الاخوان المسلمين ,, اسكت متجبش سيرتهم

[Dr.A7med]

هكسر الكمبيوتر لو ما بطلتوش .. ديه دي

[asfourelgana]

اشكرك يا دكتور على الموضوع

المشكله اننا اتعودنا من الاول على ان الاخوان سورى يعني

وسامحوني يا جماعه والله بس ده كلام بيتقال

كان بيتقال عنهم ابعد عن الشر وغني له انا اسفه مرة تانيه

بس لما اتكلمت مع ناس منهم لقيت ان افكارهم كويسه

ومبادئهم مش وحشه صحيح كان لينا انتقادتنا بس ف الاول وف الاخر

زى ما قال الدكتور احنا لازم نشوف الرأي والرأي الاخر

عشان لما نتكلم يبقى كلامنا يعني موضوعي

ر

2- حزب الوسط ليس له علاقة بالإخوان

الإخوان لسه هيأسسوا حزب اسمه حزب (الحرية والعدالة)

هو ده اللي سمعته من د عصام العريان تقريبا

اللي هو المتحدث الرسمي باسم جماعة الاخوان المسلمين

تقبل مروري

[*Jessy*]

لا مفهمتونيش والصراحه انا كمان مفهمتش

قصدي الناس العاديين اللي هو احنا اللي مش بينتموا لاي احزاب ليه مثلا اما بنتكلم عن اي حزب تاني بنتكلم عادي ومفيش مشاكل واشمعني بالذات اما نتكلم علي الاخوان اول كلمه نقولها احنا مش تبع الاخوان

تفتكروا ده سببه ايه ؟ او ايه اللي وصلنا لكده ؟؟

[mahd reusski]

هكسر الكمبيوتر لو ما بطلتوش .. ديه دي

هههههههههههههه ......... اعصابك يا دكتور ....

[Ahmed Nada]

ممكن بس تفهموا اللوجو بتاعهم


راسمين سيفين و كاتبين كلمة و أعدوا اللي هي بدايه الايه الكريمه
{ وأعدوا لهم ما استطعتم من قوة ومن رباط الخيل ترهبون به عدو الله وعدوكم }

طيب هما لو زي ما بيقولوا انهم جماعه إصلاحية شامله
اكتب كده في اللوجو بتاعي استحاله
دي جماعه هدفها انها تحارب و تدمر وخلاص
نازل انتخابات في بلد سكانها مسلمون و مسحيون ويكون شعاري الاسلام هو الحل
ده انا كده بنفر المسحيون مني واخوفهم ومكسبش ودهم
يمكن مع القمع اللي كانو فيه ايام مبارك والسادات مكنوش واخدين راحتهم
بس الله أعلم لما يخدوا الحريه هيعملوا ايه ؟؟؟

[تابعة محمد]

لا مفهمتونيش والصراحه انا كمان مفهمتش

قصدي الناس العاديين اللي هو احنا اللي مش بينتموا لاي احزاب ليه مثلا اما بنتكلم عن اي حزب تاني بنتكلم عادي ومفيش مشاكل واشمعني بالذات اما نتكلم علي الاخوان اول كلمه نقولها احنا مش تبع الاخوان

تفتكروا ده سببه ايه ؟ او ايه اللي وصلنا لكده ؟؟

انا فهمه قصدك و الله يا دكتورة . و فى علمك لما الاحزاب تبدا تنشط و تنزل دعايتها هنلاقى الناس بتقول انا مش من الاخوان و لا من الوفد و لا حتى من ائتلاف الثورة ..........
و الله اعلم ممكن يقول انه مش من مصر .
المشكلة انك لو دفعت عن الاخوان لازم تكون منهم مع ان ده ممكن يكون مجرد تعاطف او مساندة ، و لو اعترضت عليهم يبقى انت بتعاملهم كانهم اغراب مع انك ممكن تكون فقط عايز تفهمهم و تفهم النقطة الى انت معترض عليها و تحاول تلاقى سبب لكلامهم يقنعك .
و بالنسبة للموضوع ده :- الكلام مش كمان شهرين مش هيكون بس على الاخوان ، لأ هنلاقى مرشحين سلفين او وفدين او مستقلين او من التجمع و ناس كتير ليها انتماءات مختلفة و كل واحد فينا بيدافع عن منطقه بس الذكى الى يقف لحظة و يفكر بمنطق الى قدامه و يبدا يبص على تفكيره و ساعتها هيعرف ازاى يقدر يتعامل مع الناس الى حوليه .
حاجة اخيرة الاخوان يمكن هم الى موضوع نقاش علشان هم الى دلوقتى الناس بتبص عليهم و تقول الرئيس مشى يا ترى هم هيعملوا ايه دلوقتى لانهم كانوا شماعة النظام ؟ اما باقى الاحزاب و الائتلافات معروف اتجاه من اوا نشائتها .
و ملاحظة بسيطة لاى حد فى الاخوان و ياريت ميحصلش منها مشكلة و هى ان قبل الثورة كان الاخوان دايما فى موضع شبهات و اتهامات علشان كده كان لازم يدافعوا عن منطقهم و فكرهم بقوة و يتمسكوا بيه اكتر و اكتر ، لكن دلوقتى مبقاش موجود حاجة تمنعهم من الحوار فلازم يعرفوا انهم تحولوا من موضع شبهات الى موضع استفهام و اكيد برده طريقة الرد على اسئلتنا برده لازم تتغير لانك قبل كده لازم كنت ترد بقوة و حزم لكن دلوقتى لازم ترد بهدوء و تريث و تستحملوا اسئلتنا الكتيرة .

