انت وانت وانتي ارحموا البلد

[mahd reusski]

بصراحة مش عارفة حضرتك بتجيب الكلام ده منين؟؟مين قال (لازم نسوى البلد بالأرض)؟؟؟؟؟؟؟؟؟؟؟؟
الاعتراض على الوزارة الحالية مش عقدة عندنا ولا حاجة..

معاكي يا دكتوره ............. بس هل حضرتك متفقه مع اللي بيطالبوا بتغييييير الحكومه المؤقته كلها دلوقتي ؟ هل حضرتك مع اللي بيطالبوا بان الناس اللي موجوده دلوقتي لازم تمشي اولا كلهم كلهم ؟
يا دكتوره دي حكومه مؤقته لحد فترة الانتخابات يعني فتره انتقاليه والقرارات كلها بايد المجلس العسكري والناس اللي موجوده دلوقتي واللي فيهم ناس كويسه كلهم هيمشوا بعد ماتيجي الحكومه المنتخبه بس البلد ماينفعشي تبقي فوضه .................. ولو الحكومه اتحلت عمرنا ما هنقدر نعمل حكومه مؤقته جديده يجتمع عليها معظم الجماعات والتوجهات ............. يبقي نستني ونتنابع ونسيب المجلس العسكري يشتغل والنائب العام بيحاسب الفاسدين ............... واحنا كمان نشتغل كل واحد في مكانه ونهدي شويه مش اكتر من كده وان كان كلامي يضايق حضرتك فانان متاسف عليه

[star]

أنا برده مش مع استمرار التظاهر أو الاعتصام حتي لو سلمي لاني بحس ان الحياة مش طبيعية حد يقولي اسم دولة واحدة الناس كل يوم او كل أسبوع تطلع تتظاهر كفاية كده وندي للجيش فرصة ونثق فيهم لأن لو هما سابوا البلد دلوقتي مين اللي هيمشيها وبلاش اسلوب التهديد مع الجيش دول مش أعداء لينا دول هما اللي بيحمونا وكفاية اننا حملناهم مسئولية هي مش من صميم عملهم أعتقد ان مطالب معظم الناس اتحققت و انا شايفة ان موضوع تغيير الحكومة كلها ده مش منطقي في ظل اننا عايزين الفترة الانتقالية تعدي بسرعة بس فيها وزراء بجد لازم يمشوا زي انس الفقي و عائشة عبد الهادي ومفيد شهاب وهاني هلال لأن لو فضلنا نطلب ونطلب عمرنا ما هنوصل لحاجة وهنبقي زي لبنان مبيعجبناش حاجة