مواقفه دايما خيبانه واى كلام فى العبيط......كان فين عمرو موسى ايام العراق لو هتكلموا بقى عن البرادعى طيب موقف عمرو موسى فى الحرب عالعراق كان ايه
كان فين عمرو موسى ايام الحصار والحرب على غزة
عمرو موسى فضل فترة فى وزاره الخارجيه وبعديها بقى امين جامعة الدول العربيه ومش فاهمه كل الفترة دى كان ساكت عالنظام ده ليه .....ياما هو كان يائس يا ما مؤيد للنظام يا ما كان ساكت عشان يحافظ على منصبه وفى ال 3 حالات ما ينفعش يبقى رئيس جمهوريه
على عكس البرادعى اللى جه اكلم فى وقت ماحدش كان بيعرف ينطق فيه
عمرو موسى مااعترضش عالنظام ولا كان ليه موقف...والبرادعى هو كان سبب من اسباب التغيير
هو اللى جه واكلم وعمل حملة المليون توقيع لتغيير الماده المتعلقه بالترشيح للرياسه وكان من البدايه مع الشباب وهو اول واحد دعى للتغيير
ماحدش يقولى دا لما لقى ان الحكايه مش نافعه ساب مصر ولما قامت الثورة رجع
اولا الراجل مش غلطان هو خرج عشان يلم تاييد الدول اللى بره ولما قامت الثورة رجع ووقف مع المتظاهرين من الاول لحد انهارده ومواقفه كلها واضحه وارائه دايما واحده
لكن عمرو موسى عمل ايه ايام الثورة كده حد يقولى ايه يعنى نزل ساعه ولا بتاع وانا اصلا شك انو كان نازل مؤيد للمتظاهرين بغض النظر عن اللى مكتوب فى الوثيقه اللى بتقول انو كان نازل يقنع المتظاهرين بفض الاعتصام بغض النظر عن انها صح ولا متفبركة فانا اصلا اشك انو كان نازل مؤيد ليهم لو كان فعلا مؤيد ليهم ولو كان فعلا عاوز ياخد موقف ضد النظام ده كان زمانة خد موقف من سنتين فاتوا ايام حصار والحرب على غزة
وف نفس الايام دى برده فى منتدى دافوس لما شفنا موقف اردوغان ولما قال كلمتين حلويين وساب الميك ومشى قام عمرو موسى ياعينى يسلم عليه لا ولما حدشاورله بايده مش فاكرة كان مين راح اعد تانى ايه الخيبه دى .........مين بقى اللى شخصيته مهزوزة دلوقتى ؟؟
هو لو كان جدع فعلا كان زمانه خد موقف من اياميها مش يجى دلوقتى ويقول انا ماكنتش من نظام مبارك!!
زائد كمان فى حاجه يعنى الراجل ده تقريبا سنه قاربت على ال80 دا ان لم يكن فعلا عنده 80 سنه وهنا بقى عاوزة اسال سؤال لامتى هيفضل يحكمنا شوية عواجيز عفا عليهم الزمن؟؟
رد مع اقتباس