[The Princess]

طيب هما لو زي ما بيقولوا انهم جماعه إصلاحية شامله
اكتب كده في اللوجو بتاعي استحاله
دي جماعه هدفها انها تحارب و تدمر وخلاص
نازل انتخابات في بلد سكانها مسلمون و مسحيون ويكون شعاري الاسلام هو الحل
ده انا كده بنفر المسحيون مني واخوفهم ومكسبش ودهم
يمكن مع القمع اللي كانو فيه ايام مبارك والسادات مكنوش واخدين راحتهم
بس الله أعلم لما يخدوا الحريه هيعملوا ايه ؟؟؟

واضح انك فاهم اللى محدش فهمه يا دكتور و بما ان حضرتك كنت عايش بره مصر زى ما بتقول بالاضافة لصغر سنك فده اكيد اثر على متابعتك للاحداث فى مصر من 6 سنين و ايامها كان حضرتك عندك تقريبا 11 سنة كانت الانتخابات البرلمانية اللى الاخوان فازوا فيها ب 88 مقعد و كانوا رافعين نفس الشعارات برضه و المسيحين ما خافوش زى ما حضرتك بتقول و لا حاجه بل و تعاون ناس منهم معاهم و هما تعاونوا مع المسيحين برضه زى دكتور منى مكرم عبيد و اللى رفض الاخوان الترشح قدامها احتراما ليها
و بعدين طعنك ليهم باستخدام الشعار و الاية ده طعن للدين نفسه مش ليهم و هل هما مخترعين الاية دى مثلا ؟؟؟ و هل الاستعداد لمواجهة الاعداء مش جزء من الاصلاح و لا سيادتك شايف اننا المفروض نلغى الجيش علشان نبقى دولة اصلاحية شاملة ؟؟ و بعدين هو الاسلام ينفر المسيحين فى ايه ؟؟ و الله لو هو حاجه وحشه او هما فاهمينه غلط دى تبقى مشكلتهم مش مشكلة الاسلام و لما انا المفروض اخبي شعاراتى اللى جايه من القران و دينى علشان محدش ينفر بنطالب ليه بمعاملة المسيحين بالحسنى زى ما الاسلام وصانا ؟؟
ياريت يا دكتور لا تصدر احكام و خلاص بدون دليل ده مش راي ده اتهام لما يبقى عندك دليل ابقى اتهم براحتك
انت لما اتكلمت عن تجربة شخصية معاهم و ان كان معيار الحكم عليها غير صالح لانه وجهة نظرك انت محدش اتكلم لان ده رايك الشخصي من خلال تجربة شخصية لكن تلقى باتهام خطير زى ده بدون دليل واضح و عقلانى دى ما تبقاش حرية دى تبقى فوضى

[عاشق الأقصى]

انما الليي اكيد انهم بيتعاملوا مع بعض بخصوصيه شديده
يعني مفيش شاب من الاخوان يتجوز واحده عاديه أبدا لازم تكون هي او ابوها او اخوها منضمين للجماعه

طبعا كلام مش صح حضرتك تقريبا اتفرجت على مسلسل الجماعة

على فكرة بنت عادل إمام متجوزها واحد من الإخوان ووالده قيادي كبير وكان عضو مكتب إرشاد " تخيل "

يبتدو معاك بريق حلو ماتش كورة النهارده ندوه في مسجد بكره عزومه على الغدى بعده
وهكذا لحد ما تقتنع بأفكارهم وتبقى واحد منهم

برده بندخل في نوايا الناس !!

أنا شخصيا حاولوا معايا كتير الترم الاول وكنت دائما و ابدا بصدهم
الغريب بقى عشان تأكيد كلامي .. لما كانوا يحبوا يعزموني على الغدى يقولك بره الجامعه طب ليه مش جوه الجامعه؟؟

عشان كانوا خايفين عليك من عيون الأمن اللي مرشق الكلية

لا ويبعتلك رساله 5 الفجر يقولك فيها كده طب يا أخي ما تكلمني بالنهار ولا سمعني صوتك في التليفون..

