تقرير اللقاء المفتوح لطلبة صيدلة المنصورة بتاريخ 23/2/2011

[moaazeissa]

تسلم ايدك يا مصطفى
والف سلامه لعامر
وبجد اداءكو عالي جدا
وربنا معانا ومعاكم

[AbU ElKhAiR-Let`s Go]

لو سمحتم يا جماعه ممكن تخلوا ميعاد الاجتماع القادم الساعه 1 ظهرا ولا مش ينفع ؟؟؟

[ahmed90]

1-يا جماعة بالنسبة للمكتبة
حرام تبقي موجودة ف مبني الادارة
ياريت يشوفو حل للموضوع دا
2-انا مع اقتراح الغاء امتحانات الشفوي لانها كلها بتقوم ع الحظ و عدم المساواة بين الطلبة و كلنا عارفين الكلام دا
3-ياريت يبقي من حقنا تغيير اي دكتور مش هنفهم منه لان مصلحتنا كطلبة اهم
4-حكاية virtual lab دي كويسة و ممكن توفر للكلية فلوس كتير

[Nada Radwan]

تقرير جميل ووافى ماشاء الله..
وإن كانت مطالب كلينيكال غير الfun dayاكيد..
واتمنى ان تمثيل طلاب كلينيكال يبقي اكتر المره الجايه ان شاء الله..
وألف سلامه لعامر..
بالتوفيق,,

[عامر إبراهيم]

شكرآ ليكم يا جماعة كلكم

الله يسلمكم يارب ويبعد عنكم كل سوء

بكره ميعادنا إن شاء الله الساعة 12 ظهرآ بمدرج إعدادى

علشان نكمل كلامنا اللى بدئناه يوم الأربعاء اللى فات

ياريت نبقى موجودين بكره إن شاء الله علشان نعمل قائمة المطالب بكره إن شاء الله

ميعادنا الساعة 12

فى مدرج إعدادى فى الكلية

ياريت نعرف كل الناس إن المكان بقى مدرج إعدادى مش النقابة

[Dr Dero]

انا كان عندى 3 اقتراحات
1 - ياريت يكون امتحان شفوى النظرى فى يوم غير يوم النظرى وبكدة نقدر نخلص مذاكرة المادة قبل امتحان النظرى
2-حضراتكم اقترحتوا وجود كافيه : مكان الكافيه ده ممكن يكون الاماكن الخضراء اللى فى الكلية يعنى شوية كراسى بدل ما احنا بنقعد على الارض
3-مناقشة اعضاء النقابة فى نقطة تغيير المناهج بحيث الصيدلى يكون من حقه صرف الدواء للمريض وان الدكتور البشرى يكون من حقه التشخيص فقط وليس وصف الدواء ونكون زى الصيادلة فى الدول الغربية
أسفةللأطالة وتقبلوا مرورى
واسفة انى مش هقدر اجى لظروف سفرى

[الجنة مرادى]

جميل جدا المجهود اللى تم فى الإجتماع


من أهم الحاجات المهمة جدا جدا فى الكلية

استراحة خاصة للبنات

خصوصا ان مسجد البنات صغير جدا ما ينفعش الا للصلاة وبالقوة كمان

والبنات بتحتاج لمكان خاص أكتر من الشباب لأن فيه منتقبات ولحرية الأكل

والجلوس وغيره

وأقترح المكان اللى قدام المسجد بتاع البنات ممكن يتعمل

خيام بلاستيك عشان المطر لحد لما الإستراحة تتعمل

ياريت يتضاف الإقتراح دا لباقى الإقتراحات

[*Aya*Verse*]

ازيكو يا جماعة
هو فين تقرير الاجتماع التانى

[KawBonGa]

احنا اسفين علي التاخير يا جماعه



بس الفكره ان احنا بنظبط قائمه مطالب وتقرير كامل ههيتقدم للدكتوره ماجده واداره الكليه
فلازم كل كلمه تبقي موزونه فخد مننا شويه وقت


ان شاء الله بدون مقاطعه ينزل انهارده

[Mostafa 3laa]

بتظبط اييييه يعم بلاش كده