SHAMS]

ان شاء الله نعــــــــــــــــم وقلبى مطمئن


انا الاول كنت بقول نعم وبعدين احترت تانى واتلخبطت

بس لما سمعت اراء ناس كتير وعلى راسهم الشيخ حسان وشيوخ كتير اوى

قلبى اطمن اكتر لنعم وان شاء الله كل الى هنا اخليهم يصوتوا بنعم

ربنا يقدم الى فيه الخير لمصر

سواء نعم او لا

لازم طبعا كلنا نتقبل اراء بعض

وانا واثقه ان ربنا هيختار لنا الافضل ان شاء الله

[متفائل]

و هل الاخوان و السلفيين هم تمثيل المسلميين ؟؟اسوا تمثيل لو كان اصحاب المصالح و الشعارات الزائفة هم تمثيل ديننا الحنيف
و اللى فى 25 ينير اعلنوا انهم لن يشاركوا و عندما رأوا الثورة تنجح انضموا و انا اتكلم على قيادات الجماعة و اصحاب القرار فيها و ليس الشباب المنضم اليها بظن انها تعبر عن الدين و هى فى الواقع لا تعبر الا عن مصلحتها
و لا حتى تطبق الديمقراطية التى تطالب بها مثل ندوة د.صبحى صالح التى تم فيها الاعتداء على من كان يريدون ان يعرضوا و جهة نظرهم التى تقول لا
الاخوان لا يمثلوا الا انفسهم و ليسوا المعبرين عن الاسلام هم قالوا رأيهم باعتبارهم فصيل سياسى و لا هم الازهر
و اعتقد بعد الرسول الكريم ليس هناك من يمثل الاسلام بشخصه و نتبعه دون تفكير فى عواقب قرارتنا
الاسلام يدعونا لاعمال العقل و التفكير
و فى النهاية كما قالوا انا مسلم و هاقول اه اقول انا مسلمة و مصرية و هاقول لا
ارجو ان نقرر بعقولنا و ليس باتباع اعمى سواء كان نعم ام لا

سؤال واحد لماذا كل هذه التهم المبالغ فيها لجماعة الإخوان

اريد من حضرتك أى تصريح أو حوار صحفى يقول أن الإخوان لن يشاركوا فى الثورة

و أتفق أن لا يوجد من يمثل الإسلام بشخصه و قد أوضح الإمام البنا أن الكل يؤخذ من كلامه و يترك إلا المعصوم صلوات ربى و سلامه عليه

الإخوان يتبعون منهجا و ليس شخصا فالمنهج واحد دائما

[Aésmaïl]

المشكـلة ان الرأى اللى بيقول لأ بيقنعنـى
وبرده اللى بيقـول نعم بيقنعنـى
مش عـارفة دا عيب فيـا ولا إيـه ؟؟

لأ مش عيب فيكى خالص ..
كلو كده والله .. خوفا على مصلحه البلد .

انا الاول كنت بقول نعم وبعدين احترت تانى واتلخبطت
بس لما سمعت اراء ناس كتير وعلى راسهم الشيخ حسان وشيوخ كتير اوى
قلبى اطمن اكتر لنعم وان شاء الله كل الى هنا اخليهم يصوتوا بنعم
ربنا يقدم الى فيه الخير لمصر

انا بحترم رأى شيخ الإسلام محمد حسان ...
وشايف انو الصح ..

سؤال واحد لماذا كل هذه التهم المبالغ فيها لجماعة الإخوان
اريد من حضرتك أى تصريح أو حوار صحفى يقول أن الإخوان لن يشاركوا فى الثورة
و أتفق أن لا يوجد من يمثل الإسلام بشخصه و قد أوضح الإمام البنا أن الكل يؤخذ من كلامه و يترك إلا المعصوم صلوات ربى و سلامه عليه
الإخوان يتبعون منهجا و ليس شخصا فالمنهج واحد دائما

ياجماعه ارجوكم بلاش رمى بعض بتهم ليس لها اى معنى ...
انا واحد من ناس كتيير شاركت فى الثوره بعد الإمتحانات ومن ميدان التحرير .. ولى الشرف ..
انا اشهد ان الميدان كان لا يمثل شباب اخوان او سلفيين او ليبراليين او اشتراكيين اوعامه الشعب من الفنانين او الاعلاميين او من العشوائبات و الفقراء
كل دوول امثله للناس اللى شاركت فى الثوره ...
د محمد سعد الكتاتنى "اخوان "
ولاد الدكتور حسام بدراوى "حزب وطنى " كانو موجودين
الشيخ محمد حسان "سلف "
د البرادعى , اسامه الغزالى " ليبرالى "
عصام سلطان " وسط "
سامح عاشور " ناصرى"
جميله اسماعيل , بسمه , جيهان فاضل و خالد يوسف و خالد الصاوى
مش عاوز انسى حد بس ..

وكل دوول يحسب ليهم حاجه ا نهم اجتعمو على كلمه واحده فى الميدان ..
عشان يوصلو للى بيحصل النهارده ...
الديمقراطيه والحريه ..
اللى ممكن يستخدمها البعض حاليا لنشر حاله الفوضى بين الناس ..
و احان طالعين من بيوتنا مكناش نعرف احنا هنرجع ولا لأ تانى .. ولا هل الجيش هيفضل على الحياد ولا لأ
كل ده عشان نبنى مستقبل جديد للبلد اللى كبرنا فيها .. وهنطورها بإدينا ان شاء الله

لكن كون الناس تشكك فى آراء بعض .. وتقلب تخوين ..
يبقى دى هتقلب ثوره مضاده .. اللفظ اللى مش بحب اسمعو ..

كل الناس لازم تنزل بكره ..

تقول نعم او لأ ..

اى حد مقتنع برأى يعملو ...

مفيش حاجه اسمها اخوان ولا سلف ولا حزب ولا مستقل

كلنا مصريين