انا من الاخوان وعمري ما بعت لحد رسالة الفجر
يعني ده اكيد طبيعة في الشخص اللي بتتكلم عنه

اللي أنا عاوز اقولك عليه إن الاخوان إخوان سواء قبل 25 يناير أو بعد 25 يناير
افكارهم و مبادئهم لن تتغير ابدا
وزي ما قالك الدكتور ان حزب الوسط مالوش علاقه بيهم
هما لسه هيعملوا حزبهم

ان شاء الله حزب الحرية والعدالة ربنا يكملها على خير

ويا تقتنع بأفكارهم وتبقى حبيبيهم و واحد منهم .. يا اما انت عدونا ولا نعرفك
بدليل انهم لما يأسوا مني في الكليه مبقاش حد فيهم يكلمني ولا يبعت رساله ولا اي حاجة من الحاجات دي

الله يسامحك لأن ده عمره ما كان تفكيرنا واسأل عني في دفعتي شوف الناس هتقولك ايه
شكرا

كلمة أخيرة اتعب نفسك يا دكتور واقرأ كويس عننا

ولو مش عايز متحكمش علينا بافترا كده لأني باتعب نفسيا من كلام زي ده

[Sara Elbakry]

يعني مفيش شاب من الاخوان يتجوز واحده عاديه أبدا لازم تكون هي او ابوها او اخوها منضمين للجماعه

الكلام ده فعلا مش صح خااااالص يعنى حضرتك جبته منين

ويا تقتنع بأفكارهم وتبقى حبيبيهم و واحد منهم .. يا اما انت عدونا ولا نعرفك
بدليل انهم لما يأسوا مني في الكليه مبقاش حد فيهم يكلمني ولا يبعت رساله ولا اي حاجة من الحاجات دي

دا هما بقى لو زى ما حضرتك قولت ماكنش زمانهم بيتعاملوا مع حد
بص حضرتك الاخوان انا مابنكرش ان فيهم عيووب ومش قليله بس مش اللى حضرتك بتقول عليها
وواضح ان حضرتك بتطلق احكام كده وخلاص من خلال تعاملك مع واحد ولا اتنين ولا حتى 10 وماحاولتش تتعمق فى فكرهم اكتر

[L SMA7Y]

انا مبعلقش علي اي كلام لان شايف ان ما شاء الله اغلب الناس ردودها عقلانيه وجميله

دكتوري العزيز أحيك على إلموضوع
بس لفتني وشد انتباهي إسم الموضوع نفسه
" اسكت متجبش سيرتهم "
ليه ؟ كل واحد يتكلم في اللي هو عاوزه ويقول وجهة نظره و يطرحها ويتناقش مع غيره فيها
إنما أسكت و متكلمش عليهم ... حتى كلمت اسكت مش شايف انها صعبه او بمعنى اصح امر

يا دكتور انا مقصدتش انك متتكلمش ,, انا اقصد العكس

اقصد الناس اللي بتقول متجبش سيره الاخوان ,, ليه بنقول كدا

((( من نوع لفت الانتباه مش اكتر )))


-*************-

لا انا بجد عاوزه استفسر عن حاجه

انا قبل كده كان فيه موضوع عن الاخوان والناس لغبطت فيه شويه بس بصراحه مش فاكره الموضوع اوي وانا دخلت اتكلمت وقولت بلاش نغلط او كده حرام احنا كلنا مسلمين واعترضت بس علي اسلوب الحوار اللي حصل جوه الموضوع مكنش اعتراضي علي الموضوع نفسه

شوفت الموضوع وكان من فتره ولقيت في مواضيع جانبيه بيتفتح سيره الاخوان وبيكون فيها نقاشات كتيره وفيها اللي بيخرج عن سياق الكلام

فقولت افتح الموضوع تاني بطريقه حلوه علشان كل واحد يعرض وجهه نظره ونحاول نفهم بعض بهدوء


-***********-

واول كلمه كتبتها برضه( انا مش اخوان ) ..زي ما صاحب الموضوع ده كتب برضه انه مش من الاخوان
وهو ده اللي عاوزه استفسر عنه احنا ليه بنقول كده او بقينا كده ...بجد انا عاوزه اعرف ايه السبب ليه كلنا لو قولنا كلمه حق زي ما حضرتك قولت دلوقتي لازم نعرف الناس اننا مش اخوان عشان يسمعونا وبالفعل احنا فعلا مش اخوان

عارف ,, وعارف ان الناس علقت علي الكلمه دي في المووضع التاني

بس انا كتبتها مش تبرأ منهم او خوفا من حد ينسبني للاخوان المسلمين

لا علشان اقول اني محايد ولا انتمي نهائيااااااااااا لاي حزب ولا لاي جماعه ,,

وعلشان كمان رأيي ميعبرش عن اي حد تاني غيري


-**************-

د/تابعة محمد ,, د/The Princess ,, د/ عاشق الأقصى ,, د /دواء المستقبل

كلامكم مظبووووط 100 %


-**************-

وياشباب لازم قبل منتكلم عن اي حد او اي حاجه لازم نعمل عليها سيرش ونقرأ عنها

منكتفيش باننا نسمع بس او نشوف حاجه في التليفزيون

النت اصدق من الف وسيله اعلاميه تانيه

لان بتشوف اراء كتيييييييييير وتقدر تقيم براحتك


شكرا